Ètsə 3:10 - Mundani

¹⁰ Mâ shu nê ndɨ̀ wu bɨ kuule mèntɨ̧ɨ̧ mɨ̧ ngɨ̀ mbɨ̀Ꞌɨ̀ mâ shu la, maa baaba awɨ̧ àfɨꞋa màa nɨ ngoꞋ enyɔ̀Ꞌte bòt sitsǎꞋ bàgème la.

Ètsə 3:10 ပူးပေါင်းရင်းမြစ်များ

Matìù 24:14

Bɔɔ li tsɔ̀te Ntu̧ Ntsɔ̧̀ kèfɔ̧̀ Mbɔ̧ɔ̧mà yaa a èlaꞋ ègème a sitsǎꞋ mbɨ̀Ꞌɨ̀ waa waa naa zə, ka ngɔ̀ŋ naa lìa.

Matìù 26:41

Bɨ̀ tseke àtatsi me tsàꞋte a Mbɔ̧ɔ̧mà mbɨ̀Ꞌɨ̀ bɨ kwen a èbem ètaãaãte mènəè. Èntɨ̧ɨ̧ aà ndâ nkɔ̀ŋkà e ghɨ̌ àghɨ, ka mbɨ̧̀ ènyit ka wua nkɨà.”

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Ntu̧ Ntsɔ̧̀ MAK 14:9

Ane nkûŋ, bɨ̀ zì àyaa ètsə bɨ̧. Bɔɔ li me tsɔ̀te Ntu̧ Ntsɔ̧̀ àdzìꞋ àgème a ngɔ̀ŋ ŋaa nkù̧ù̧te àvi wàa ane ànəê yaa tà ghɨ̀ la.”

Lûk 2:1

È li ngu àfɨꞋa èghɨ bàa e ghɨ̀ la, Empelɔ̀ Sisà Àgɔstɔ̀s saꞋ nê, bòt bàgème bɔ̀ pà̧à̧ àwɔb a èbem èlaꞋ bu a èten li la ègème.

Jɔ̌n 17:6

“Mâ ghɨ̂ bòt bu à làà wɔb ayɔɔ bòt ngɔ̀ŋ ŋǎ abua am la e ko awê. Bɔ li ngu bòt bê, ka à ŋà wɔb abua am, bɔ zə èngǎ̧ wè, mbê mè mbɨ̧ɨ̧nê nè èntɨ̧ɨ̧ wɔb wemɔꞋ.

Lûm 1:8

Maà mbɨ̌ kɔ̀ŋke a Mbɔ̧ɔ̧mà am ane èlen Yesò Klistò ane yɨ̧ bɨ̀agème, ane ndɨ bòt a èdziꞋ ègème aà ndàꞋà ndɨ bɨ zi mèntɨ̧ɨ̧ mɨ̧ ane Yesò Klistò la.

1 Kɔlìn 10:13

Àghɨ a me kɨ ŋwèèlè àwê aa ghɨ̌ a kàbɔ̀ŋ, à ko nê wu àghɨa a li mè ye bòt ko la mɨ̧̂. Mbɔ̧ɔ̧mà wu wòt betsiꞋa bɨ lɨ̀Ꞌà wɨ̧ ane tò la. BetsiꞋa tà kà bɨ̧ɨ̧nè àghɨ a ŋwèèlè àwɨ̧ tè ngà ndzə àdziꞋa bɨ̀a ghɨ̀ àghɨa bɨ ghɨ̂ bɨ̀ ka wu ghɨ̀ la. Ka àghɨ a me kɨ ŋwèèlè àwɨ̧ bɨa ghɨ a kàbɔ̀ŋ ko Mbɔ̧ɔ̧mà naa ŋa wɨ̧ mètàŋ bɨa ko kìì tê dzə a èbèm kà ghɨ a kàbɔ̀ŋ.

Efesɔ̀s 6:13

Bɨ̀ ŋeꞋe èghɨ èbet Mbɔ̧ɔ̧mà àfɨ̀Ꞌ yaa, mbɨ̀Ꞌɨ̀ è wu ane àlia kàbɔ̀ŋ kɨꞋɨ la, bɨ koê nù wùà tè è me lìa bɨ bela nkwèèla wuê kweele.

