Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ètsə 7:2 - Mundani

2 Mâ ghɨ̀ ale, mè ndze wantu̧ Mbɔ̧ɔ̧mà kǒ tà dzə àbâ yu nyèm nàa sàꞋa la, nè àghɨa ko àbu azi, è wu àghɨa Mbɔ̧ɔ̧mà yu̧ nàa nɨa ndzìà àlȩê ane bòt la. Tà ŋȩ ntɔ bɔntu̧ Mbɔ̧ɔ̧mà ko bu bakwì Mbɔ̧ɔ̧mà ŋa awɔb mètàŋ a màntsoka sitsǎꞋ nè *èdzî la,

အခန်းကိုကြည့်ပါ။ ကော်ပီ




Ètsə 7:2
29 ပူးပေါင်းရင်းမြစ်များ  

Simùn Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la, Waã Mbɔ̧ɔ̧mà yû̧.”


Ka Yesò kà lâꞋ. Àtsəa bèntsìà mèpɨ̧̀ yu a shu abua tò nê, “Zi nkà̧ ane èlen Mbɔ̧ɔ̧mà yû̧. À wu Fɔ̧̀ wu Mbɔ̧ɔ̧mà yɔꞋ ntsà, tà wù Waã Mbɔ̧ɔ̧mà la, à shu awa.”


Bɨ̀ ka ŋà àtsəa yɨ̧ ane èghɨjɨ àa lɔ̀Ꞌɔ elìa la. Ka bɨ̀ ŋa wuê ane èghɨjɨ bu àa ŋǎ mèmpème kàlìà la. Eyaa wu èghɨjɨ bu Waã Wòt nàa ŋa abua yɨ̧ la, nkàà nê wu tòà Tǎt wa Mbɔ̧ɔ̧mà nyɨꞋtè nê tà wu wòt ye laa nê tà me ghɨ àfàꞋ yaa la.”


Tà zǐ àlȩê a zi ane ya, enɨ nyɨꞋte nê ba wu bòt bi, mè ndzì Fo Kèfə a mèntɨ̧ɨ̧ ma enɨ nyɨꞋte nê baa li ebɔ èghɨ tà nɔ̀ŋe abua ya la.


Bɨ̀a mbɔŋ e li ntsìꞋi bòt Mbɔ̧ɔ̧mà mɨ̧̂ àfɨ̀Ꞌ yu bɨ li ndzəâ èngǎ̧ nkûŋ la. Èngǎ̧ mbɔŋ wu Ntu̧ Ntsɔ̧̀ yu è li ngɨ̀ bɨ pem la. Bɨ li ndzə mbɨ̧̀ɨ̧̀ne, Mbɔ̧ɔ̧mà zì àlȩê àzi ane yɨ̧. Àlȩê yaa wu Fo Kèfə yu tà li nkàꞋ bòt bi la.


Bɨ̀ ka ngɨ̀ àghɨa àa me saa Fo Kèfə Mbɔ̧ɔ̧mà la. Fo ya wu àlȩê yu Mbɔ̧ɔ̧mà li ndzi ane yɨ̧ nê bɨ wu bòt bi la. Fo mbɔŋ wua nyɨ̀Ꞌta nê àli yu aa li nkɨ̀Ꞌɨ̂ Mbɔ̧ɔ̧mà ghɨ̀ bɨ pem.


Bòt ngaa bàgème aà ndàꞋà ndɨ bɨ li mbà̧à̧ àwa àfɨ̀Ꞌ yu ba li nkɨ̀Ꞌɨ̂ emù àwɨ̧ la, mè shua ndɨ bɨ sà bènàmbəa bɨ̧, tè ntsìꞋa ntsàꞋtà wuê ngule Mbɔ̧ɔ̧mà yû̧ la.


Ka, betsiꞋa àtetsi àkekweelè yu Mbɔ̧ɔ̧mà li mbɔ̧ la à ka nyiꞋnè. Bɔ shɨ mèngà̧ maa adù̧ və nê, “Mbɔ̧ɔ̧mà è ko bi ne bòt.” Mè shɨŋ nê, “Wòt tà laꞋnê ye wu wòt Mbɔ̧ɔ̧mà la è bɔ ndɨ tàa waꞋa mènəè kàbɔ̀ŋ mi la.”


