အွန်လိုင်း သမ္မာကျမ်းစာ

« အရင်

နောက်တစ်ခု »

Ètsə 4:8 - Mundani

⁸ Àghɨ àgème ane èghɨ yu̧ bu bekwì la, a bɔ tèbaabètsə tentùa mè mbɔ̀ àghɨ ane yɔb a èdziꞋ ègème, àbȩ nè èbèm. Àfɨ̀Ꞌ àgème nèngû̧ bɔ̂ ètsəꞋ bɔ me kɔ̧ mèkù̧ shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ tà tse èghɨ ègème, mè mbɔ̀ èntɨ̧ɨ̧ kèfə ntsè àghɨ àgème. Tà li ndzaŋe wu, mè ngu àfɨ̀Ꞌ yaa, mè ngu e li ekɨꞋɨ.”

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Ètsə 4:8
42 ပူးပေါင်းရင်းမြစ်များ

ÀfaꞋa 20:31

È wu ale, bɨ̀ me ko awɨ̧ ntsɔ̧̀ mèa nkù̧ù̧ta na e nde laꞋa èngǎ̧ Mbɔ̧ɔ̧mà abua waa waa ane yɨ̧, ètsəꞋ nè nèngû̧ ane èngùꞋ yetat nè mèsi àghɨ am la.

အခန်းကိုကြည့်ပါ။

2 Kɔlìn 6:18

Ewu tǎt wɨ̧, bɨa mě ewu bɔ̧ bɔ̧, mbâ̧tsə nè bèzi. È làꞋà mmɔ̌ Tǎt wɨ̧ Mbɔ̧ɔ̧mà Àtsèàngɔ̀ŋ.”

အခန်းကိုကြည့်ပါ။

1 Tèsàlonikà 2:9

Bɔnyɨ ba, ba ko nkûŋ nê bɨ bakà leenè ndɨ ba li ndâ ngua fàꞋà mbɔ̌ tèbəꞋtsə la. Ba li ngua fàꞋà ètsəꞋ bɔ̂ nèngû̧ mbɨ̀Ꞌɨ̀ bà me tsɔ̀te Ntu̧ Ntsɔ̧̀ yu è dzəè abua Mbɔ̧ɔ̧mà la, bà ka ŋa ngoꞋ abua wòt kǒ ane yɨ̧.

အခန်းကိုကြည့်ပါ။

1 Tɔ̀màtià 4:16

Me nèèta mbààba awê mè mbààba èngà̧ wu àa nyɨ̀Ꞌta la. Me ghɨ̀ wuê èghɨ bàa nkàà nê, à ghɨ̀ ale, ko aa tɨŋe awê nè bòt bu bɔ̀ɔ njùtâ awê la, bɨa bɔ ngule mèmpème.

အခန်းကိုကြည့်ပါ။

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

အခန်းကိုကြည့်ပါ။

Ebùlù 13:8

Yesò Klistò nàà kà kùbtê. Tà bele wuê àghɨa tà li ndɔ̀Ꞌ ngu la àfɨ̀Ꞌ yaa, mè ngu ewu yùà ane àlia nè àlia.

အခန်းကိုကြည့်ပါ။

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.

အခန်းကိုကြည့်ပါ။

Ètsə 1:8

Mbɔ̧ɔ̧mà Lefɨ̀Ꞌ shu nê, “E ngu MèmbùꞋu nè Mèndìa. Wu mmɔ̌ wu màa və, e ndi ndzaŋe wu, mè ngu li ekɨꞋɨ la. Wu mmɔ̌ Àtsèàngɔ̀ŋ à.”

အခန်းကိုကြည့်ပါ။

Ètsə 11:17

Bɔ li ngua shua nê, “Baa ŋa mèngùꞋte abua ye, Mbɔ̧ɔ̧mà Lefɨ̀Ꞌ Àtsèàngɔ̀ŋ wu, àa və mè ndzaŋe wu la. Ba kɔ̀ŋkè àwê ndɨ̀ wu a nɨ mètàŋ kèkweelè mê, tê mbùꞋ me baãaã ngɔ̀ŋ la.

အခန်းကိုကြည့်ပါ။

Ètsə 14:11

NdiꞋte èwet wu ntò̧à àwɔb la, te me kɔꞋɔ ngà a ègwet ane àlia nè àlia. Bɔ̀ɔ̀ wàa bàgème bɔ̀ɔ ngùꞋtà nyà̧mɔ̀Ꞌ yu nè wamâlem tò wu la, mè mbɔ àlȩê èlen tò ane yɔb la, è ka li bɔ mèndzète ane àlia ègème, nèngû̧ kò ètsəꞋ leꞋ a.”

