Ètsə 4:6 - Mundani

⁶ E mè ndzi *èdzî ko a mbì àtɨ̧a kèfɔ̧̀ yu, e me fəəte mbɨ̀Ꞌɨ̀ àlùgɨ̀lâ. Èghɨ ko bekwì è wu yu̧ la e ghaalè àtɨ̧a kèfɔ̧̀ yu ntɨ̧̀ɨ̧̀te abà ègème, mbɔ̀ àghɨ nyaŋ a mbì nè kwèn.

Ètsə 4:6 ပူးပေါင်းရင်းမြစ်များ

Ètsə 14:3

Bòt ngaa bàgème e tɨ̧ɨ̧te a mbì àtɨ̧a kèfɔ̧̀ yu, nè èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la, me kɔ̧ɔ̧ ètsəèkù̧ fi. Wòt kǒ tà li ngu eko ètsəèkù̧ mbɔŋ tsa la è li kà wuê, kà wu bòt bu bètɔsì ènkɨ̀ nè èghem yekwì ntsɔ̀b bakwì, bɔ chùꞋù ètsə bɔb a sitsǎꞋ la.

Ètsə 15:2

E ndze àghɨa ko a nɔ̀ŋkè mbɨ̀Ꞌɨ̀ taꞋà èlemè, me fəəte mbɨ̀Ꞌɨ̀ àlùgɨ̀lâ la, nè èwet adù̧. Bòt bu bɔ nuê nyà̧mɔ̀Ꞌ yu bɔ̂ wamâlem tò wu tè ntsè, mè ntu̧u̧ enɨ nɔmbà èlen tò lu la, e tɨ̧ɨ̧tè a ngèt èdzî wu aa fəèəèta mbɨ̀Ꞌɨ̀ àlùgɨ̀lâ la. Bɔ li mbèà bèlèkɨŋ àbu bɔb Mbɔ̧ɔ̧mà ŋa la.

Ètsə 15:7

Àghɨa ko ane èghɨ bu bekwì è wu yu̧ la, à ŋa tèpfəꞋtsə tesà̧à̧mbe bɔ ghɨ ane goêl la, abua bɔntu̧ Mbɔ̧ɔ̧mà bu basà̧à̧mbe la. TèpfəꞋte mbɔŋ te lu̧u̧ ne ntsǒ kèkweelè Mbɔ̧ɔ̧mà wu tà wu ane àlia nè àlia la.

Ètsə 19:4

Bɔɔjuŋ bu èghem yebe ntsɔ̀b bakwì la, nè èghɨ bu bekwì è wu yu̧ la è bɔte a si ngùꞋtè a Mbɔ̧ɔ̧mà wu tà tseke a ègwet àtɨ̧a kèfɔ̧̀ yu la. Bɔ bɔ̀te ale me shu nê: “Àmèn, Alèluyà!”

Ètsə 21:11

Ènɨ̧ Mbɔ̧ɔ̧mà e me kàꞋte adù̧ àpfəèà mbɔŋ mbɨ̀Ꞌɨ̀ ngule àti a ko àa nkàꞋtà bɔ̀ɔ ntɔ ane Jaspà la, mè me kàꞋtè mbɨꞋɨ̀ àlùgɨ̀lâ.

Ètsə 21:18

Bɔ li bɔ̧ àkaã mbɔŋ ane àti ko àa nkàꞋtà bɔ̀ɔ ntɔ ane jaspà la, mè bɔ̧ àpfəèà nɨ̧ a mbɔŋ ane ndaŋa goêl bɔ tò̧ tê è tsìꞋa fəèəèta mbɨ̀Ꞌɨ̀ àlùgɨ̀lâ la.

Ètsə 21:21

Bɔ li nɨ àti a ntsɔ̧̀ àko bɔ̀ɔ ntɔ ane pêl la ntsɔ̀b yeabe ka nɨŋ ngɨ̀ ètsəêkaã yu ntsɔ̀b yebe la. Nɨa pêl wemɔ̀Ꞌ ka nɨŋ ngɨ̀ ètsəêkaã ègème. Bɔ mè nɨa ndaŋa goêl nàa mbɨꞋɨ̀ glasì betsiꞋa bɔ ye wòt àbâ ako adù̧ la ka nɨŋ ngɨ̀ èlu̧ nɨ̧ wu a èbem àpfəèa mbɔŋ la.