2 Tɔ̀màtià 2:12

Nkùùla mèntɨ̧ɨ̧ ma, ko ba tò ba aa li me baãaã mènəè mbɨ̀Ꞌɨ̀ bèfɔ̧̀ mɨ̧̂. Ba tu̧u̧ atò, ko taa tu̧ awa mɨ̧̂.

Jimsì 3:12

Bɔnyɨ bɔ̧, ndɨ̀ wu betsiꞋa àyɨt yeamɔꞋ à ka fɔtè nkɔ̀ɔ̀le àgu̧u̧me nè bèanchakàlù̧ la, è bê ngu wuê ndɨ betsiꞋa mèleb ntsɔ̧̀ kà dzə a èbem àbɨꞋte adzì la.

1 Pità 4:12

Bèshu̧ bɔ̧, bɨ̀ ka nɨ ngoꞋte kekweelè tu ndzèa awɨ̧, nkɨ enyìꞋì àwɨ̧ la, mbɨ̀Ꞌɨ̀ ànəa fi ako.

2 Pità 2:9

Mènəè maa ègème wua nyɨ̀Ꞌta nê, Mbɔ̧ɔ̧mà ko ndɨ tàa tsǐ bòt bu bɔ̀ɔ ngɨ̀a àghɨa tàa nkɨà la a èbem ngoꞋ tɔb la, mè nko ndɨ tàa nɔ̀ŋe bòt kàbɔ̀ŋ e me chɨ̀Ꞌɨ̀ àlia tàa saꞋa ngɔ̀ŋ e zi àwɔb a èbem ngoꞋ la.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

Ètsə 11:10

Bòt sitsǎꞋ e mě ngu taꞋa wùꞋte àwɔb nkàà èvə bòt baa babe la. Bɔɔ me wùꞋtè àwɔb e ŋa èghɨ abua waa waa, nkàà nê bèndàꞋàtɔŋ Mbɔ̧ɔ̧mà bu babe la be taꞋa ghɨ̧̀ɨ̧̀ne bòt sitsǎꞋ.

Ètsə 13:10

Wòt a li ngu nê bɔɔ baãaã atò la, bɔɔ bê baãaã atò. Wòt a li ngu nê bɔɔ bùŋe atò ane nyi la, bɔɔ bê bùŋe atò ane nyi. Ale, a nyɨꞋtè nê, bòt Mbɔ̧ɔ̧mà è kuule mèntɨ̧ɨ̧ mɔb, mè me kùŋe atò nè èntɨ̧ɨ̧ wɔb wemɔꞋ.

Ètsə 13:14

Tà nɨ ngɨŋa mènəè mu bɔ sa atò nê tà ghɨa a mbì nyà̧mɔ̀Ꞌ mbì yu la, nɨŋ fɨ̀te bòt sitsǎꞋ bàgème. Nyà̧mɔ̀Ꞌ yu ghɨ̀ bɔ kɔ̧ wamâlem kǒ bɔ̀ɔ me nɨa ngùꞋtà nyà̧mɔ̀Ꞌ mbì yu bɔ li nɨ nyi ndzì fɨŋ ane tò, tà bɔ mbèle yû̧ la.

Ètsə 13:8

Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.

Ètsə 14:12

Ale, a nyɨꞋtè nê bòt Mbɔ̧ɔ̧mà è kuule mèntɨ̧ɨ̧ mɔb, bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mèè me kùŋa Yesò nè èntɨ̧ɨ̧ wɔb wemɔꞋ la.

Ètsə 14:6

ÀfɨꞋa mbɔŋ, e mèè ndze wantu̧ Mbɔ̧ɔ̧mà kǒ ndèa a ègwet la. Tà nɨ Ntu̧ Ntsɔ̧̀ kà wu elìa me nɨa nkɨ̀Ꞌa elàꞋa abua bòt bu bɔ̀ɔ ntsèka a sitsǎꞋ la, bòt èlaꞋ ègème, nè èndà̧ ègème, nè ndɨ̧ tègème, mè nè tèwuute bòt tègème.

