အွန်လိုင်း သမ္မာကျမ်းစာ

« အရင်

နောက်တစ်ခု »

Ètsə 5:9 - Mundani

⁹ Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Ètsə 5:9
41 ပူးပေါင်းရင်းမြစ်များ

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

အခန်းကိုကြည့်ပါ။

Matìù 26:28

Eyaa wu àlo̧ am, Mbɔ̧ɔ̧mà wua nɨa nkùùla mènkàꞋa kèkweelè mi la. Àlo̧ am yàa a tsəète a si, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bòt nyaŋ.

အခန်းကိုကြည့်ပါ။

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

အခန်းကိုကြည့်ပါ။

1 Kɔlìn 6:20

Tà li njù̧ù̧ awɨ̧ yu̧. Ale, bɨ̀ me nɨ mbɨ̧te ènyit tɨ̧ nɨa nkùkta Mbɔ̧ɔ̧mà.

အခန်းကိုကြည့်ပါ။

1 Kɔlìn 7:23

Yesò Klistò li njù̧ù̧ àwɨ̧, è wu ale bɨ̀ ka mbɨ̧̀ɨ̧̀ne èbùꞋ abua wòt.

အခန်းကိုကြည့်ပါ။

Efesɔ̀s 1:7

Wu Waã tò waa ka tà li nɨ̀ àlo̧ a zi nɨŋ chùꞋù ètsə ba ngɨ̀ Mbɔ̧ɔ̧mà waꞋa bèkàbɔ̀ŋ ba la. Wu taꞋà ntsɔ̧̀ tò wu tàa nyɨ̀Ꞌta abua bòt la,

အခန်းကိုကြည့်ပါ။

Efesɔ̀s 5:19

Bɨa me làꞋa abua bɔnyɨ bɨ̧, bɨ me kɔ̧ɔ̧ mètsəkû̧ è dzə a èbem Àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà zi a mèntɨ̧ɨ̧ mɨ̧ la. Bɨa me kɔ̧ɔ̧ bɨ me kɔ̧ɔ̧ ne èntɨ̧ɨ̧ wɨ̧ ègème, ŋǎ mèngùꞋte abua Yesò Klistò.

အခန်းကိုကြည့်ပါ။

Kɔ̀losìà 1:14

Wu Waã tò waa ka tà li nchùꞋ ètsə ba la. Àyaa a wua shua nê, Mbɔ̧ɔ̧mà è waꞋa a kàbɔ̀ŋ wa.

အခန်းကိုကြည့်ပါ။

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

အခန်းကိုကြည့်ပါ။

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

အခန်းကိုကြည့်ပါ။

Ebùlù 11:14

Bòt àa ngɨ̀ bɔ me laꞋ nê bɔ wu bègɨ̧̀ àdzìꞋ àko, bɔ wua shua nê bɔ wua nchɨ̀Ꞌà e li tseke a èbem àlaꞋ a tsa è wu ndaŋa ayɔb la.

အခန်းကိုကြည့်ပါ။

2 Pità 2:1

Bòt ko e li ndɔ̀Ꞌte a si ayɔɔ bòt Izəèlȩê me fɨta shua nê bɔ wu bèndàꞋàtɔŋ Mbɔ̧ɔ̧mà. È bê ngu wuê èlɨ bènyɨꞋtà ko àa lɔ̀Ꞌte a si ayɔɔ yɨ̧ e me fɨte awɨ̧ mɨ̧̂ la. Bɔɔ yɨ̧ɨ̧te kɨꞋɨ me làꞋà mèngǎ̧ tsòkè ètsə bɨ̧. Bɔɔ ghɨ̀ ale, te gha ewu àdziꞋa bɔ̀ɔ tu̧ a Tè Yesò Klistò wu tà li njù̧ ètsə bɔb la, ale etɔ ngoꞋ naa bê kwene a ègwet lɔb eliime awɔb.

အခန်းကိုကြည့်ပါ။

1 Jɔ̌n 1:7

Ka ba me ghɨ̀ mènəè ma a èbem èkaꞋà, wuê mbɨ̀Ꞌɨ̀ Mbɔ̧ɔ̧mà wu a èbem èkaꞋà la, ko ba tsiꞋi àghɨ yeamɔꞋ nè bɔnyɨ ba. Àlo̧ a Waã tò Yesò, aa mè ngu me shùù mènəè kàbɔ̀ŋ bàa ngɨ̀à la ègème.

