Fȩlemùn 1:8 - Mundani

⁸ Mbɨ̀Ꞌɨ̀ àa nè la, mâ batè ngu ko eŋwèèle awê mbɨ̀Ꞌɨ̀ wanyɨ wè ane Yesò Klistò aa ghɨ̀ àghɨa à bɔ̂ ndɨ àa ghɨ̀ la,

Fȩlemùn 1:8 ပူးပေါင်းရင်းမြစ်များ

2 Kɔlìn 10:8

È màà ngu wuê nê, mâ ghàꞋtè am tè ntsè ndɨ mâ wu ghɨ̀ la ane àtɔŋ yu Yesò Klistò ŋa abua am la, ko àtsə am aa kà kɔꞋ ane ànəa mbɔŋ. Tà li tà kà ŋa àtɔŋ yaa nê è nɨŋ ntsòkè mèntɨ̧ɨ̧ mɨ̧. Tà li ŋa nê è nɨŋ ngɨ̀ mèntɨ̧ɨ̧ mɨ̧ me kweele.

2 Kɔlìn 11:21

Eyaa wu ndɨ bɨ̀a ndzèa la, bɨ nɨŋ nê ma fâ̧ nkàà nê ba li bà ka bɔ mèntɨ̧ɨ̧ kèkweele e ghɨ̀ èwuu èghɨ mbɔŋ. Ka àghɨ a wuê betsiꞋa wòt me ghàꞋtè àvi adù̧ la ko maa ghàꞋtà am adù̧ mɨ̧̂. E ngua ndàꞋà anè mbɨ̀Ꞌɨ̀ àkèghɨ̧̀.

2 Kɔlìn 3:12

Ndɨ̀ wu ba ko ayaa la, ba tsiꞋa ndàꞋà èngǎ̧ Mbɔ̧ɔ̧mà kà bɔ̀a.

Efesɔ̀s 5:4

Bɨ̀ ka me làꞋà mèngǎ̧ àtsəa kɔꞋɔ, nè mèngǎ̧ àkèghɨ̧̀, nè èbɨꞋte mèngǎ̧. Eyaa wu mèngǎ̧ kà kùꞋ. Ka bɨ̀ me kɔ̀ŋka Mbɔ̧ɔ̧mà ane àghɨa tà ghɨ ane yɨ̧ la.

1 Tèsàlonikà 2:2

Bɨ ko ndɨ bɔ li mbɨ̀ ngɨ̧̀ɨ̧̀nè àwa mè ntsɔ̧̀ɔ̧̀tè àwa a Filìpȩ ka ba kɨꞋɨ̀ abua yɨ̧ a Tèsàlonikà la. Bòt è li mbàte ndɔ̀Ꞌte a si àpfəa yɨ̧ mɨ̧̂ me pààbè àwa, ka Mbɔ̧ɔ̧mà bɔ̂ ŋà àwa mèntɨ̧ɨ̧ kèkweelè ba tsɔ̀tè Ntu̧ Ntsɔ̧̀ yu è dzəè abua tò la abua yɨ̧.

1 Tèsàlonikà 2:6

Ba li bà ka wua nyɔ̀Ꞌtà nkɨà bòt aa me kukte awa ka wuê bɨ̀a kò bòt ko tsa leꞋ, è wu àghɨa bàa mbɨ̀Ꞌɨ̀ bɔntu̧ Yesò Klistò e wu ko e ghɨ̀ la.