Ètsə 16:14

Fo tàa wu bɔntu̧ Satàn, mbɔ̀ mètàŋ a màngɨa ènəê kà ye àfəa, ngà abua bèfɔ̧̀ sitsǎꞋ bàgème e fèta wɔb bɔɔ taŋke enû a Mbɔ̧ɔ̧mà Àtsèàngɔ̀ŋ ane àlia nɨ̧ yu tàa nyɨꞋte ntsǒ zi la.

Ètsə 17:2

Bèfɔ̧̀ sitsǎꞋ e paꞋte atò, bòt bàgème a sitsǎꞋ e mè mbe mèlùꞋ àbɨ̧ atò yu tàa mpàꞋta la.”

Ètsə 17:8

Nyà̧mɔ̀Ꞌ mbɔŋ à li ndze la li ndzaã ngu yu̧, ka nè àfɨ̀Ꞌ yaa tà te ntsě yu̧. È bele nyaŋe edzəâ a èbem ebɨ lu kà ye ndìa la, eghǎ bɔɔ bùŋè atò. AfɨꞋa bòt sitsǎꞋ bu bɔ̀ le kaꞋa shɨ tèlen tɔb a èbem àkata mèmpème a mèmbùꞋu ngɔ̀ŋ la àa ye nyà̧mɔ̀Ꞌ yu la, aa taꞋa tsè àwɔb, nkàà nê tà li ndzaã ngu yu̧, ka nè àfɨ̀Ꞌ yaa tà kà tsi ngu yu̧, mbɔ̂ ngu è li e mě kɨꞋɨ.

Ètsə 2:10

Bɨ̀ ka mbɔ̀â nkàà ngoꞋ tu bɨ̀a ye tùà la. Bɨ̀ ye, Satàn nàà zǐ àbəèꞋ àyɨ̧ a tèfȩ, mbɨ̀Ꞌɨ̀ bɔɔ nyɔ̀Ꞌta awɨ̧ e ye ndɨ bɨ zì mèntɨ̧ɨ̧ mɨ̧ ane Yesò la. Bɨ gha ye ngoꞋ mbɔŋ wuê ane èli èghem. Bɨ̀ tsiꞋ mèntɨ̧ɨ̧ mɨ̧ ane yaã me kweele, ka è màà ngu wuê èvə. Bɨ ghɨ̀ ale, ko bɨa bɔ àbȩ̀, è wu mèmpème kàlìà la.

Ètsə 3:8

Mâ ko èghɨ bɨ̀a ngɨ̀à la. Bɨ̀ ye, mâ tsɔꞋɔ ètsələèꞋ abua yɨ̧ betsiꞋa wòt kà koê ngàbà la. Mâ ko nê bɨ batè mbɔ wuê adziꞋi mètàŋ ale, ka mbɔ̀ me ghɨ̀ àghɨa mâ shu la, bɨ̀ ka mè ntu̧ èlen laã.

Ètsə 6:10

Bɔ me ŋȩ kwàꞋ ànyaꞋne shua nê, “Àwɔ̀ Tǎt wa Mbɔ̧ɔ̧mà Àtsèàngɔ̀ŋ, àa tsa ane àghɨ àgème, nkûŋ mè me dzə wuê abua ye. Bàa tseke tê eghǎ ewua ka àfɨꞋa, ka àa saꞋa bòt bu bɔ li mbùŋè awa a sitsǎꞋ la, e zi awɔb a èbem ngoꞋ à?”

Ètsə 8:13

E ndȩ̀ me ye ndzě èfaã ndèa a ègwet, me zə e me ŋȩ shua nê, “A bɨ ɔɔ̀! A bɨ ɔɔ̀! Aa bɨ àbâ bòt bu bɔ̀ɔ ntsèka a sitsǎꞋ la, àfɨꞋa bɔ̀ɔ zə tèsɔnkendɨk tu, bɔntu̧ Mbɔ̧ɔ̧mà ko bu batat la àa tɔ la.”