Filìpȩ 1:18 - Mundani

¹⁸ ÈsaꞋa e ntsě. Kò mèmɨ̀ɨ̀te mɔb wu me ntsɔ̧̀ kò me kàbɔ̀ŋ leꞋ, ko ndɨ̀ wu bɔ̀ wua ndàꞋà wuê mènəè Yesò Klistò ane balu̧ bàgème la, ànəa ngaa aà mbɔ̀ am. Ane nkûŋ, maa me wùꞋtè am ngà wuê nè mbì,

Filìpȩ 1:18 ပူးပေါင်းရင်းမြစ်များ

Matìù 23:13

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la, nkàà nê bɨa nkèla bòt mbɨ̀Ꞌɨ̀ bɔ nyi a Kèfɔ̧̀ Mbɔ̧ɔ̧mà. Bɨ̀a mbɔŋ aà kà kɨ nyi, mbɔ̂ nkèle bòt nkɨ enyi la, mbɨ̀Ꞌɨ̀ bɔ nyi. [

Ntu̧ Ntsɔ̧̀ MAK 12:40

Wu bɔ̀ɔ̀ba wàa bɔ̀ɔ̀ ngɨ̀ɨ̀la bènempfə fàà èghɨ bɔb, mbɔ̂ bɔ chu a màntsaꞋta Mbɔ̧ɔ̧mà, bɔ là̧à̧nè èngà̧ mbɨ̀Ꞌɨ̀ enɨ vəèəèlè àghɨ a bòt la. Mbɔ̧ɔ̧mà naa li ŋa wɔb ngoꞋ è tsě ye bòt ko la.”

Lûk 9:45

Bɔkatè tò bu è ka ko ànəa tà shua la, ngu nê Mbɔ̧ɔ̧mà lò̧ lə ànəa ngaa abua yɔb, mbɨ̀Ꞌɨ̀ bɔ ko, ka bɔ me bɔɔ ebiite atò ànəa ngaa.

Lûk 9:50

Yesò shu abua atò nê, “Bɨ̀ ka nkèle atò, ngu nê wòt bakà wu wɔ̀mbù̧ wê, ko tà wu wòt èkɔŋ wè.”

Lûm 3:9

Tè bàà laꞋ nê ghà àfɨ̀Ꞌ yaa? Ndɨ̀ wu Mbɔ̧ɔ̧mà nàa saꞋa bòt bàgème la bàa Bèjuê e tsě bòt koê? ChaꞋ, baa bakà tsě wòt. Mâ yaŋe shu nê kàbɔ̀ŋ kuule bòt bàgème, Bèjuê nè bòt kà wu Bèjuê.

Lûm 6:15

Tè àa wu naa? Tè baa me ghɨ̀ wuê a kàbɔ̀ŋ ndɨ̀ wu è te ntsě ànəa mbɨ̧, è tsìꞋi wuê ànəa ntsɔ̧̀ Mbɔ̧ɔ̧mà la? BetsiꞋa à ka wu ale!

1 Kɔlìn 10:19

È ngu anè shua nê ghà à? Tè e ngua shua nê bènàmbəa wu àghɨa nɨ̧ a ko, èghɨ bɔ nɨŋ njɨ̀a nàmbəa la mè ngu àghɨa ko?

1 Kɔlìn 14:15

A wu ale ko màa ghɨ̀ na à? Ko maa tsàꞋta Mbɔ̧ɔ̧mà ane fo yaã, e mě me tsàꞋta nkoa ànəa e shu la, ko maa kɔ̧ e tsàꞋte a Mbɔ̧ɔ̧mà ane fo yaã, e mě kɔ̧ ànəa mâ ko la.

1 Kɔlìn 15:11

Kò wu mmɔ̌ ka e ndi ndàꞋà èngǎ̧ mbɔŋ la, kò è li ndàꞋà bɔ̀ɔ̀ba leꞋ, ko eyaa wu èngǎ̧ Mbɔ̧ɔ̧mà ba li ndàꞋ la, mè ngu àghɨa bɨ li mbɨ̧̀ɨ̧̀ne la.

Filìpȩ 1:19

nkàà nê mâ ko nê, maa peme ngoꞋ ndɨ̀ wu bɨ̀a ntsàꞋtà Mbɔ̧ɔ̧mà àtsəa am, Fo Yesò Klistò mè me ŋa etɨŋe la.