Ètsə 22:17 - Mundani

¹⁷ Fo Mbɔ̧ɔ̧mà bɔ̂ ndzà Wanjɨ̀ wu e nê, “KɨꞋɨ.” Wòt ègème tà zə èngà̧ waa la è bɔ ndɨ tàa shu azi mɨ̧̂ nê, “KɨꞋɨ” la. Wòt àtɔŋ tò a yu̧u̧ la kɨꞋɨ, we tàa nkɨà la kɨꞋɨ nɨ mèleb mu nàa ŋa mèmpème la àku.

Ètsə 22:17 ပူးပေါင်းရင်းမြစ်များ

Jɔ̌n 1:37

Mbɨ̀Ꞌɨ̀ bɔkatè tò bu babe e zə ànəa mbɔŋ la, bɔ bê sa atò nkuŋa Yesò.

Jɔ̌n 4:10

Yesò bɨ̀ɨ̀lè èngǎ̧ tò nê “À ghɨ̀ ale nko àghɨa Mbɔ̧ɔ̧mà nàa ŋǎ la, mè nko wòt wu shua nê ŋa mèleb yè nu la, ko à biite atò tà tsiꞋi ŋa awê mèleb nàa ŋǎ mèmpème la.”

Jɔ̌n 4:11

Àvi wu shu abua tò nê “Tê, à bakà bɔ àghɨa àa nɨ etuꞋu mèleb la, èbɨ làa e mè me sàa, ale à wu nɨ mèleb mu nàa ŋǎ mèmpème la nèŋàà?

Jɔ̌n 4:14

ka wòt ègème tà nu mèleb mu màa ŋa abua tò la, àtɔŋ tò à ka lɔꞋ àlia ntsi nju̧. Mèleb mu màa ŋa abua tò la, naa tsiꞋi ane tò mbɨ̀Ꞌɨ̀ adzì nàa nkɔꞋɔ a si àfɨ̀Ꞌ àgème ŋǎ tò mèmpème kàlìà la.”

Jɔ̌n 4:29

“Bɨ̀ kɨꞋɨ ndzě wòt kǒ tà shua am àghɨ àgème mâ li me ghɨ̀ la. Tè eyaa ntsě Fɔ̧̀ wu Mbɔ̧ɔ̧mà li ndzɔꞋ etsàà la à?”

Jɔ̌n 7:37

È tseke tè ngu àlia màndia, è wu kwàꞋ àlia nɨ̧ ane èpǎ̧ wu la, Yesò lɔ̀Ꞌɔ a si ndɔ̀kè àtɔŋ zi ntsaa ègwet nê, “Àtɔŋ wòt a yu̧a tà kɨ̀Ꞌɨ̂ e ŋa mèleb tà nu.

Lûm 3:24

Mbɔ̧ɔ̧mà nɨa ntsɔ̧̀ vi ngɨ̀ bòt e tsiꞋi mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì tò la, àku. Tà li ngɨ̀ anè, nkàà èvə lu Yesò Klistò li mpfə nchùꞋù àtsə bòt bàgème ane kàbɔ̀ŋ wɔb la.

1 Kɔlìn 2:12

Ba bakà bɔ fo ngɔ̀ŋ yaa, ba bɔ Fo Mbɔ̧ɔ̧mà zìambɔŋ, mbɨ̀Ꞌɨ̀ naa ghɨ̌ baa ko èghɨ bu Mbɔ̧ɔ̧mà ŋǎ abua ya la.

Ètsə 14:13

E me zə àtɔŋ a dzəè a ègwet me shu nê, “Shɨ àghɨ yaa a si: Ntsɔ̧̀ wu bòt bu bɔ̀ɔ pfə mbɨ̀Ꞌɨ̀ bòt Yesò e bùꞋu àfɨ̀Ꞌ yaa me ghà ne mbì la.” Fo Mbɔ̧ɔ̧mà nê, “Oo, wu nkûŋ. Bɔɔ yète ane àfàꞋ àyɔb, nkàà nê àfàꞋa ntsɔ̧̀ àyɔb aa li kùŋè àwɔb.”

Ètsə 2:7

“ ‘Wòt bɔ ètû̧, tà yùte ànəê ayaa Fo Mbɔ̧ɔ̧mà wua shua abua bèchɔsì bu la. Wòt kuula èntɨ̧ɨ̧ vi nùà tè ntsèà ko maa ghɨ̌ tàa jɨ tètaãaãte àyɨt yu a palàdȩê Mbɔ̧ɔ̧mà, àa ŋa mèmpème la.

Ètsə 21:2

E ndze àpfəèà nɨ̧ a Mbɔ̧ɔ̧mà yu, è wu Jèlusalèm fi la, a lɔ̀Ꞌa abua Mbɔ̧ɔ̧mà a ègwet me chu a si. Bɔ nèètè yùà a tsiꞋi mbɨ̀Ꞌɨ̀ ndzà bɔ wèa tò tà me chɨ̀Ꞌɨ̀ lu̧ vi la.

Ètsə 21:6

Tà ghɨ̀ ale, mè shu abua am nê, “A mî, E ngu mbì nè kwèn, MèmbùꞋu nè Mèndìa. Maa ŋa mèleb è dzəâ a èbem adzì wu nàa ŋa mèmpème la, àku, abua waa waa àtɔŋ tò a yu̧ la.

Ètsə 21:9

Wantu̧ Mbɔ̧ɔ̧mà kǒ ane bɔntu̧ Mbɔ̧ɔ̧mà bu basà̧à̧mbe tà bèà tèpfəèꞋ tu tesà̧à̧mbe, te lu̧u̧ nè ngoꞋte Mbɔ̧ɔ̧mà tu tesà̧à̧mbe tê lìà la, kɨꞋɨ shu abua am nê, “KɨꞋɨ, maa nyɨꞋte awê ndzà yu Wanjɨ̀ wu yɔꞋɔ la.”

Ètsə 22:1

Wantu̧ Mbɔ̧ɔ̧mà wu è ghɨ̀ ale, mè nyɨ̀Ꞌte am èdzî ko àa ŋa mèmpème la, e me kàꞋtè mbɨ̀Ꞌɨ̀ àlùgɨ̀lâ. Èdzî mbɔŋ e dzə adù̧ àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu,

Ètsə 22:16

“Mmɔ̌ Yesò mâ tsàà wantu̧ am abua yɨ̧ nê tà kɨꞋɨ shu awɨ̧ mènəè maa, bɨ̀ shu abua bèchɔsì. E ngu èntaãaã e tu a àndǎ̧ Fɔ̧̀ Dàbid la, kěnto̧ ntɔtetsɔ̌Ꞌ kèa nkàꞋtà la.”

Ètsə 7:17

Aa li wu ale nkàà nê, Wanjɨ̀ wu a kètsìà àtɨ̧a kèfɔ̧̀ yu la, naa li wu mbààba awɔb, e me nɨa awɔb ngà a badzì mèleb nàa ŋa mèmpème la. Mbɔ̧ɔ̧mà mè ngu li yòò mèsi ègème àghɨ ayɔb.”