Ètsə 9:20 - Mundani

²⁰ ÀbəꞋa bɔbȩ ngoꞋte kekweelè tàa te li tè ka buŋè àwɔb la, a li ntu̧ kubte. Bɔ li mbèla nkùkta wuê fote kàbɔ̀ŋ, nè bènàmbəa bɔ ghɨ ane goêl nè silbà nè àti mè nè èyɨt, è wu èghɨ àa ka ye èdziꞋ, è ka wua ndzəa èdziꞋ, è ka meè ngua ngȩ̀ȩ̀nà la.

Ètsə 9:20 ပူးပေါင်းရင်းမြစ်များ

Matìù 21:32

A me wu ale ngu nê Jɔ̌n ndzìà èdzî li nkɨ̀Ꞌɨ̂ nyɨ̀Ꞌte awɨ̧ alu̧ ndɨ bɨ̀a me ghɨ̀ àghɨa Mbɔ̧ɔ̧mà nàa nkɨà la, ka bɨ tu̧u̧ ebɨ̧ɨ̧ne ànəa tà li ngua shua la. Bèfetà èkab taksì, nè bèghȩ̀ȩ̀ne ghȩȩne e bɔ̂ mbɨ̧̀ɨ̧̀ne. Ka bɨ ye ale, ntsiꞋi akwèn bɨ̀ ka lem kùbte mèntɨ̧ɨ̧ mɨ̧, ebɨ̧ɨ̧ne ànəa tà shua la.”

ÀfaꞋa 17:29

“Ndɨ̀ wu bà wu bɔ̧ Mbɔ̧ɔ̧mà la, bàà kà mɨ̀ɨ̀tè laꞋ nê, bɔ̀ kɔ̧ɔ̧ atò mbɨ̀Ꞌɨ̀ wòt nàa ngɨ̀ tà nèètè nkɔ̧̀ kèbaa èti, kò wuê èfe silbà, kò wuê èfe goêl la leꞋ. Bɔ bakà kɔ̧ɔ̧ atò a èlɨ̀ wu wɔ̀bȩ̂ nàa nkɔ̧̀ɔ̧ èghɨ bi la.

ÀfaꞋa 19:26

Bɨ̀a mbɔŋ e ye mè ndzəè àghɨa mbê waa bɔ̀ɔ ntɔ atò nê Pɔ̂l la è ghɨ̀ la. Tàà shua nê bèmbɔ̧ɔ̧mà bàa bɔbȩ àa ngɨa ane èbu bɔb la ntsě àghɨ. Tà làꞋà èngǎ̧ vi wu tè nɨŋ ntsòkè àtsəa bòt a Efesɔ̀s ŋaa, nè àbâ àlaꞋ a Esìà ŋaa àgème.

ÀfaꞋa 7:41

Eyaa wu àfɨ̀Ꞌ yu bɔ li ngɨ̀ àghɨ ako mbɨ̀Ꞌɨ̀ wampɔ̀ŋ ane nàmbəa wɔb la. Ngɨ̀ ale, me ntsì mèpɨ̧̀ ŋa abua tò, tè njɨ fɔ̀ɔ̀le èpǎ̧ adù̧ àghɨa bɔ nɨ èbu bɔb ngɨ̀ la.

2 Kɔlìn 12:21

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂ Mbɔ̧ɔ̧mà wu màa faꞋa abua tò la mè ngɨ̀ e mbɔ àtsəa kɔꞋɔ a mbì lɨ̧, e mè mbɔ̌ ndɨ màa me dɨ̌ nkàà nê bɔɔ mɨ̀ɨ̀tà mènəè kàbɔ̀ŋ ntu̧ kubte mèntɨ̧ɨ̧ mɔb la. Èghɨ mbɔŋ bɔ̀ɔ ngɨ̀à la wu mèmɨ̀ɨ̀te kàbɔ̀ŋ, màmpaꞋta bòt kà yɔꞋ awɔb, mà ngɨa kàbɔ̀ŋ kà bɔ àtsəa kɔꞋɔ.

1 Tɔ̀màtià 4:1

Fo Mbɔ̧ɔ̧mà nàà bê ndâ ndàꞋà shua nê, ngɔ̀ŋ naa li ngà me lìa, bòt ko e tsì mèntɨ̧ɨ̧ mɔb ane Yesò, ntsiꞋi me zə ànəa fote kàbɔ̀ŋ te fɨtà shua la, mè nkùŋà mènəè te nyɨꞋtà la.

Ètsə 15:1

ÀfɨꞋa mbɔŋ e mè ndze nkɨ̀Ꞌnè àghɨa ko a ègwelebuule a ghe la, bɔntu̧ Mbɔ̧ɔ̧mà basà̧à̧mbe bɔ̂ bèa èbɨꞋte ngoꞋ tesà̧à̧mbe la. Wu èbɨꞋte ngoꞋte te lià, nkàà ndɨ è wu tùà Mbɔ̧ɔ̧mà nàa nɨ elìa ntsǒ zi la.

Ètsə 16:8

We bakwì ane bɔntu̧ Mbɔ̧ɔ̧mà bu tsəè è li ne èpfəèꞋ ntsǒ Mbɔ̧ɔ̧mà adù̧ àtaãnyèm, ngɨ̀ a me tò̧ò̧te bòt mbɨ̀Ꞌɨ̀ èwet.

Ètsə 9:19

Mètàŋ bèloà mbɔŋ li ngu a mètsəê mɔb nè tèku̧ tɔb. Tèku̧ tɔb te li ngu mbɨ̀Ꞌɨ̀ nyaãtekàbɔ̀ŋ nè ètsə. Wu tèku̧u̧te ngaa bɔ li ngua nɨa ndzìà èlɔꞋ ane bòt la.

Ètsə 9:21

Bɔ li bɔ̀ ka meè nkùbte mèntɨ̧ɨ̧ mɔb a màmbuŋa bòt, nè mànduta tèkaŋ, nè màmpaꞋta àbɨ̧, ndɔ̀Ꞌ nè màntsɔ.