Ètsə 3:1 - Mundani

¹ “ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Sadìs la nê: ‘Eyaa mèngǎ̧ wòt wu tà bɔ fote Mbɔ̧ɔ̧mà tu tesà̧à̧mbe nè těnto̧ tu tesà̧à̧mbe la. Mâ ko èghɨ bɨ̀a ngɨ̀à la, bòt aà ndzèa wɨ̧ nê bɨ wu bòt yu̧, ka bɨ bɔ ngu bèmpfəà.

Ètsə 3:1 ပူးပေါင်းရင်းမြစ်များ

Lûk 15:24

Na waã am waa lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, tà lè lɔ̂Ꞌ nyɔ̂, ka nè àfɨ̀Ꞌ yaa mâ ye atò.” Tà làꞋ ale, bɔ bùꞋ me wùꞋtè àwɔb.

Lûk 15:32

Ka ba ghɨ̂ mbɔ̌ ndɨ bàa wùꞋtè àwa la. Wanyɨ wè lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, nyɔ̂ ka mâ ye atò.’ ”

Jɔ̌n 1:16

Tà kɨꞋɨ ale me kɔ̀ŋkè bòt nyaŋ ngɨ̀à ba bɔ mèngùꞋte mu è dzə abua Mbɔ̧ɔ̧mà la a ngo̧ a ngò̧.

Jɔ̌n 1:33

E ndi e nka lem nko atò, tè Mbɔ̧ɔ̧mà wu tà ntsàà am nê è nkɨ̀Ꞌɨ̂ ndzì bòt a èdzî la shu abua am nê, ‘Wòt à ye Fo Kèfə èchua ègwet ntɨ̧ɨ̧ ane tò la, à ko nê wu tòà wu tàa tsiꞋi me ŋa bòt Fo Kèfə la’.

Jɔ̌n 20:22

Tà làꞋ ànəê yaa ale, mbɔ̂ ndzèène a ègwet lɔb, shu abua yɔb nê, “Bɨ̀ kò Fo Kèfə.”

Jɔ̌n 3:34

Wòt wu Mbɔ̧ɔ̧mà tsàà la, nàà ndàꞋà wuê mèngǎ̧ Mbɔ̧ɔ̧mà nkàà nê, Mbɔ̧ɔ̧mà zǐ Fo zi ane tò nènkèm.

ÀfaꞋa 2:33

Mbɔ̧ɔ̧mà yu̧u̧me atò ntsìà àbâ àbualu̧ azi, mè ndzì Fo Kèfə ane tò, mbɨ̀Ꞌɨ̀ Tǎt tò Mbɔ̧ɔ̧mà wu zìambɔŋ li nkàꞋ la. Èghɨ bàa bɨ ye àfɨ̀Ꞌ yaa mè ndzəèa la, wu èghɨ Yesò ghɨ̌ ane ya la.

Efesɔ̀s 2:1

È li ngu àfɨꞋa mbì, bɨ wu bòt bɔ pfəꞋte la a mbì Mbɔ̧ɔ̧mà, nkàà ndɨ bɨ li ngua nkwèèla àtsə abua Mbɔ̧ɔ̧mà ngɨa kàbɔ̀ŋ la.

Efesɔ̀s 2:5

tè ngɨ̀ awa wu ba li ngu bòt bɔ pfəꞋte a mbì tò la, ba tsiꞋi bòt yu̧ ba Yesò Klistò ba. Ba pem nkàà a ntsɔ̧̀ Mbɔ̧ɔ̧mà wu tà nyɨꞋte abua ya la.

Kɔ̀losìà 2:13

È lè wu àfɨ̀Ꞌ àko, bɨ wu mbɨ̀Ꞌɨ̀ bòt bɔ pfəꞋte la a mbì Mbɔ̧ɔ̧mà ndɨ̀ wu bɨ̀ le wua ngɨa kàbɔ̀ŋ, mè ngu bòt kà ko a Mbɔ̧ɔ̧mà, bɨ̀ ka ko mbɨ̧te Musì la. Ka Mbɔ̧ɔ̧mà è yu̧u̧me àwɨ̧ àfɨ̀Ꞌ yaa, ŋà wɨ̧ mèmpème bɨ Yesò Klistò ba. Mbɔ̧ɔ̧mà li ngwaꞋa mènəè kàbɔ̀ŋ ma bǎgème.

