Fȩlemùn 1:17 - Mundani17 À yea nê ba nè e wu bɔfàꞋ Mbɔ̧ɔ̧mà, à nɨ atò mbɨ̀Ꞌɨ̀ ndɨ nàà ngu mmɔ̌ ko à nɨ am la. အခန်းကိုကြည့်ပါ။ |
Ànəa ndò̧ mbɔŋ wu nê Ntu̧ Ntsɔ̧̀ Mbɔ̧ɔ̧mà è ghɨ̀ bòt kà wu Bèjuê e wu li bɔ èghɨ ntsɔ̧̀ bu Mbɔ̧ɔ̧mà nàa ngɨa ane bòt Izəèlȩê la mɨ̧̂. Bɔ tsiꞋi mbɨ̧̀ ènyit yemɔꞋ, mè mbɔ̀ è wɔb ne èghàb ane èghɨ ntsɔ̧̀ bu Mbɔ̧ɔ̧mà kàꞋa bòt bi la, ndɨ̀ wu bɔ̀ tsiꞋi àghɨ yeamɔꞋ nè Yesò Klistò la.
Mâ bɔ̂ ndɨ màa me tseka mɨ̀ɨ̀tà àwɨ̧ wuê anè la, nkàà nê bɨ wu èntɨ̧ɨ̧ am. Aa ale, nkàà nê ba nɨ̧̀ ba e ye a ntsɔ̧̀ wu Mbɔ̧ɔ̧mà è ghɨ abua ya la. Ba ye a ntsɔ̧̀ mbɔŋ àfɨ̀Ꞌ yaa è ngu a tèfȩ la, fɔ̀ɔ̀le ne àfɨ̀Ꞌ yu e ndi ngua ngèèba ntsɔ̀tà Ntu̧ Ntsɔ̧̀ Yesò Klistò nyɨ̀Ꞌta ndɨ è wû nkûŋ la.
ÈbùꞋ bu bètǎt bɔb è wu bòt Yesò la, è ka ngà a mbɔ ndɨ bɔ̀ tsiꞋi mbɨ̀Ꞌɨ̀ bɔnyɨ bɔb la me ghɨ àtsə àkekweelè abua bèŋût. Bɔ bɔ ndɨ bɔɔ me zə bètǎt bɔb bu tè ntsèà ale la, nkàà nê bòt bɔ̀ɔ njɨ̀a àbȩ̀ àfàꞋ yɔb la wu bòt bu bɔ̂ tò ba e zi èntɨ̧ɨ̧ wɔb ane Yesò me kɔ̀ŋkè awɔb la. À bɔ ndɨ àa nyɨꞋte mènəè maa e kɨɨte bòt bɔɔ me ghɨ la.