Ètsə 22:16 - Mundani

¹⁶ “Mmɔ̌ Yesò mâ tsàà wantu̧ am abua yɨ̧ nê tà kɨꞋɨ shu awɨ̧ mènəè maa, bɨ̀ shu abua bèchɔsì. E ngu èntaãaã e tu a àndǎ̧ Fɔ̧̀ Dàbid la, kěnto̧ ntɔtetsɔ̌Ꞌ kèa nkàꞋtà la.”

Ètsə 22:16 ပူးပေါင်းရင်းမြစ်များ

Matìù 1:1

Eyaa wu bètǎt nyaꞋ Yesò Klistò wu tà lè wu wòt ləlob Fɔ̧̀ Dàbid wu tà li ngu wòt ləlob Abàlàghâm la.

Matìù 2:2

Bɔ kɨꞋɨ ale, me biite nê, “Waã wu bɔ bi, tàa wu Fɔ̧̀ Bèjuê la nàa wa à? Baa ye kěnto̧ tò àbâ yu nyèm nàa sàꞋa la ka nkɨ̀Ꞌɨ̂ ewùꞋte atò.”

Matìù 22:42

“Bɨ̀a mɨ̀ɨ̀tà na ane ànəa Fɔ̧̀ wu Mbɔ̧ɔ̧mà li ndzɔꞋ etsàà la à? Tà wù waã wàà?” Bɔ bɨ̀ɨ̀lè nê, “Tà wu waã Fɔ̧̀ Dàbid.”

Matìù 22:45

Fɔ̧̀ Dàbid wu tɔ atò ane tǎt vi, tà ghɨ̀ na ka ntsiꞋi waã Dàbid à?”

Lûk 1:78

ndɨ̀ wu tà wu mbɔɔlà wòt, mè ngu mànkua tèsȩ la. Taa li ghɨ̌ mèmpème mi naa saꞋa ane ya mbɨ̀Ꞌɨ̀ nyèm ntɔtetsɔ̌Ꞌ è saꞋa a ègwet la,

Lûk 20:44

Fɔ̧̀ Dàbid wu tɔ atò ane tǎt vi, tà ghɨ̀ na ka ntsiꞋi wòt àndǎ̧ Dàbid à?”

Lûm 15:12

Àsayà mè nê, “Wòt bɔ̀ɔ bi atò àndǎ̧ Jesì la nàa li kɨꞋɨ, wu wòt tàa li me baãaã bòt kà wu Bèjuê la. Bɔ̀ɔ lâ me chɨ̀Ꞌɨ̀ tàa ghɨ̌ bɔ̀ɔ peme.”

Lûm 9:5

Bɔ mè dzəè àndǎ̧ Abàlàghâm bɔ̂ Asàk nè Jàkɔ̂b. Wu àndǎ̧ bɔ̀ li mbi a Fɔ̧̀ wu Mbɔ̧ɔ̧mà yɔꞋ ntsà mbɨ̀Ꞌɨ̀ wɔ̀bȩ̂ la. Tà wu Mbɔ̧ɔ̧mà wu tà wu a ègwet àghɨa àgème la. MèngùꞋte wu ane èlen to ane àlia nè àlia. Àmèn.

2 Pità 1:19

Àyaa a ghɨ̂ ba paa nko nê èngǎ̧ bèndàꞋàtɔŋ Mbɔ̧ɔ̧mà e li ndàꞋ la wu nkûŋ. Bɨ̀ baãaã èngǎ̧ mbɔŋ ntsɔ̧̀. Aà mbɨ̀Ꞌɨ̀ èkaꞋà àa mbàŋà bòt a èbem ndzěm la. Ale, bɨ̀ baãaã wùà ntsɔ̧̀ tè ètsəꞋ è tsi bɨ̀ ye èkaꞋà Yesò Klistò mbèꞋa a mèntɨ̧ɨ̧ mɨ̧̂. Aa wu mbɨꞋɨ̀ sàŋ yu nàa ngɨ̀ è saꞋa ntɔtetsɔ̌Ꞌ ka àbȩ a zìꞋ mpaa ghaꞋte la.