အခန်းကိုကြည့်ပါ။

Ètsə 14:3

Bòt ngaa bàgème e tɨ̧ɨ̧te a mbì àtɨ̧a kèfɔ̧̀ yu, nè èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la, me kɔ̧ɔ̧ ètsəèkù̧ fi. Wòt kǒ tà li ngu eko ètsəèkù̧ mbɔŋ tsa la è li kà wuê, kà wu bòt bu bètɔsì ènkɨ̀ nè èghem yekwì ntsɔ̀b bakwì, bɔ chùꞋù ètsə bɔb a sitsǎꞋ la.

အခန်းကိုကြည့်ပါ။

Ètsə 15:3

Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.

အခန်းကိုကြည့်ပါ။

Ètsə 15:7

Àghɨa ko ane èghɨ bu bekwì è wu yu̧ la, à ŋa tèpfəꞋtsə tesà̧à̧mbe bɔ ghɨ ane goêl la, abua bɔntu̧ Mbɔ̧ɔ̧mà bu basà̧à̧mbe la. TèpfəꞋte mbɔŋ te lu̧u̧ ne ntsǒ kèkweelè Mbɔ̧ɔ̧mà wu tà wu ane àlia nè àlia la.

အခန်းကိုကြည့်ပါ။

Ètsə 16:14

Fo tàa wu bɔntu̧ Satàn, mbɔ̀ mètàŋ a màngɨa ènəê kà ye àfəa, ngà abua bèfɔ̧̀ sitsǎꞋ bàgème e fèta wɔb bɔɔ taŋke enû a Mbɔ̧ɔ̧mà Àtsèàngɔ̀ŋ ane àlia nɨ̧ yu tàa nyɨꞋte ntsǒ zi la.

အခန်းကိုကြည့်ပါ။

Ètsə 16:7

AfɨꞋa mbɔŋ e ndzə àtɔŋ ko a dzəâ adzìꞋ yu bɔ̀ɔ ntò̧à banyà̧ adù̧ ŋa abua Mbɔ̧ɔ̧mà la a nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, A wu wòt nkûŋ mè me saꞋa mènəè mê wuê ndɨŋndɨ̀ŋ!”

အခန်းကိုကြည့်ပါ။

Ètsə 19:15

Nyi dzəè a ètsəê tò, tàa nɨ nù èlaꞋ la. Taa me baãaã èlaꞋ mbɔŋ kà ku tèsȩ, ngɔ̀Ꞌɔ̀ àwɔb, e mě tɔ̀Ꞌtè àwɔb mbɨ̀Ꞌɨ̀ bɔ̀ɔ ntsəèꞋa tètaãaãte àyɨt a èbem àdziꞋ yu bɔ̀ɔ ntsəèꞋa ntsìà mèlùꞋ, à wua nyɨ̀Ꞌta ntsǒ Mbɔ̧ɔ̧mà Àtsèàngɔ̀ŋ la.

အခန်းကိုကြည့်ပါ။

Ètsə 19:4

Bɔɔjuŋ bu èghem yebe ntsɔ̀b bakwì la, nè èghɨ bu bekwì è wu yu̧ la è bɔte a si ngùꞋtè a Mbɔ̧ɔ̧mà wu tà tseke a ègwet àtɨ̧a kèfɔ̧̀ yu la. Bɔ bɔ̀te ale me shu nê: “Àmèn, Alèluyà!”

အခန်းကိုကြည့်ပါ။

Ètsə 21:22

E ndi è ka ye lob nɨ̧ Mbɔ̧ɔ̧mà a èbem àpfəèa mbɔŋ, nkàà nê Mbɔ̧ɔ̧mà Lefɨ̀Ꞌ Àtsèàngɔ̀ŋ bɔ̂ Wanjɨ̀ wu ka bɔ wu lob mbɔŋ la.

အခန်းကိုကြည့်ပါ။

Ètsə 3:7

“ ‘Shɨa àkatè abua wantu̧ Mbɔ̧ɔ̧mà wu tàa ndȩa a chɔsì wu a Fìlàdefìà la nê: ‘Eyaa wu mèngǎ̧ Ngule Waã Mbɔ̧ɔ̧mà, tà mèe ngu wòt nkûŋ la. Nkȩte fɔ̧̀ Dàbid te wu abua tò. Tàa ngɨ̀ tà kȩ ètsələèꞋ, wòt kà ko ntsɔꞋ; tà ntsɔꞋ ètsələèꞋ, wòt kà ko nkȩ̀.