Ka bɨ kɨꞋɨ tê ntsìꞋi a mbɨ̧̀ èbȩ lu bɔ̀ɔ ntɔ nê Zayɔ̀n la, è wu àpfəèà nɨ̧ a Mbɔ̧ɔ̧mà yû̧ la. Eyaa wu Jèlusalèm wu a ègwet, nè bɔntu̧ Mbɔ̧ɔ̧mà bu kà pà̧ bɔ bù̧ù̧te ane mèngùꞋte la.


Ntsɔ̧̀ wu wòt wu tàa tɔ mèngǎ̧ màa Mbɔ̧ɔ̧mà nyɨꞋte atò la abua bòt la. Ntsɔ̧̀ mè ngu bòt bu bɔ̀ɔ ndzəa mè nɔ̀ŋà èghɨ bàa bɔ shɨ la, nkàà nê àfɨꞋa èghɨ mbɔŋ àa ghɨ̀ la aà nkùꞋà.


E mè ndze wantu̧ Mbɔ̧ɔ̧mà kǒ tà taꞋa bɔ mètàŋ la nchua ègwet. MbàꞋ è kàba atò mbɨ̀Ꞌɨ̀ ndǐ, nàmbəabaŋ la èghààle àtsəa tò. Èsi tò e me kàꞋtè mbɨ̀Ꞌɨ̀ àntaãnyèm, èka tò e mè nɔ̀ŋkè mbɨ̀Ꞌɨ̀ àlo̧a èwet nkɔ̀Ꞌa la.


Èfâŋ yu yesà̧à̧mbe e gwet ale, e mbê nê e nkɨ shɨ ànəa e làꞋà la, me zə àtɔŋ ko a dzəè a ègwet nê, “Ka ntùꞋu mènəè mu èfâŋ yu yesà̧à̧mbe e shu la, à ka shɨa a si.”


We bantùa ane bɔntu̧ Mbɔ̧ɔ̧mà bu tsəè è li ne èpfəèꞋ a èbem èdzî wu bɔ̀ɔ ntɔ ane Yuflètìs la. Èdzî wu e yu̧ nenkèm, mbɨ̀Ꞌɨ̀ bèfɔ̧̀ bu be dzəâ àbâ yu nyèm nàa saꞋa la aa ko etu̧ èdzî wu.


ÀfɨꞋa mbɔŋ e ndze wantu̧ Mbɔ̧ɔ̧mà ko tà taꞋa bɔ mètàŋ la, tà me ŋȩ shua nê, “Wòt wu tà kùꞋ a màntsia àmènà yu ane àkatè yu, è ghaꞋa àkatè ngaa la wu wàà?”


Wantu̧ Mbɔ̧ɔ̧mà kǒ kɨꞋɨ ntɨ̧ àdziꞋ yu bɔ̀ɔ ntò̧à banyà̧ ŋa abua Mbɔ̧ɔ̧mà la. Tà li mbèà èpfəèꞋ ko bɔ ghɨ ane goêl la àbu azi. Bɔ ŋa mèwet kǒ nàa nəèꞋa mbɔ̀ la nyaŋ abua tò, nê tà nɨŋ nkwèꞋnè ane àtsaꞋta bòt Mbɔ̧ɔ̧mà, ntò̧ adzìꞋ yu bɔ ghɨ ane goêl, à wu a mbìa àtɨ̧a kèfɔ̧̀ a Mbɔ̧ɔ̧mà la.


Àtɔŋ mbɔŋ a li shu abua we bantùa wu ane bɔntu̧ bu, tà li mbɔ èsɔndɨk lu la nê, “Tsì bɔntu̧ bu bakwì bɔ li nkȩ̀ àwɔb àdziꞋ yu èdzî nɨ̧ Yuflètìs è wu la.”


È shu abua yɔb nê, bɔ̀ kà ntsòkè mèfəèꞋ, kò èyɨt, kò àghɨa ko tsa àa ntsəa a sitsǎꞋ la leꞋ. Bɔ li mbɔ ndɨ bɔ̀ɔ zi àlɔꞋ wuê ane bòt bu kà bɔ àlȩê a Mbɔ̧ɔ̧mà a mèsi mɔb la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