Ètsə 22:10 - Mundani

¹⁰ Tà mè shu abua am nê, “À ka ndò̧ mèngà̧ mu bɔ li shu bɔ shɨ a èbem àkatè yaa la, nkàà nê àfɨꞋa èghɨ mbɔŋ àa ghɨ̀ la a tsiꞋa nkùꞋà.

Ètsə 22:10 ပူးပေါင်းရင်းမြစ်များ

Matìù 10:27

Ànəa mâ shu awɨ̧ a èbem ndzěm la, bɨ̀ shu a kètsìà nèngû̧, àyea bɨ zə a ntsèm la, bɨ tùꞋ a tèbuꞋte èlu̧.

Lûm 13:11

Bɨ̀ me ghɨ̀ àyaa nkoa mɨ̧̂ nê bɨ ko èwuu àfɨꞋa bɨ̀ wu adù̧ la. ÀfɨꞋa bɨ bɔ ndɨ bɨ̀a lɔ̀Ꞌɔ a si mbɨ̀Ꞌɨ̀ bòt bɔ ku̧u̧te awɔb la, a kuêꞋ. ÀfɨꞋa bàa bɔ mèmpème la a kɨꞋɨ tê ngu a ngèt ya àfɨ̀Ꞌ yaa tè ntsè ndɨ à le wuê àfɨ̀Ꞌ yu baa li mbùꞋ ndzì mèntɨ̧ɨ̧ ma ane Yesò la.

Lûm 13:12

A bê ntsìꞋi mbɨ̀Ꞌɨ̀ ètsəꞋ e tsi tè àbȩ a bùꞋ me ghaꞋte. È wu ale, bàà waꞋa èbɨꞋte èghɨ bu bàa ngɨ̀à a èbem ndzěm la, mè ngwèè àwa nè èghɨ èbet mbɨ̀Ꞌɨ̀ etaŋke a mànua a èbem èkaꞋà.

2 Tèsàlonikà 2:3

Bɨ̀ ka mbɨ̧̀ɨ̧̀ne wòt kǒ fɨte awɨ̧ ka wuê ane alu̧ kǒ, ngu nê betsiꞋa àlia ngaa à ka kɨꞋɨ̀ tè àfɨ̀Ꞌ yu bòt nyaŋ àa me səèꞋtè àwɔb ane Mbɔ̧ɔ̧mà nè mènəè tò la a kùꞋ. Eyaa wu àfɨ̀Ꞌ yu wòt wu tàa ka bê nkɨ ezə ànəa Mbɔ̧ɔ̧mà ko tsa la nàa pùùlà la. Tà wu wòt wu Mbɔ̧ɔ̧mà nàa li e nyɔŋe atò a èbem èwet la.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

Ètsə 1:11

Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”

Ètsə 1:3

Ntsɔ̧̀ wu wòt wu tàa tɔ mèngǎ̧ màa Mbɔ̧ɔ̧mà nyɨꞋte atò la abua bòt la. Ntsɔ̧̀ mè ngu bòt bu bɔ̀ɔ ndzəa mè nɔ̀ŋà èghɨ bàa bɔ shɨ la, nkàà nê àfɨꞋa èghɨ mbɔŋ àa ghɨ̀ la aà nkùꞋà.

Ètsə 10:4

Èfâŋ yu yesà̧à̧mbe e gwet ale, e mbê nê e nkɨ shɨ ànəa e làꞋà la, me zə àtɔŋ ko a dzəè a ègwet nê, “Ka ntùꞋu mènəè mu èfâŋ yu yesà̧à̧mbe e shu la, à ka shɨa a si.”

Ètsə 22:16

“Mmɔ̌ Yesò mâ tsàà wantu̧ am abua yɨ̧ nê tà kɨꞋɨ shu awɨ̧ mènəè maa, bɨ̀ shu abua bèchɔsì. E ngu èntaãaã e tu a àndǎ̧ Fɔ̧̀ Dàbid la, kěnto̧ ntɔtetsɔ̌Ꞌ kèa nkàꞋtà la.”

Ètsə 22:18

Maà səèŋkà àtû̧ a waa waa tà zə mèngà̧ maa bɔ li shu bɔ shɨ a èbem àkatè yaa, la nê, wòt kwèꞋnà àghɨ adù̧, ko Mbɔ̧ɔ̧mà nàa kwèꞋne ngoꞋ tu tègème bɔ shɨ a èbem àkatè yaa la adù̧ ngoꞋte tò.

Ètsə 22:20

Wòt wu tà shu nê èghɨ bàa wu nkûŋ la, è laꞋnê, “Ane nkûŋ, e mbele yàŋe kɨꞋɨ.” Àmèn, Yesò Lefɨ̀Ꞌ, kɨꞋɨ.

Ètsə 22:7

Yesò nê, “Bɨ̀ zə, e mbele yàŋe kɨꞋɨ. Ntsɔ̧̀ wu wòt wu tàa nɔ̀ŋà èghɨ bu bɔ li shu bɔ shɨ a èbem àkatè yaa la.”

Ètsə 22:9

tà shu abua am nê, “Ka ngɨ̀ ale. E ngu wafàꞋ wuê mbɨ̀Ꞌɨ̀ àwɔ̀ nè bɔnyɨ bè bu è wù bèndàꞋàtɔŋ la, mè nè bòt bu bàgème bɔ̀ɔ ngɨ̀à àghɨa bɔ shɨ a èbem àkatè yaa la. WùꞋte wuê a Mbɔ̧ɔ̧mà.”

Ètsə 5:1

E me ye ndze àbaa àkatè ko àbualu̧ wòt wu tà tseke a ègwet àtɨ̧a kèfɔ̧̀ yu la. Bɔ shɨ èghɨ ko ane àkatè mbɔŋ àbâ mbì nè àyea kwèn, mbɔ̀ ndèbte, nɨ àmènà nɨŋ shɨ̀ŋ èdziꞋ besà̧à̧mbe ane àkatè mbɔŋ enɨ nyɨꞋte nê wòt bakà bɔ ndɨ tàa tsɔꞋɔ la.