Ètsə 9:21 - Mundani

²¹ Bɔ li bɔ̀ ka meè nkùbte mèntɨ̧ɨ̧ mɔb a màmbuŋa bòt, nè mànduta tèkaŋ, nè màmpaꞋta àbɨ̧, ndɔ̀Ꞌ nè màntsɔ.

Ètsə 9:21 ပူးပေါင်းရင်းမြစ်များ

Matìù 15:19

Ngu nê èghɨ àa ndzəa èntɨ̧ɨ̧ wòt la ka àa ngɨ̀à tà bɔ mèmɨ̀ɨ̀te kàbɔ̀ŋ, a màmbuŋa wɔ̀bȩ̂, mànjɨa àbȩ, màpaꞋte wòt kà bɨ tò eyɔꞋ, màntsɔa, màndzia mèfà̧ àtsəa bòt, mè nè màntsoke èlen wòt.

2 Kɔlìn 12:21

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂ Mbɔ̧ɔ̧mà wu màa faꞋa abua tò la mè ngɨ̀ e mbɔ àtsəa kɔꞋɔ a mbì lɨ̧, e mè mbɔ̌ ndɨ màa me dɨ̌ nkàà nê bɔɔ mɨ̀ɨ̀tà mènəè kàbɔ̀ŋ ntu̧ kubte mèntɨ̧ɨ̧ mɔb la. Èghɨ mbɔŋ bɔ̀ɔ ngɨ̀à la wu mèmɨ̀ɨ̀te kàbɔ̀ŋ, màmpaꞋta bòt kà yɔꞋ awɔb, mà ngɨa kàbɔ̀ŋ kà bɔ àtsəa kɔꞋɔ.

Gàlashìà 5:20

mànguꞋta èghɨ tsa kà wu Mbɔ̧ɔ̧mà, nè tèbətsə, nè mpàb, nè àyɔ̀ŋ, nè ghòꞋnà, nè èntɨ̧ɨ̧ bɨ̌, nè èghoꞋ, nè màntsiꞋa ane mètsəê tsa tsa, ndɔ̀Ꞌ nè màngabta etseke tsa tsa.

Ètsə 13:13

Nyà̧mɔ̀Ꞌ kwèn yaa li ngɨ̀ mènəè ngɨŋa kwàꞋ ànyaꞋne, ngɨ̀ èwet e lɔ̀Ꞌɔ a ègwet nchu a sitsǎꞋ tè bòt e ye.

Ètsə 13:15

Bɔ sà nyà̧mɔ̀Ꞌ kwèn yu tà yèènè fo mèmpème ane wamâlem wu bɔ̀ɔ nɨa ngùꞋtà nyà̧mɔ̀Ꞌ mbì yu la, mbɨ̀Ꞌɨ̀ ghɨ̌ tàa me làꞋa, e mě ghɨ̌ tàa bùŋe bòt bɔ tu̧u̧ wùꞋte atò la.

Ètsə 13:7

Bɔ mè sa atò nê tà màꞋà èbet adù̧ bòt Mbɔ̧ɔ̧mà nù àwɔb ntsè. Mè ŋa atò mètàŋ nê tà me baãaã èndà̧ ègème, nè èlaꞋ ègème, nè bòt bɔ̀ɔ ndàꞋà ndɨ̧ tègème la.

Ètsə 14:8

Wantu̧ Mbɔ̧ɔ̧mà kǒ, è kùŋe we mbì wu la nê, “A kwen ɔɔ̀. Àpfəèa nɨ̧ yu bɔɔ ntɔ ane Babilɔ̀n la a kwen. Àpfəèa mbɔŋ a ghɨ̂ èlaꞋ ègème e nu mèlùꞋ kèkweelè àbɨ̧ tò yu tàa mpàꞋtâ la.”

Ètsə 16:6

Bòt baa e li mbùŋè bòt bê nè bèndàꞋàtɔŋ bê, à ŋa àlo̧ bɔ nu. Bɔ wua ndzèa ngoꞋ è kùꞋu ane àfàꞋ àyɔb la.”

Ètsə 17:2

Bèfɔ̧̀ sitsǎꞋ e paꞋte atò, bòt bàgème a sitsǎꞋ e mè mbe mèlùꞋ àbɨ̧ atò yu tàa mpàꞋta la.”

Ètsə 17:4

Àvi mbɔŋ kwaãaã ndìte membaŋ tèa mbɔ̀ la, mè nɨ èghɨ nyànga nɨŋ ngwèè àvi. Mbèà ndɔŋ bɔ ghɨ ane goêl la àbu azi. Ndɔŋ mbɔŋ lu̧u̧ nê èbɨꞋte èghɨ e dzəê ane àbɨ̧ yu tàa mpàꞋta la.

Ètsə 17:5

Bɔ shɨ èlen a èsi tò e bɔ lə ndò̧ la nê, “TaꞋà àpfəèà nɨ̧ a Babilɔ̀n, nyɨ̌ bèghȩ̀ȩ̀nè ghȩȩne, nè èbɨꞋte èghɨ ègème àa ngɔ̀ŋ la.”

Ètsə 18:3

Tà ŋa mèlùꞋ àfàꞋa mànjɨa àbȩ, tè bòt sitsǎꞋ e nu mbe, bèfɔ̧̀ sitsǎꞋ e mè mpàꞋte atò. Bòt tèwen e mè ntsìꞋi bòt èkab nkàà èghɨ bu tàa nəèꞋa vi a èbèm la.”

Ètsə 19:2

Tà wu wòt nkûŋ, mè me saꞋa mènəè wuê ndɨŋndɨ̀ŋ. Tà saꞋa àghɨꞋna ghȩ̀ȩ̀nè ghȩȩne wu ane àbɨ̧ tà nɨŋ ndiꞋi ngɔ̀ŋ la. Mbɔ̧ɔ̧mà nɔ̀ŋe ngoꞋ àtsə atò nkàà àlo̧ bɔfàꞋ bi bu tà ghɨ̀ a chɨ̧ɨ̧te a si la.”

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.

Ètsə 9:20

ÀbəꞋa bɔbȩ ngoꞋte kekweelè tàa te li tè ka buŋè àwɔb la, a li ntu̧ kubte. Bɔ li mbèla nkùkta wuê fote kàbɔ̀ŋ, nè bènàmbəa bɔ ghɨ ane goêl nè silbà nè àti mè nè èyɨt, è wu èghɨ àa ka ye èdziꞋ, è ka wua ndzəa èdziꞋ, è ka meè ngua ngȩ̀ȩ̀nà la.