အွန်လိုင်း သမ္မာကျမ်းစာ

Ètsə 5:14 - Mundani

¹⁴ Èghɨ bu bekwì è wu yu̧ la e nê “Àmèn!” Bɔɔjuŋ bu èghem yebe ntsɔ̀b bakwì la e bɔ̀te a si me dèbè èbu ngùꞋtà wòt wu tà tseke a ègwet àtɨ̧a kèfɔ̧̀ yu la bɔ̂ Wanjɨ̀ wu.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Ètsə 5:14
9 ပူးပေါင်းရင်းမြစ်များ

1 Kɔlìn 14:16

À me tsàꞋta Mbɔ̧ɔ̧mà nkɔ̀ŋkà tò wuê ane fo yùà yùà, ko wòt kànəè tà kɨꞋɨ a èbem àbù̧ù̧tà yɨ̧ la nàa ghɨ̀ na te ko shu nê “Àmèn” adù̧ kà lem nko ànəa à shua la à?

အခန်းကိုကြည့်ပါ။

Ètsə 19:4

Bɔɔjuŋ bu èghem yebe ntsɔ̀b bakwì la, nè èghɨ bu bekwì è wu yu̧ la è bɔte a si ngùꞋtè a Mbɔ̧ɔ̧mà wu tà tseke a ègwet àtɨ̧a kèfɔ̧̀ yu la. Bɔ bɔ̀te ale me shu nê: “Àmèn, Alèluyà!”

အခန်းကိုကြည့်ပါ။

Ètɨ̧ kèfɔ̧̀ ko èghem yebe ntsɔ̀b bekwì e ghaalè àtɨ̧a mbɔŋ. Bɔɔjuŋ ko èghem yebe ntsɔ̀b bekwì e tseke a ègwet ètɨ̧ bu, nkwaãaã ndìte kèfə, mè nkaãaã ntà̧ kèfɔ̧̀ bɔ nɨa goêl ngɨ̀ la.

အခန်းကိုကြည့်ပါ။

Ètsə 4:6

E mè ndzi *èdzî ko a mbì àtɨ̧a kèfɔ̧̀ yu, e me fəəte mbɨ̀Ꞌɨ̀ àlùgɨ̀lâ. Èghɨ ko bekwì è wu yu̧ la e ghaalè àtɨ̧a kèfɔ̧̀ yu ntɨ̧̀ɨ̧̀te abà ègème, mbɔ̀ àghɨ nyaŋ a mbì nè kwèn.

အခန်းကိုကြည့်ပါ။

Ètsə 5:11

E ndȩ̀ mè ndzəè bɔntu̧ Mbɔ̧ɔ̧mà bètɔsì nè bèmilèyɔ̂ŋ kà wòt wu ko pà̧aã. Bɔ tɨ̧ɨ̧te a ngèt àtɨ̧a kèfɔ̧̀ yu, nè èghɨ bu bekwì è wu yu̧ la, mè nè bɔɔjuŋ bu èghem yebe ntsɔ̀b bakwì la.

အခန်းကိုကြည့်ပါ။

Ètsə 5:6

ÀfɨꞋa mbɔŋ e ndze Wanjɨ̀ tà tɨ̧ɨ̧ a mbì àtɨ̧a kèfɔ̧̀ yu la. Èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la e ghaale Wanjɨ̀ wu ndzì a kètsìà. Wanjɨ̀ mbɔŋ tɨ̧ ale nɔ̀ŋkè mbɨ̀Ꞌɨ̀ bɔ le lɔ̀Ꞌ mbùŋè atò. Tà li mbɔ ndɔŋtsə tesà̧à̧mbe àtsə azi, nè àghɨ yea sà̧à̧mbe, è wu fote Mbɔ̧ɔ̧mà tu tesà̧à̧mbe bɔ tsàà àdziꞋ ègème a sitsǎꞋ ŋaa la.

အခန်းကိုကြည့်ပါ။

Ètsə 5:8

Mbɨ̀Ꞌɨ̀ tà ghà tê nɨ àkatè yu la, èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la, bɔ bɔ̀tè a si a mbì Wanjɨ̀ wu. Wòt ègème ane yɔb bèà àkalàku, nè èpfəèꞋ ko bɔ ghɨ̀ ane goêl la. Mèwet ko li ngu a èbem èpfəèꞋ lu nàa nəꞋa mbɔ̀, è wu àtsaꞋta bòt Mbɔ̧ɔ̧mà la.

အခန်းကိုကြည့်ပါ။

Ètsə 7:12

Bɔ bɔ̀tè ale, me shu nê, “Àmèn! MèngùꞋte wu abua Tǎt wa Mbɔ̧ɔ̧mà, nè ènɨ̧, nè èyì, nè mènkɔ̀ŋke, nè kènùke nè mètàŋ ane àlia nè àlia! Àmèn.”

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

Ètsə 5:14 - Mundani

Ètsə 5:149 ပူးပေါင်းရင်းမြစ်များ

Ètsə 5:14
9 ပူးပေါင်းရင်းမြစ်များ