Ètsə 6:2 - Mundani

² E mè ndɨ̀ŋkè me ye, ndzèa loà kèfə. Wòt tà tsekè a ègwet la bèà nkeꞋ àbu azi, bɔ mè ŋa ntà̧ kèfɔ̧̀ abua tò. Tà dzə nga àbȩ mbɨ̀Ꞌɨ̀ wòt tà nù tê ntsè mè ngu nû e tsè la.

Ètsə 6:2 ပူးပေါင်းရင်းမြစ်များ

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

1 Kɔlìn 15:25

Yesò Klistò bɔ ndɨ tàa me baãaã a kèfɔ̧̀ vi tè ndɨ Mbɔ̧ɔ̧mà nàa ghɨ̌ taa tsite èka bi a ègwet bɔmbù̧ bi la.

Ètsə 11:15

ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

Ètsə 11:18

Bòt èlaꞋ bu kà ko awê la aa ntsòa nkwèèlâ àtsə, mbɔ̂ àfɨꞋa àa nɔ̀ŋe ntsǒ yê a ègwet lɔb la a kɨꞋɨ̀. Wu àfɨꞋa saꞋa bòt bu bɔ pfəꞋte la. AfɨꞋa a kuꞋ àa ŋa àbȩ̀ bèndàꞋàtɔŋ bê è wu bɔfàꞋ bê, nè bòt bê bàgème, mè nè wòt ègème tàa nkùkta wê la, bòt techɨɨle nè bɔɔjuŋ. Eyaa mè ngu àfɨꞋa àa liime bòt bu bɔ̀ɔ ntsòkà sitsǎꞋ la.”

Ètsə 14:14

E mè ndȩ̀, ndzě mbàꞋ kèfə. Wòt kǒ mbɨ̀Ꞌɨ̀ Waã Wòt tsèke a ègwet mbàꞋ mbɔŋ kwaãaã ntà̧ kèfɔ̧̀ bɔ ghɨ ane goêl la àtsə azi, mè mbèà nyi tètɔ àbu azi.

Ètsə 15:2

E ndze àghɨa ko a nɔ̀ŋkè mbɨ̀Ꞌɨ̀ taꞋà èlemè, me fəəte mbɨ̀Ꞌɨ̀ àlùgɨ̀lâ la, nè èwet adù̧. Bòt bu bɔ nuê nyà̧mɔ̀Ꞌ yu bɔ̂ wamâlem tò wu tè ntsè, mè ntu̧u̧ enɨ nɔmbà èlen tò lu la, e tɨ̧ɨ̧tè a ngèt èdzî wu aa fəèəèta mbɨ̀Ꞌɨ̀ àlùgɨ̀lâ la. Bɔ li mbèà bèlèkɨŋ àbu bɔb Mbɔ̧ɔ̧mà ŋa la.

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

Ètsə 19:14

Bèshujà ègwet e kwaãaã ndìte kèfə tèa mbɔ̀ la, nkɔ̀Ꞌa ègwet bèloà kèfə me kùŋe atò.

Ètsə 3:21

“ ‘Wòt kuule èntɨ̧ɨ̧ vi nù tè ntsèà ko maa li ghɨ tàa tseke a ègwet àtɨ̧a kèfɔ̧̀ am ba tò, wuê mbɨ̀Ꞌɨ̀ e ndi kuule èntɨ̧ɨ̧ am nù tè ntsè, Tǎt am ghɨ̀ e ntsèke ba tò a ègwet àtɨ̧a kèfɔ̧̀ tò la.

Ètsə 9:7

Ngù̧ù̧me tu te li ngu mbɨ̀Ꞌɨ̀ bèloà bɔ taŋkè enɨ ghǎ èbet la. Èghɨ ko e li ngu àtsə bɔb mbɨ̀Ꞌɨ̀ ntà̧à̧te kèfɔ̧̀ bɔ nɨa goêl ngɨ̀ la, mèsi mɔb mè fəèəè mèsi bɔbȩ.