အခန်းကိုကြည့်ပါ။

Ètsə 4:4

Ètɨ̧ kèfɔ̧̀ ko èghem yebe ntsɔ̀b bekwì e ghaalè àtɨ̧a mbɔŋ. Bɔɔjuŋ ko èghem yebe ntsɔ̀b bekwì e tseke a ègwet ètɨ̧ bu, nkwaãaã ndìte kèfə, mè nkaãaã ntà̧ kèfɔ̧̀ bɔ nɨa goêl ngɨ̀ la.

အခန်းကိုကြည့်ပါ။

Ètsə 4:6

E mè ndzi *èdzî ko a mbì àtɨ̧a kèfɔ̧̀ yu, e me fəəte mbɨ̀Ꞌɨ̀ àlùgɨ̀lâ. Èghɨ ko bekwì è wu yu̧ la e ghaalè àtɨ̧a kèfɔ̧̀ yu ntɨ̧̀ɨ̧̀te abà ègème, mbɔ̀ àghɨ nyaŋ a mbì nè kwèn.

အခန်းကိုကြည့်ပါ။

Ètsə 4:9

Èghɨ bu bekwì, è wu yu̧ la e me kɔ̧ mèkù̧ ngùꞋtà, nkùkta mè nkɔ̀ŋkà wòt wu tà tseke a ègwet àtɨ̧a kèfɔ̧̀ yu, tà wu ane àlia nè àlia la. Mbɨ̀Ꞌɨ̀ bɔ ghɨ̀ ale la,

အခန်းကိုကြည့်ပါ။

Ètsə 5:6

ÀfɨꞋa mbɔŋ e ndze Wanjɨ̀ tà tɨ̧ɨ̧ a mbì àtɨ̧a kèfɔ̧̀ yu la. Èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la e ghaale Wanjɨ̀ wu ndzì a kètsìà. Wanjɨ̀ mbɔŋ tɨ̧ ale nɔ̀ŋkè mbɨ̀Ꞌɨ̀ bɔ le lɔ̀Ꞌ mbùŋè atò. Tà li mbɔ ndɔŋtsə tesà̧à̧mbe àtsə azi, nè àghɨ yea sà̧à̧mbe, è wu fote Mbɔ̧ɔ̧mà tu tesà̧à̧mbe bɔ tsàà àdziꞋ ègème a sitsǎꞋ ŋaa la.

အခန်းကိုကြည့်ပါ။

Ètsə 6:1

AfɨꞋa mbɔŋ e me ye Wanjɨ̀ wu nà̧à̧nè àdziꞋa mbì ane èdziꞋi èmènà bu besà̧à̧mbe ane àkatè yu la. Tà nà̧à̧nè ale e me zə àghɨ ko ane èghɨ bu bekwì è wu yu̧ la a ŋȩ ane àtɔŋ ko mbɨ̀Ꞌɨ̀ èfâŋ nê, “KɨꞋɨ!”

အခန်းကိုကြည့်ပါ။

Ètsə 6:6

E ndzə àghɨa ko mbɨ̀Ꞌɨ̀ àtɔŋ wɔ̀bȩ̂ a dzəa kètsìà èghɨ bu bekwì è wu yu̧ la, a nê, “Ghɨa bòt è me nɨ èkab àfaꞋa àliabȩ ka njû̧a akaŋ flawà wemɔ̀Ꞌ kò njù̧a bakaŋ ngààle babe leꞋ. Ka tsiꞋ mèwet bɔ̀ mèlùꞋ ka mbuŋ.”

အခန်းကိုကြည့်ပါ။

Ètsə 7:11

Bɔntu̧ Mbɔ̧ɔ̧mà bu bàgème e tɨ̧̀ɨ̧tè ngààle àtɨ̧a kèfɔ̧̀ yu, nè bɔɔjuŋ bu, mè nè èghɨ bu bekwì, è wu yu̧ la, mbɔ̀tè a si nè ètsə bɔb a si a mbì àtɨ̧a kèfɔ̧̀ yu, ngùꞋtà a Mbɔ̧ɔ̧mà.

အခန်းကိုကြည့်ပါ။

Ètsə 7:15

È wu ale, Eyaa wu lə bɔ wu a mbì àtɨ̧a kèfɔ̧̀ Mbɔ̧ɔ̧mà, fàꞋà ngùꞋtà tò a èbem lob tò nèngû̧ nè ètsəꞋ la. Wòt wu tà tseke a ègwet àtɨ̧a kèfɔ̧̀ yu la, nàà wu ne nɔ̀b mbààba awɔb.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