Ètsə 3:11 - Mundani

¹¹ “ ‘E mbele yàŋe kɨꞋɨ, è wu ale bɨ̀ baãaã èghɨ bu bɨ bɔ tê ndɔ̀Ꞌ la ntsɔ̧̀, mbɨ̀Ꞌɨ̀ ka wòt kǒ fàà ènɨ̧ wu Mbɔ̧ɔ̧mà nɔ̀ŋe abua yɨ̧ la.

Ètsə 3:11 ပူးပေါင်းရင်းမြစ်များ

1 Kɔlìn 9:25

Wòt ègème tàa ngɨ̀à àlùùlà la nàa ngɨ̀ tà me kuule èntɨ̧ɨ̧ vi ndàna. Bɔ̀ɔ ngɨ̀ bɔ wua ngɨ̀à ale mbɨ̀Ꞌɨ̀ bɔ àbȩ̀ kà wu tseke, ka è wu awa è wu àbȩ̀ àa wu ane àlia nè àlia la.

Filìpȩ 4:5

Bɨ̀ me yu ane mènəè mɨ̧ a mbì waa waa mbɨ̀Ꞌɨ̀ nê Tǎt wa bele yàŋe ekɨꞋɨ.

2 Tɔ̀màtià 2:5

Ko mɨ̧̂ nê, wòt me lùùla àlùùlà, tè mbakà wua ndùùlà mbɨ̀Ꞌɨ̀ mbɨ̧te àlùùlà yu te kɨa la, tà kà tse àyùà.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

Jimsì 5:9

Bɔnyɨ bɔ̧, bɨ̀ ka me lèmtè bɔnyɨ bɨ̧ mbɨ̀Ꞌɨ̀ ka Mbɔ̧ɔ̧mà sàꞋà wɨ̧ nê bɨ kwen. Tòà wu tàa sàꞋa la, è kɨꞋɨ tê ntsìꞋi a ètsələèꞋ.

Ètsə 1:3

Ntsɔ̧̀ wu wòt wu tàa tɔ mèngǎ̧ màa Mbɔ̧ɔ̧mà nyɨꞋte atò la abua bòt la. Ntsɔ̧̀ mè ngu bòt bu bɔ̀ɔ ndzəa mè nɔ̀ŋà èghɨ bàa bɔ shɨ la, nkàà nê àfɨꞋa èghɨ mbɔŋ àa ghɨ̀ la aà nkùꞋà.

Ètsə 16:15

“Bɨ̀ yute, maa kɨꞋɨ mbɨ̀Ꞌɨ̀ tsɔŋ. Ntsɔ̧̀ wu wòt wu tà tseke àtatsi me lȩ, nɔ̀ŋè ndǐ ti a ngèt zi mbɨ̀Ꞌɨ̀ ye ghà kà kwaãaã ndǐ me bɔ àtsəa kɔꞋɔ la.”

Ètsə 2:10

Bɨ̀ ka mbɔ̀â nkàà ngoꞋ tu bɨ̀a ye tùà la. Bɨ̀ ye, Satàn nàà zǐ àbəèꞋ àyɨ̧ a tèfȩ, mbɨ̀Ꞌɨ̀ bɔɔ nyɔ̀Ꞌta awɨ̧ e ye ndɨ bɨ zì mèntɨ̧ɨ̧ mɨ̧ ane Yesò la. Bɨ gha ye ngoꞋ mbɔŋ wuê ane èli èghem. Bɨ̀ tsiꞋ mèntɨ̧ɨ̧ mɨ̧ ane yaã me kweele, ka è màà ngu wuê èvə. Bɨ ghɨ̀ ale, ko bɨa bɔ àbȩ̀, è wu mèmpème kàlìà la.

Ètsə 2:13

Mâ ko àdziꞋa bɨ̀a ntsèka la, wu àdziꞋa àtɨ̧a kèfɔ̧̀ Satàn à wu abot la. Mâ koê nê bɨ bakà li mè tu̧ nê bɨ wu bòt bɔ̧. Bɨ li bɨ̀ ka tsi mèntɨ̧ɨ̧ mɨ̧ ane yaã ka wuê àfɨꞋa bɔ li mbùŋa Antipà wu tà li ngua nkuŋe am nè èntɨ̧ɨ̧ vi wemɔꞋ la. Bɔ li mbùŋe atò a kètsìà wɨ̧, àdziꞋa Satàn nàa ntsèka la, nkàà ndɨ tà li ngua ndàꞋa èngǎ̧ am la.

Ètsə 2:25

Ka bɨ baãaã èghɨ bu bɨ ko tê ndɔ̀Ꞌ la ntsɔ̧̀, tè è ngɨa nkɨ̀Ꞌɨ̂.

Ètsə 22:12

Yesò nê, “Bɨ̀ zə, e mbele yàŋe kɨꞋɨ nè àbȩ̀, e tsɔꞋɔ àfàꞋa wòt ègème ane àghɨa tà ghɨ̀ la.

Ètsə 22:20

Wòt wu tà shu nê èghɨ bàa wu nkûŋ la, è laꞋnê, “Ane nkûŋ, e mbele yàŋe kɨꞋɨ.” Àmèn, Yesò Lefɨ̀Ꞌ, kɨꞋɨ.

Ètsə 22:7

Yesò nê, “Bɨ̀ zə, e mbele yàŋe kɨꞋɨ. Ntsɔ̧̀ wu wòt wu tàa nɔ̀ŋà èghɨ bu bɔ li shu bɔ shɨ a èbem àkatè yaa la.”

Ètsə 3:3

Ale, bɨ̀ ku̧u̧te àghɨa bɨ li ndzə mbɨ̧̀ɨ̧̀nê la, me ghɨa yùà ngà nè mbì, mbɔ̂ mè nkùbte mèntɨ̧ɨ̧ mɨ̧ ane kàbɔ̀ŋ wu bɨ̀a ngɨ̀à la. Bɨ baka lɔke wɨ̧, ko maa kɨꞋɨ àfɨꞋa kà bɨ ko, mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la.

Ètsə 4:10

bɔɔjuŋ bu èghem yebe ntsɔ̀b bakwì la e bɔ̀te a si a mbì wòt wu tà tseke a ègwet àtɨ̧a kèfɔ̧̀ yu la, me dèbè èbu ngùꞋtà tò wu tà wu ane àlia nè àlia la. Bɔ li ntsì ntaãaãte kèfɔ̧̀ tɔb nɔ̀ŋè a mbì wòt wu a ègwet àtɨ̧a kèfɔ̧̀ yu la, me kɔ̧ mèkù̧ shua nê,

Ètsə 4:4

Ètɨ̧ kèfɔ̧̀ ko èghem yebe ntsɔ̀b bekwì e ghaalè àtɨ̧a mbɔŋ. Bɔɔjuŋ ko èghem yebe ntsɔ̀b bekwì e tseke a ègwet ètɨ̧ bu, nkwaãaã ndìte kèfə, mè nkaãaã ntà̧ kèfɔ̧̀ bɔ nɨa goêl ngɨ̀ la.