အခန်းကိုကြည့်ပါ။

1 Jɔ̌n 2:2

Yesò Klistò waa wu wòt tà ŋa àtsəa zi nɨŋ nchùꞋù ètsə ba ane bèkàbɔ̀ŋ ba la. Tàa kà ghɨ̀ bɔɔ waꞋa wuê bèkàbɔ̀ŋ ba bàa ndziꞋne, tàà ngɨ̀à bɔ waꞋa kàbɔ̀ŋ waa waa mɨ̧̂.

အခန်းကိုကြည့်ပါ။

Ètsə 10:11

Bɔ mè shu abua am nê, “À bɔ ndɨ àa mě làꞋa èngǎ̧ Mbɔ̧ɔ̧mà ane ànəa bòt èlaꞋ ègème, nê bòt ndɨ̧ tègème mè nè bèfɔ̧̀ bàgème la.”

အခန်းကိုကြည့်ပါ။

Ètsə 11:9

Bòt bɔ dzəâ ayɔɔ tèwuute bòt tègème la, nè èndà̧ ègème, nè ndɨ̧ tègème, nè èlaꞋ ègème, aa ye èpfəꞋte bɔb ane èli betat nè àtěm, e bɔ tu̧u̧ nê bɔ̀ ka ntu awɔb.

အခန်းကိုကြည့်ပါ။

Ètsə 13:7

Bɔ mè sa atò nê tà màꞋà èbet adù̧ bòt Mbɔ̧ɔ̧mà nù àwɔb ntsè. Mè ŋa atò mètàŋ nê tà me baãaã èndà̧ ègème, nè èlaꞋ ègème, nè bòt bɔ̀ɔ ndàꞋà ndɨ̧ tègème la.

အခန်းကိုကြည့်ပါ။

Ètsə 13:8

Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.

အခန်းကိုကြည့်ပါ။

Ètsə 14:6

ÀfɨꞋa mbɔŋ, e mèè ndze wantu̧ Mbɔ̧ɔ̧mà kǒ ndèa a ègwet la. Tà nɨ Ntu̧ Ntsɔ̧̀ kà wu elìa me nɨa nkɨ̀Ꞌa elàꞋa abua bòt bu bɔ̀ɔ ntsèka a sitsǎꞋ la, bòt èlaꞋ ègème, nè èndà̧ ègème, nè ndɨ̧ tègème, mè nè tèwuute bòt tègème.

အခန်းကိုကြည့်ပါ။

Ètsə 15:3

Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.

အခန်းကိုကြည့်ပါ။

Ètsə 17:15

Wantu̧ Mbɔ̧ɔ̧mà wu mè shu abua am nê, “Mèleb mu à li ndze ghȩ̀ȩ̀nè ghȩȩne wu tseke adù̧ la wua nyɨ̀Ꞌta èlaꞋ nyaŋ nè bòt nyaŋ bɔ̀ɔ ndàꞋà ndɨ̧tsə tsa tsa la, mè nè èndà̧ nyaŋ.

အခန်းကိုကြည့်ပါ။

Ètsə 4:11

“Mbɔ̧ɔ̧mà Lefɨ̀Ꞌ wa leꞋ, à kùꞋu we bòt àa me shu nê à ghe, mè nkùkta we, mè ngùꞋtà we ane mètàŋ mè la. Wu àwɔ̀ à lè ghɨ èghɨ ègème, è mě ngu ane mènkɔ̀ŋke me ka èghɨ ègème e li ngu, mè ntsìꞋi èghɨ yu̧ la.”

အခန်းကိုကြည့်ပါ။

Ètsə 5:12

Bɔ me kɔ̧a ŋȩ̀a shua nê, “Wanjɨ̀ wu bɔ li mbùŋè la è kùꞋa màmbɔ mètàŋ, nè èghɨ nyaŋ nè èyì mè nè ènɨ̧. TsiꞋ bòt è ŋa kènuke abua tò, ngùꞋtè atò mè nkɔ̀ŋkè atò.”

အခန်းကိုကြည့်ပါ။

Ètsə 5:6

ÀfɨꞋa mbɔŋ e ndze Wanjɨ̀ tà tɨ̧ɨ̧ a mbì àtɨ̧a kèfɔ̧̀ yu la. Èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la e ghaale Wanjɨ̀ wu ndzì a kètsìà. Wanjɨ̀ mbɔŋ tɨ̧ ale nɔ̀ŋkè mbɨ̀Ꞌɨ̀ bɔ le lɔ̀Ꞌ mbùŋè atò. Tà li mbɔ ndɔŋtsə tesà̧à̧mbe àtsə azi, nè àghɨ yea sà̧à̧mbe, è wu fote Mbɔ̧ɔ̧mà tu tesà̧à̧mbe bɔ tsàà àdziꞋ ègème a sitsǎꞋ ŋaa la.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