1 Tɔ̀màtià 5:6

Ka nempfə wu tà zǐ èntɨ̧ɨ̧ vi ane èghɨ ngɔ̀ŋ la, batè mbèle kà pfə, ka mbɔ̂ ntsìꞋi mbɨ̀Ꞌɨ̀ wòt tà pfə te ndɔ̀Ꞌ la.

Jimsì 2:26

Ale, mbɨ̀Ꞌɨ̀ ndɨ mbɨ̧̀ ènyit kà ye fo wu àpfəꞋte àghɨ la, wu wuê a èlɨ mbɔŋ wòt zìà èntɨ̧ɨ̧ vi ane Mbɔ̧ɔ̧mà ka mbàkà wua fàꞋà mbɨ̀Ꞌɨ̀ Mbɔ̧ɔ̧mà kɨa la èntɨ̧ɨ̧ mbɔŋ e wu àpfəꞋte mɨ̧̂ la.

1 Pità 1:11

Fo Yesò Klistò li ngu ane yɔb, nyɨ̀Ꞌte awɔb ndɨ Yesò nàa li kɨꞋɨ eye ngoꞋ naa ghǎ me lìa Mbɔ̧ɔ̧mà naa ghɨ̌ taa bɔ ènɨ̧ la. Ale, bɔ me nyɔ̀Ꞌta nkɨ eko àfɨꞋa èghɨ bàa àa ghɨ̀ la, mè nè ndɨ àa li ghɨ̀ la.

Jûd 1:12

Bòt ba aà ndòa mèkù mɨ̧ ndɨ̀ wu bɔ̀ɔ njɨ̀a bɨ tò ba àdziꞋa bɨ bù̧ù̧te ane èkɔŋ me jɨ èpǎ̧ wɨ̧ la, nkàà nê bɔɔ ngɨ̀à mènəè àtsəa kɔꞋɔ a kètsìà wɨ̧ mè ndzəa wuê è tɔb nè tèbèm. Bɔ wu mbɨ̀Ꞌɨ̀ mbɨ̀ŋ è kɨɨlà àfeme àa nɨa ndèa la, mè ngu mbɨ̀Ꞌɨ̀ èyɨt kà wua nkɔ̀ɔ̀la àfɨꞋa èyɨt àa nkɔ̀ɔ̀la la. Bɔ pfəꞋte nenkèm wuê mbɨ̀Ꞌɨ̀ èyɨt bɔ tsɔꞋte ne tèghàŋtsə la.

Ètsə 1:11

Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”

Ètsə 1:16

Tà li mbèà těnto̧ tesà̧à̧mbe àbualu̧ azi, nyi nàa ntɔ̀a èbâ bebe la è dzəèa ètsəê tò, èsi tò e mè me kàꞋtè mbɨ̀Ꞌɨ̀ àtaãnyèm a nèngû̧.

Ètsə 1:20

È me wu ànəa ndò̧ yu ane těnto̧ tu tesà̧à̧mbe mâ bèa àbualu̧ am la, nè èghɨ bu besà̧à̧mbe bɔ̀ɔ ntsìta mèkàꞋà adù̧, bɔ ghɨ ane goêl la, ko tsiꞋ è shu awê lə èghɨ mbɔŋ. Těnto̧ tu tesà̧à̧mbe la wu bɔntu̧ bu basà̧à̧mbe bɔ̀ɔ ndȩ̀à bèchɔsì bu basà̧à̧mbe la. Èghɨ bu bɔ̀ɔ ntsìta mèkàꞋa adù̧ besà̧à̧mbe la, è wu bèchɔsì ngaa basà̧à̧mbe la.

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.

Ètsə 2:13

Mâ ko àdziꞋa bɨ̀a ntsèka la, wu àdziꞋa àtɨ̧a kèfɔ̧̀ Satàn à wu abot la. Mâ koê nê bɨ bakà li mè tu̧ nê bɨ wu bòt bɔ̧. Bɨ li bɨ̀ ka tsi mèntɨ̧ɨ̧ mɨ̧ ane yaã ka wuê àfɨꞋa bɔ li mbùŋa Antipà wu tà li ngua nkuŋe am nè èntɨ̧ɨ̧ vi wemɔꞋ la. Bɔ li mbùŋe atò a kètsìà wɨ̧, àdziꞋa Satàn nàa ntsèka la, nkàà ndɨ tà li ngua ndàꞋa èngǎ̧ am la.

