Ètsə 7:15 - Mundani

¹⁵ È wu ale, Eyaa wu lə bɔ wu a mbì àtɨ̧a kèfɔ̧̀ Mbɔ̧ɔ̧mà, fàꞋà ngùꞋtà tò a èbem lob tò nèngû̧ nè ètsəꞋ la. Wòt wu tà tseke a ègwet àtɨ̧a kèfɔ̧̀ yu la, nàà wu ne nɔ̀b mbààba awɔb.

Ètsə 7:15 ပူးပေါင်းရင်းမြစ်များ

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

1 Kɔlìn 3:16

Bɨ bakà ko nê bɨ wu lob Mbɔ̧ɔ̧mà, Fo tò nàa ntsèka ane yɨ̧ la à?

2 Kɔlìn 6:16

Lob Mbɔ̧ɔ̧mà bakà bɔ àghɨa ko nàa ghɨ̀ ne èghɨ bu bòt àa nɨ̀a nê wu bèmbɔ̧ɔ̧mà la. Ba wu lob Mbɔ̧ɔ̧mà yû̧, wuê mbɨ̀Ꞌɨ̀ tà shu la nê, “Maa me tseke ane yɔb, mè ngȩȩna ayɔɔ yɔb. Maa li ewu Mbɔ̧ɔ̧mà wɔb, bɔɔ wu bòt bɔ̧.”

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

Ebùlù 8:1

Ngule ànəê yu ba shua ane èngà̧ waa la wu nê, ba bɔ àtsəa bèntsìà mèpɨ̧̀ Mbɔ̧ɔ̧mà mbɨ̀Ꞌɨ̀ è waa tà tseke a ègwet àtɨ̧a kèfɔ̧̀ a ègwet àbâ àbualu̧ a Mbɔ̧ɔ̧mà àtsəa ngɔ̀ŋ la.

Ètsə 11:19

ÀfɨꞋa mbɔŋ bɔ tsɔꞋɔ lob nɨ̧ Mbɔ̧ɔ̧mà yu a ègwet la, bɔ ye èkɔb mènkàꞋa kèkweelè Mbɔ̧ɔ̧mà a èbem lob mbɔŋ. MèkàꞋà kàꞋ, èfâŋ e me kwele, sitsǎꞋ bentè, èwèt e kwentè kwàꞋ ànyaꞋne.

Ètsə 13:6

Tà bùꞋ me làꞋa kàbɔ̀ŋ adù̧ Mbɔ̧ɔ̧mà, ndàꞋà mènəè kàbɔ̀ŋ ane èlen Mbɔ̧ɔ̧mà nè àdziꞋa tàa ntsèka la, mè nè bòt bu bɔ̀ɔ ntsèka a ègwet la.

Ètsə 20:10

Bɔ ghɨ̀ ale, maꞋa Satàn wu tà fɨte awɔb la a èwet ko àa mbɨ̀Ꞌɨ̀ èlemè nkòòla nè èkem adù̧, bɔ zǐ màꞋa nyà̧mɔ̀Ꞌ yu bɔ̂ ndàꞋàtɔŋ fɨ̀te wu a èbèm la. Bɔ̀ɔ me ye ngoꞋ a èbèm, ètsəꞋ nè nèngû̧ ane àlia nè àlia.

Ètsə 21:22

E ndi è ka ye lob nɨ̧ Mbɔ̧ɔ̧mà a èbem àpfəèa mbɔŋ, nkàà nê Mbɔ̧ɔ̧mà Lefɨ̀Ꞌ Àtsèàngɔ̀ŋ bɔ̂ Wanjɨ̀ wu ka bɔ wu lob mbɔŋ la.

Ètsə 22:3

Àghɨa ko ndɔ̀ Mbɔ̧ɔ̧mà nɔ̀ŋke a ègwet la, à ka wu ewu a èbem àpfəèà nɨ̧ a mbɔŋ. Àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu aa wu abot, bɔfàꞋ tò e mè ngu me wùꞋte atò abot.

Ètsə 22:5

Ndzěm ka li tsi wua, bòt è ka wu li tsi e me kɨ mèkàꞋà kò nyèm leꞋ, nkàà nê Mbɔ̧ɔ̧mà Lefɨ̀Ꞌ naa li wu èkaꞋà wɔb, bɔ mè ngu li e me baãaã ngɔ̀ŋ ane àlia nè àlia.

Ètsə 4:4

Ètɨ̧ kèfɔ̧̀ ko èghem yebe ntsɔ̀b bekwì e ghaalè àtɨ̧a mbɔŋ. Bɔɔjuŋ ko èghem yebe ntsɔ̀b bekwì e tseke a ègwet ètɨ̧ bu, nkwaãaã ndìte kèfə, mè nkaãaã ntà̧ kèfɔ̧̀ bɔ nɨa goêl ngɨ̀ la.

Ètsə 4:8

Àghɨ àgème ane èghɨ yu̧ bu bekwì la, a bɔ tèbaabètsə tentùa mè mbɔ̀ àghɨ ane yɔb a èdziꞋ ègème, àbȩ nè èbèm. Àfɨ̀Ꞌ àgème nèngû̧ bɔ̂ ètsəꞋ bɔ me kɔ̧ mèkù̧ shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ tà tse èghɨ ègème, mè mbɔ̀ èntɨ̧ɨ̧ kèfə ntsè àghɨ àgème. Tà li ndzaŋe wu, mè ngu àfɨ̀Ꞌ yaa, mè ngu e li ekɨꞋɨ.”

Ètsə 4:9

Èghɨ bu bekwì, è wu yu̧ la e me kɔ̧ mèkù̧ ngùꞋtà, nkùkta mè nkɔ̀ŋkà wòt wu tà tseke a ègwet àtɨ̧a kèfɔ̧̀ yu, tà wu ane àlia nè àlia la. Mbɨ̀Ꞌɨ̀ bɔ ghɨ̀ ale la,

Ètsə 7:9

Àyaa a tsè ale, e mè ndȩ̀ me ye ndze mènɔ̧̂ bòt kwàꞋ ànyaꞋne, kà wòt wu ko e pà̧aã. Bòt ngaa e li ndzəèa èlaꞋ ègème, nè èndà̧ ègème nè tèwuute bòt tègème, mè nè ndɨ̧ tègème. Bɔ li nkwaãaã ndìte kèfə mè mbèà èwumaŋ àbu bɔb, ntɨ̧̀ɨ̧̀te a mbì àtɨ̧a kèfɔ̧̀ yu nè Wanjɨ̀ wu a ngèt la.