Ètsə 22:14 - Mundani

¹⁴ Ntsɔ̧̀ wu bòt bu bɔ shùu ndǐ tɔb tè te fəətè la. Wu àdziꞋa yɔb bɔ̀ɔ jɨ tètaãaãte àyɨt yu àa ŋa mèmpème la, e mě tse a ètsəêkaã àpfəèà nɨ̧ yu enyi a èbèm.

Ètsə 22:14 ပူးပေါင်းရင်းမြစ်များ

Jɔ̌n 10:7

Ale, Yesò mè shu abua yɔb nê, “Ane nkûŋ, tsiꞋ è shua wɨ̧ nê, e ngu mbɨ̀Ꞌɨ̀ ètsəê àkààla njɨ̀tsə.

Jɔ̌n 10:9

E ngu ètsəê àkàt. Wòt tse ane yaã ka nyî, ko tàà peme, wuê mbɨ̀Ꞌɨ̀ njɨ̀ nàa ndzəa a èbem àkàt nga àbȩ nkwèla èfəêꞋ mè nkɨ̀Ꞌa nyia la.

Jɔ̌n 14:15

“Bɨ me kɔ̀ŋkè am, ko bɨa me ghɨ̀ àghɨa mâ shu nê bɨ̀ ghɨa la,

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 4:12

Àa nè nko nê ye tse tǎt nyaꞋ waa Jàkɔ̂b wu tà li ŋa èbɨ mèleb la abua ya la à? Tòà zìambɔŋ li nù mèleb è dzəâ a èbem èbɨ làa la, bɔ̂ bɔ̧ bi nê banyà̧ bi.”

1 Kɔlìn 7:19

Kò bɔ naŋe wòt kò bɔ bakà nàŋe leꞋ, ko à yu ntsě ànəa ko. Àyea è wu ànəê la wu mànɔŋe mbɨ̧te Mbɔ̧ɔ̧mà.

1 Kɔlìn 8:9

Ka bɨ̀ me ko awɨ̧ mbɨ̀Ꞌɨ̀ bɨ bela ngɨ̀à, ngɨ̀ bòt bɔ̀ɔ njùa la e fà̧ ànəê a mbì Mbɔ̧ɔ̧mà.

1 Kɔlìn 9:5

Tè betsiꞋa bà ka yɔꞋɔ àvi mbɨ̀Ꞌɨ̀ bɔntu̧ Yesò ko, nè bɔnyɨ tò nè Pità?

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

1 Jɔ̌n 3:3

Waa waa tà nɔ̀ŋe ntɨ̀ zi ane Yesò Klistò la, nàà nɔ̀ŋà èntɨ̧ɨ̧ vi è kèfə wuê mbɨ̀Ꞌɨ̀ èwe Yesò Klistò àa fəèa la.

1 Jɔ̌n 5:3

Àghɨa àa nyɨꞋte nê baa nkɔ̀ŋkà Mbɔ̧ɔ̧mà la wu màngɨa mènəè tà shu la. Mbɔ̂ betsiꞋa mènəè tò ngaa ka tse awa a màngɨa,

Ètsə 2:7

“ ‘Wòt bɔ ètû̧, tà yùte ànəê ayaa Fo Mbɔ̧ɔ̧mà wua shua abua bèchɔsì bu la. Wòt kuula èntɨ̧ɨ̧ vi nùà tè ntsèà ko maa ghɨ̌ tàa jɨ tètaãaãte àyɨt yu a palàdȩê Mbɔ̧ɔ̧mà, àa ŋa mèmpème la.

Ètsə 21:12

Àpfəèa mbɔŋ a bɔ tàꞋà àkaã a ko bɔ̂ bɔ̧ a kɔꞋ ngà tea ègwet la. Àkaã mbɔŋ a li mbɔ̀ mètsəê ntsɔ̀b yebe. Bɔntu̧ Mbɔ̧ɔ̧mà ntsɔ̀b bebe e tɨ̧ɨ̧tè me baabe mètsəêkaã mbɔŋ. Bɔ mè shɨ̀ tèlente èndǎ̧ bòt Izəèlȩê bu ntsɔ̀b bebe la adù̧ mètsəêkaã mbɔŋ.

Ètsə 21:27

Ka àghɨa kàbɔ̀ŋ ko àa li nyi a èbèm la à ka wuê, fɔɔle nê bòt bɔ̀ɔ ngɨ̀à èbɨꞋte mènəè, kò fɨ̀ta la leꞋ. Bòt bu bɔ li shɨ tèlen tɔb a èbem àkatè mèmpème Wanjɨ̀ wu la, ka bɔ̀ɔ li e nyi a èbem àpfəèà nɨ̧ a mbɔŋ la.

Ètsə 22:2

me chua ntsèà a kètsìà èlu̧ wu a èbem àpfəèà nɨ̧ yu la. Àyɨt yu àa ŋa mèmpème la, a tɨ̧ɨ̧ àbâ èdzî mbɔŋ bebe, me kɔɔle tètaãaãtsə tsa tsa ane èŋu ègème ane èngùꞋebȩ. TèfəꞋte àyɨt a mbɔŋ wu èghɨbə àa mbəa bòt èlaꞋ ègème la.

Ètsə 22:7

Yesò nê, “Bɨ̀ zə, e mbele yàŋe kɨꞋɨ. Ntsɔ̧̀ wu wòt wu tàa nɔ̀ŋà èghɨ bu bɔ li shu bɔ shɨ a èbem àkatè yaa la.”

Ètsə 7:14

E shu abua tò nè, “Tê, wu àwɔ̀ ka à ko la.” Tà mè shu abua am nê, “Eyaa wu bòt bu bɔ tse a èbem ngoꞋ kèkweelè yu la. Bɔ nɨ àlo̧ Wanjɨ̀ wu shùù ndǐ tɔb tè te fəətè.