Ètsə 1:1

Àkatè yaa a làꞋà ànəa ètsə Yesò Klistò li nyɨ̀Ꞌte abua bɔfàꞋa Mbɔ̧ɔ̧mà, ane èghɨ è bele yaŋe e ghɨ̀ la. Wu Mbɔ̧ɔ̧mà ka tà li ngɨ̀ Yesò koê èghɨ ngaa la. Yesò li ntsàa wantu̧ vi, tà nyɨ̀Ꞌte èghɨ ngaa abua wɔ̀fàꞋ vi Jɔ̌n.

Ètsə 1:11

Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.

Ètsə 2:11

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàà shu abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko tà ka tsi li epfə èvə kwèn lu bòt ko àa li pfə lùà la.

Ètsə 2:17

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko maa ŋa àbəꞋa èghɨjɨ ndò̧ Mbɔ̧ɔ̧mà abua tò, e mě ŋa atò èti kèfə, bɔ shɨ èlen fi adù̧, kà wòt tsa ko lùà, kà wu wòt wu mâ ŋa èlen mbɔŋ abua tò la.

Ètsə 2:7

“ ‘Wòt bɔ ètû̧, tà yùte ànəê ayaa Fo Mbɔ̧ɔ̧mà wua shua abua bèchɔsì bu la. Wòt kuula èntɨ̧ɨ̧ vi nùà tè ntsèà ko maa ghɨ̌ tàa jɨ tètaãaãte àyɨt yu a palàdȩê Mbɔ̧ɔ̧mà, àa ŋa mèmpème la.

Ètsə 22:1

Wantu̧ Mbɔ̧ɔ̧mà wu è ghɨ̀ ale, mè nyɨ̀Ꞌte am èdzî ko àa ŋa mèmpème la, e me kàꞋtè mbɨ̀Ꞌɨ̀ àlùgɨ̀lâ. Èdzî mbɔŋ e dzə adù̧ àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu,

Ètsə 22:11

Waa waa tàa ngɨa kàbɔ̀ŋ la, me ghɨ̀à ngà wuê nè mbì, we tàa ngɨ̀à èbɨꞋte ènəê la, me ghɨ̀à ngà wuê nè mbì. Wòt tàa ngɨ̀à mènəè ntsɔ̧̀ la, me ghɨ̀à ngà wuê nè mbì. Wòt tà wu wòt Mbɔ̧ɔ̧mà la, mě me ŋa avi wuê abua Mbɔ̧ɔ̧mà.”

Ètsə 22:20

Wòt wu tà shu nê èghɨ bàa wu nkûŋ la, è laꞋnê, “Ane nkûŋ, e mbele yàŋe kɨꞋɨ.” Àmèn, Yesò Lefɨ̀Ꞌ, kɨꞋɨ.

Ètsə 22:6

Wantu̧ Mbɔ̧ɔ̧mà wu mè shu abua am nê, “Eyaa wu mèngǎ̧ nkûŋ, è kùꞋu me wòt nàa bɨ̧ɨ̧ne la. Mbɔ̧ɔ̧mà Lefɨ̀Ꞌ wu tàa ndzìà Fo zi ane bèndàꞋàtɔŋ bi, bɔ làꞋà èngǎ̧ tò la, è tsàà wantu̧ vi nê tà kɨꞋɨ nyɨ̀Ꞌte bɔfàꞋ bi àghɨa à bele nyàŋe e ghɨ̀ la.”

Ètsə 3:13

Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la.

Ètsə 3:22

Wòt bɔ ètû̧, tà yùte ànəa Fo Mbɔ̧ɔ̧mà nàa shu abua bèchɔsì bu la.”

Ètsə 3:6

Wòt bɔ ètû̧, tà yùte ànəa Fo Mbɔ̧ɔ̧mà wua shua abua bèchɔsì bu la.

Ètsə 5:5

AfɨꞋa mbɔŋ wajûŋ kǒ ayɔɔ bɔɔjuŋ bu èghem yebe ntsɔ̀b bakwì la è shu abua am nê, “Ka tsi ndɨ̀. Ye, wòt wu bɔ̀ɔ ntɔ atò ane sambàŋ àlaꞋ a Judà la wu àdziꞋ yaa. Tà wu èntaãaã e tu àndǎ̧ fɔ̧̀ Dàbid la. Tà nù tê ntsè àghɨ àgème. Ta kuꞋ wê tàa tsi àmènà yu a èdziꞋ besà̧à̧mbe ane àkatè yu la, e tɔ àghɨa àa èbèm la.”