Filìpȩ 3:13 - Mundani

¹³ Bɔnyɨ bɔ̧, mâ kwaꞋtè nê e mbakà luula te eghǎ ewu adzìꞋa màa bɔ èghɨ bàa la. NdàꞋ àghɨa màa ngɨ̀à la wu nê, maa kà tsi ndɨ̀ŋkè àghɨa a tsè tê ndɔ̀Ꞌ la, mâ tsiꞋa ndɨ̀ŋkà wuê àyea à wu ne mbì la.

Filìpȩ 3:13 ပူးပေါင်းရင်းမြစ်များ

Lûk 10:42

Ka ndàꞋ àghɨ yeamɔꞋ aa və à bɔ ndɨ à ghɨ̂ ngu me ŋa awê ngoꞋ adù̧ la. Màlià lȩ̀ àghɨa ntsɔ̧̀ mbɔŋ. BetsiꞋa bɔ̀ ka lɔꞋ àlia nɨ àyùà abua tò.”

Lûk 9:62

Yesò shu abua tò nê, “Wòt tà baãaã nkɔ̧̀tè àshu nê ye liꞋa àliꞋ, ka mbɔ̂ me lɨ̀ŋkè kwèn la, bakà kùꞋ wòt tàa nyi a kèfɔ̧̀ Mbɔ̧ɔ̧mà mbɨ̀Ꞌɨ̀ wɔ̀fàꞋ tò la.”

2 Kɔlìn 5:16

Ale, ebuꞋu àfɨ̀Ꞌ yaa e me ghà ne mbì, ba kà tsi ndzè àghɨa wòt wu yùà la ane ndɨ bɔbȩ àa ndzea la. Wu nkûŋ nê e ndi mbàte ngua ndzea Yesò Klistò ane èlɨ bɔbȩ àa ndzea la, ka maa kà tsi ndze a èlɨ mbɔŋ àfɨ̀Ꞌ yaa.

Filìpȩ 2:12

Ngule bèshu̧ bɔ̧, mbɨ̀Ꞌɨ̀ àa anè la, ndɨ̀ wu bɨ li ngua ndzəèa am àfɨ̀Ꞌ yu e ndi ngu ba nɨ̧̀ ba la, a bɔ̂ŋ nê bɨ̀ paa me zə am àfɨ̀Ꞌ yaa e nte ntsě a ngèt yɨ̧ la. Bɨ̀ me ghɨ̀ mènəè mɨ̧ mbɔ̀ɔ a Mbɔ̧ɔ̧mà, mèntɨ̧ɨ̧ mɨ̧ mě me bente mbɨ̀Ꞌɨ̀ bɨa paa bɔ mèmpème.

Filìpȩ 3:12

BetsiꞋa è nka shu nê mâ ghɨ àghɨa mâ bɔ ndɨ màa ghɨ̀ la tè ndɔ̀Ꞌ, è nka meè ngu eshu nê mâ kùꞋù àghɨa mâ bɔ ndɨ màa wu yùà la. Ka, maa ndùùlà ngà nè mbì mbɨ̀Ꞌɨ̀ ebɔ èghɨ bàa mâ nɔ̀ŋè èghɨ laã adù̧ la, è wù àghɨa a li ngɨ̀ ka Yesò Klistò zìambɔŋ tɔ am ane wòt vi la.

Filìpȩ 3:8

Ane nkûŋ, è ndem ntsě wuê ndàꞋ èbùà. Mâ ntsiꞋa ndzèa èghɨ ègème àfɨ̀Ꞌ yaa mbɨ̀Ꞌɨ̀ e te ntsě èghɨ, mbɨ̀Ꞌɨ̀ e lâ eko wòt Tǎt am Yesò Klistò wû wùà la. Àyaa a bɔ̀ tê ntsè èghɨ tsa bu ègème. Mâ sǎ èghɨ bu ègème e ndi ngua ngɨ̀à la nkaa atò. Mâ ntsiꞋa ndzèa èghɨ ngaa ègème mbɨ̀Ꞌɨ̀ tabtsə, mbɨ̀Ꞌɨ̀ è ngu e tsiꞋi wuê ba Yesò Klistò,

Ebùlù 6:1

Bà me ghɨ èghɨ bu e kùꞋu abua bòt bu bɔ tsə ane mènəè Yesò la. Bà ka ntèꞋà wuê ane ànəa èghɨ leyu bu bɔ li mbɨ̀ nyɨ̀Ꞌte awa ane ànəa Yesò Klistò la. Bà ka tsi me làꞋà wuê mènəè mbì mu nàà shua nê bòt è waꞋa mènəè mu nàa ngɨ̀à bɔ tsiꞋi èpfəꞋte bòt a mbì Mbɔ̧ɔ̧mà la. Bà ka tsi me làꞋà wuê ndɨ wòt nàa zǐ èntɨ̧ɨ̧ vi ane Mbɔ̧ɔ̧mà la.

2 Pità 3:8

Bèshu̧ bɔ̧, bɨ̀ ka ndèènè ànəê yaa yeamɔꞋ la nê, aa abua Mbɔ̧ɔ̧mà àliabȩ yeamɔꞋ à ka kubte ane èngùꞋebȩ tɔsì. Àliabȩ ngaa yeamɔꞋ la, nè èngùꞋebȩ ngaa tɔsì la abua tò bê ngu wuê àghɨ yeamɔꞋ.