Ètsə 2:19

Mâ ko èghɨ bɨ̀a ngɨ̀à la. Mâ ko nê bɨà nkɔ̀ŋkà wɨ̧, mè nè ndɨ mèntɨ̧ɨ̧ mɨ̧ bele ane yaã, bɨ mè me tɨŋe bɔnyɨ bɨ̧ ntsɔ̧̀, mè nkùùla mèntɨ̧ɨ̧ mɨ̧ la. Mâ koê mɨ̧̂ nê èghɨ bɨ̀a ngɨa àfɨ̀Ꞌ yaa la e tsè èbu bɨ li ndzaã ngua ngɨ̀à la.

Ètsə 2:2

Mâ ko èghɨ bɨ̀a ngɨ̀à la. Mâ ko tèbəꞋte bɨ faꞋ mbɔŋ, mè nkùùlè mèntɨ̧ɨ̧ mɨ̧ a èbem ngoꞋtsə la. Mâ ko nê bɨ̀a ka bɨ̧ɨ̧ne nê bòt kàbɔ̀ŋ è wu ayɔɔ yɨ̧. Bɨ bàŋe bòt bu bɔ̀ɔ shua nê bɔ wu bɔntu̧ Yesò, ka bɔ̀ ka wu bùà la, ndze nê bɔ wu bòt mèfà̧.

Ètsə 2:9

Mâ koê ngoꞋte bɨ̀a ndzèa la, nè ntseb bɨ̀ wu a èbèm la, (ka ane nkûŋ) bɨ bɔ èghɨ nyaŋ. Mâ koê mɨ̧̂ ndɨ bòt bu bɔ̀ɔ fɨ̀ta nè bɔ wu Bèjuê, ka bɔ̀ ka wu bùà la, àa ndàꞋa kàbɔ̀ŋ ane èlen lɨ̧ la. Bɔ wu ènɔ̧̂ bòt Satàn.

Ètsə 3:15

Mâ ko èghɨ bɨ̀a ngɨ̀à la, bɨa kà lù̧, bɨ̀ ka wua fia. Ka bɨ wu me lù̧u̧ ko bɨ me fi.

Ètsə 3:2

Bɨ̀ lɔ̀ka wɨ̧, mbɨ̀Ꞌɨ̀ adziꞋi fo wu a èbem lɨ̧ la paa mì bɨ paà mpfə, nkàà nê mâ ye nê mènəè mɨ̧ bakà kùꞋ a mbì Mbɔ̧ɔ̧mà.

Ètsə 3:8

Mâ ko èghɨ bɨ̀a ngɨ̀à la. Bɨ̀ ye, mâ tsɔꞋɔ ètsələèꞋ abua yɨ̧ betsiꞋa wòt kà koê ngàbà la. Mâ ko nê bɨ batè mbɔ wuê adziꞋi mètàŋ ale, ka mbɔ̀ me ghɨ̀ àghɨa mâ shu la, bɨ̀ ka mè ntu̧ èlen laã.

Ètsə 4:5

E me ye mèkàꞋà nkàꞋà la, mè nê èfàŋ ngwèla la e dzə a ègwet àtɨ̧a kèfɔ̧̀ yu. E mè ndze bètɔsìlam basà̧à̧mbe mbèꞋa a mbì àtɨ̧a kèfɔ̧̀ yu, è wu fote Mbɔ̧ɔ̧mà tu tesà̧à̧mbe la.

Ètsə 5:6

ÀfɨꞋa mbɔŋ e ndze Wanjɨ̀ tà tɨ̧ɨ̧ a mbì àtɨ̧a kèfɔ̧̀ yu la. Èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la e ghaale Wanjɨ̀ wu ndzì a kètsìà. Wanjɨ̀ mbɔŋ tɨ̧ ale nɔ̀ŋkè mbɨ̀Ꞌɨ̀ bɔ le lɔ̀Ꞌ mbùŋè atò. Tà li mbɔ ndɔŋtsə tesà̧à̧mbe àtsə azi, nè àghɨ yea sà̧à̧mbe, è wu fote Mbɔ̧ɔ̧mà tu tesà̧à̧mbe bɔ tsàà àdziꞋ ègème a sitsǎꞋ ŋaa la.