Ètsə 7:17 - Mundani

¹⁷ Aa li wu ale nkàà nê, Wanjɨ̀ wu a kètsìà àtɨ̧a kèfɔ̧̀ yu la, naa li wu mbààba awɔb, e me nɨa awɔb ngà a badzì mèleb nàa ŋa mèmpème la. Mbɔ̧ɔ̧mà mè ngu li yòò mèsi ègème àghɨ ayɔb.”

Ètsə 7:17 ပူးပေါင်းရင်းမြစ်များ

Matìù 2:6

Nê, ‘KwàꞋ àwɔ̀ Betèlèghêm, à ntsě àpfəa techɨɨle ayɔɔ èpfəè bòt Judà, ngu nê, Fɔ̧̀ naa li dzə abua yê ewua àtsəa bòt bɔ̧, bòt Izəèlȩê.’ ”

Matìù 5:4

Ntsɔ̧̀ wu bòt bu bɔ̀ɔ ndɨ̀à la, Mbɔ̧ɔ̧mà naa li bɔte awɔb.

Jɔ̌n 10:11

“E ngu ngule mbaabà njɨ̀. Ngule mbaabà njɨ̀ nàà ŋǎ àtsəa zi ane njɨ̀te mbɔŋ.

Jɔ̌n 10:14

“E ngu ngule mbaabà njɨ̀, mâ ko njɨ̀ taã, njɨ̀ taã te mè nkǒ am,

Jɔ̌n 4:10

Yesò bɨ̀ɨ̀lè èngǎ̧ tò nê “À ghɨ̀ ale nko àghɨa Mbɔ̧ɔ̧mà nàa ŋǎ la, mè nko wòt wu shua nê ŋa mèleb yè nu la, ko à biite atò tà tsiꞋi ŋa awê mèleb nàa ŋǎ mèmpème la.”

Jɔ̌n 4:11

Àvi wu shu abua tò nê “Tê, à bakà bɔ àghɨa àa nɨ etuꞋu mèleb la, èbɨ làa e mè me sàa, ale à wu nɨ mèleb mu nàa ŋǎ mèmpème la nèŋàà?

Jɔ̌n 4:14

ka wòt ègème tà nu mèleb mu màa ŋa abua tò la, àtɔŋ tò à ka lɔꞋ àlia ntsi nju̧. Mèleb mu màa ŋa abua tò la, naa tsiꞋi ane tò mbɨ̀Ꞌɨ̀ adzì nàa nkɔꞋɔ a si àfɨ̀Ꞌ àgème ŋǎ tò mèmpème kàlìà la.”

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

1 Pità 5:2

E ngua shù̧ù̧ta awɨ̧ nê bɨ̀ me baabe bòt bu Mbɔ̧ɔ̧mà zi a tèkitebu tɨ̧ la, mbɨ̀Ꞌɨ̀ mbaabà njɨ̀ nàa mbààba njɨ̀ ti la. Mbɔ̧ɔ̧mà nàà nkɨà nê bɨ̀ me baãaã awɔb ane mɨ̧ nê mènkɔ̀ŋke, è ka ngu ngaa mbɨ̀Ꞌɨ̀ bɔ ŋwèèlè àwɨ̧ ŋwèèle. Bɨ̀ ka me fàꞋà mbɨꞋɨ̀ bòt nkɨà wuê èkab la, bɨ̀ me fàꞋà nè èntɨ̧ɨ̧ ntsɔ̧̀.

Ètsə 14:4

Bòt baa wu bòt bu bɔ nɔ̀ŋè ènyit yɔb ntsɔ̧̀, bɔ̀ ka li mè paꞋte àvi la. Bɔ li ngua nkùŋà Wanjɨ̀ wu àdziꞋ àgème tàa ngà la. Eyaa wu bòt bɔ làà àwɔb nchùꞋù ètsə bɔb ayɔɔ bɔbȩ, mbɨ̀Ꞌɨ̀ èghɨ mbì bɔ fuꞋu ŋa abua Mbɔ̧ɔ̧mà bɔ̂ Wanjɨ̀ wu e nɨ nyɨꞋte nê èbu bɔ̀ bele ka fùꞋù la e wu abua tò la.

Ètsə 21:22

E ndi è ka ye lob nɨ̧ Mbɔ̧ɔ̧mà a èbem àpfəèa mbɔŋ, nkàà nê Mbɔ̧ɔ̧mà Lefɨ̀Ꞌ Àtsèàngɔ̀ŋ bɔ̂ Wanjɨ̀ wu ka bɔ wu lob mbɔŋ la.

Ètsə 21:23

Àpfəèa mbɔŋ a li à ka tsi ngua nkɨà nyèm kò èŋu leꞋ ea me bàŋe yùà, nkàà nê ènɨ̧ Mbɔ̧ɔ̧mà è le wua mbàŋà àyùà mbɨ̀Ꞌɨ̀ èkaꞋà, Wanjɨ̀ wu mè ngu èkaꞋà àpfəèa mbɔŋ.

Ètsə 21:4

Tàa yòò mèsi ègème àghɨ ayɔb, èvə è ka wu li tsi wu, wòt kà wu li tsi edɨ̌ ko me shùù mèsi leꞋ, àdziꞋa wòt à kà wu li tsi saa, nkàà nê èghɨ nyaꞋ e tsě ègème.”

Ètsə 21:6

Tà ghɨ̀ ale, mè shu abua am nê, “A mî, E ngu mbì nè kwèn, MèmbùꞋu nè Mèndìa. Maa ŋa mèleb è dzəâ a èbem adzì wu nàa ŋa mèmpème la, àku, abua waa waa àtɔŋ tò a yu̧ la.

Ètsə 22:1

Wantu̧ Mbɔ̧ɔ̧mà wu è ghɨ̀ ale, mè nyɨ̀Ꞌte am èdzî ko àa ŋa mèmpème la, e me kàꞋtè mbɨ̀Ꞌɨ̀ àlùgɨ̀lâ. Èdzî mbɔŋ e dzə adù̧ àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu,

Ètsə 4:11

“Mbɔ̧ɔ̧mà Lefɨ̀Ꞌ wa leꞋ, à kùꞋu we bòt àa me shu nê à ghe, mè nkùkta we, mè ngùꞋtà we ane mètàŋ mè la. Wu àwɔ̀ à lè ghɨ èghɨ ègème, è mě ngu ane mènkɔ̀ŋke me ka èghɨ ègème e li ngu, mè ntsìꞋi èghɨ yu̧ la.”

Ètsə 5:6

ÀfɨꞋa mbɔŋ e ndze Wanjɨ̀ tà tɨ̧ɨ̧ a mbì àtɨ̧a kèfɔ̧̀ yu la. Èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la e ghaale Wanjɨ̀ wu ndzì a kètsìà. Wanjɨ̀ mbɔŋ tɨ̧ ale nɔ̀ŋkè mbɨ̀Ꞌɨ̀ bɔ le lɔ̀Ꞌ mbùŋè atò. Tà li mbɔ ndɔŋtsə tesà̧à̧mbe àtsə azi, nè àghɨ yea sà̧à̧mbe, è wu fote Mbɔ̧ɔ̧mà tu tesà̧à̧mbe bɔ tsàà àdziꞋ ègème a sitsǎꞋ ŋaa la.