Ètsə 22:1

Wantu̧ Mbɔ̧ɔ̧mà wu è ghɨ̀ ale, mè nyɨ̀Ꞌte am èdzî ko àa ŋa mèmpème la, e me kàꞋtè mbɨ̀Ꞌɨ̀ àlùgɨ̀lâ. Èdzî mbɔŋ e dzə adù̧ àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu,

Ètsə 4:4

Ètɨ̧ kèfɔ̧̀ ko èghem yebe ntsɔ̀b bekwì e ghaalè àtɨ̧a mbɔŋ. Bɔɔjuŋ ko èghem yebe ntsɔ̀b bekwì e tseke a ègwet ètɨ̧ bu, nkwaãaã ndìte kèfə, mè nkaãaã ntà̧ kèfɔ̧̀ bɔ nɨa goêl ngɨ̀ la.

Ètsə 5:11

E ndȩ̀ mè ndzəè bɔntu̧ Mbɔ̧ɔ̧mà bètɔsì nè bèmilèyɔ̂ŋ kà wòt wu ko pà̧aã. Bɔ tɨ̧ɨ̧te a ngèt àtɨ̧a kèfɔ̧̀ yu, nè èghɨ bu bekwì è wu yu̧ la, mè nè bɔɔjuŋ bu èghem yebe ntsɔ̀b bakwì la.

Ètsə 5:14

Èghɨ bu bekwì è wu yu̧ la e nê “Àmèn!” Bɔɔjuŋ bu èghem yebe ntsɔ̀b bakwì la e bɔ̀te a si me dèbè èbu ngùꞋtà wòt wu tà tseke a ègwet àtɨ̧a kèfɔ̧̀ yu la bɔ̂ Wanjɨ̀ wu.

Ètsə 5:6

ÀfɨꞋa mbɔŋ e ndze Wanjɨ̀ tà tɨ̧ɨ̧ a mbì àtɨ̧a kèfɔ̧̀ yu la. Èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la e ghaale Wanjɨ̀ wu ndzì a kètsìà. Wanjɨ̀ mbɔŋ tɨ̧ ale nɔ̀ŋkè mbɨ̀Ꞌɨ̀ bɔ le lɔ̀Ꞌ mbùŋè atò. Tà li mbɔ ndɔŋtsə tesà̧à̧mbe àtsə azi, nè àghɨ yea sà̧à̧mbe, è wu fote Mbɔ̧ɔ̧mà tu tesà̧à̧mbe bɔ tsàà àdziꞋ ègème a sitsǎꞋ ŋaa la.

Ètsə 5:8

Mbɨ̀Ꞌɨ̀ tà ghà tê nɨ àkatè yu la, èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la, bɔ bɔ̀tè a si a mbì Wanjɨ̀ wu. Wòt ègème ane yɔb bèà àkalàku, nè èpfəèꞋ ko bɔ ghɨ̀ ane goêl la. Mèwet ko li ngu a èbem èpfəèꞋ lu nàa nəꞋa mbɔ̀, è wu àtsaꞋta bòt Mbɔ̧ɔ̧mà la.

Ètsə 6:1

AfɨꞋa mbɔŋ e me ye Wanjɨ̀ wu nà̧à̧nè àdziꞋa mbì ane èdziꞋi èmènà bu besà̧à̧mbe ane àkatè yu la. Tà nà̧à̧nè ale e me zə àghɨ ko ane èghɨ bu bekwì è wu yu̧ la a ŋȩ ane àtɔŋ ko mbɨ̀Ꞌɨ̀ èfâŋ nê, “KɨꞋɨ!”

Ètsə 6:6

E ndzə àghɨa ko mbɨ̀Ꞌɨ̀ àtɔŋ wɔ̀bȩ̂ a dzəa kètsìà èghɨ bu bekwì è wu yu̧ la, a nê, “Ghɨa bòt è me nɨ èkab àfaꞋa àliabȩ ka njû̧a akaŋ flawà wemɔ̀Ꞌ kò njù̧a bakaŋ ngààle babe leꞋ. Ka tsiꞋ mèwet bɔ̀ mèlùꞋ ka mbuŋ.”

Ètsə 7:11

Bɔntu̧ Mbɔ̧ɔ̧mà bu bàgème e tɨ̧̀ɨ̧tè ngààle àtɨ̧a kèfɔ̧̀ yu, nè bɔɔjuŋ bu, mè nè èghɨ bu bekwì, è wu yu̧ la, mbɔ̀tè a si nè ètsə bɔb a si a mbì àtɨ̧a kèfɔ̧̀ yu, ngùꞋtà a Mbɔ̧ɔ̧mà.

Ètsə 7:17

Aa li wu ale nkàà nê, Wanjɨ̀ wu a kètsìà àtɨ̧a kèfɔ̧̀ yu la, naa li wu mbààba awɔb, e me nɨa awɔb ngà a badzì mèleb nàa ŋa mèmpème la. Mbɔ̧ɔ̧mà mè ngu li yòò mèsi ègème àghɨ ayɔb.”