Ètsə 21:8 - Mundani

⁸ Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ètsə 21:8 ပူးပေါင်းရင်းမြစ်များ

Matìù 10:28

Bɨ̀ ka mbɔ̀ɔ bòt bu bɔ̀ɔ bùŋe wòt, ka bɔ̀ ka wu ko ebùŋe àlɨ̀ŋkè tò la; bɨ̀ bɔɔ wuê wòt tàa ko tsàà mbɨ̧̀ ènyit nè àlɨ̀ŋkè a èbem èwet Satàn la.

Matìù 25:25

Ale, e ndi ngà ntu si ndò̧ èkab wê, maà mbɔ̀a wê la. Ye èkab wê mbɔŋ ye wu.’

Matìù 8:26

Yesò bɨ̀ɨ̀lè nê, “Bɨ̀ bɔa ghàà, bɨ ghɨ̀ na ka bɨ̀ ka zǐ èntɨ̧ɨ̧ wɨ̧ ane yaã ntsɔ̧̀ à?” Tà shu ale, ndɔ̀Ꞌ a si ŋȩ̂ àfeme yu bɔ̂ mèleb, èdziꞋ e fi bɔ̀ɔl.

Ntu̧ Ntsɔ̧̀ MAK 9:44

[Abot, tègwèt tɔb teà kà li mpfəèꞋte, bɔ̀ ka meè ngua ndìa ndììma èwet wu.]

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

2 Tèsàlonikà 2:9

Wòt wu kà bê ngua nkɨ ezə ànəa Mbɔ̧ɔ̧mà la naa me kɨꞋɨ, e kɨꞋɨ nê mètàŋ Satàn e me nɨa nyɨ̀Ꞌta nê ye bɔ tèwuute mètàŋ tègème, ngɨ̀à tèwuute ènəê kà ye fɨ̀Ꞌ, mè ndùta tèkaŋtsə nɨa fɨ̀ta bòt.

1 Tɔ̀màtià 4:2

Bòt bu bɔ̀ɔ me nyɨꞋte èwuu mènəè maa la, wu bòt bu bɔ̀ɔ fɨta nê bɔ wu bòt Mbɔ̧ɔ̧mà la. Bɔ bakà tsi nko a ntsɔ̧̀, ngu nê Satàn ghɨ̂ mèntɨ̧ɨ̧ mɔb fene tê è kà tsi ngua fèèlè àwɔb.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

Ebùlù 12:24

Bɨ kɨꞋɨ abua Yesò wu tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi mi la. Wu tòà wu àlo̧ atò yu bɔ li mìì la a tɨ̧ɨ̧ ane ànəa èghɨ ntsɔ̧̀ tè tsè àyea Abèl la.

Ebùlù 13:4

Wòt ègème me nɨ èyɔꞋɔ mbɨ̀Ꞌɨ̀ ànəa ntsɔ̧̀. Mbâ̧ kò àvi leꞋ ka mpàꞋte àbɨ̧ nè wòt tsa, nkàà nè Mbɔ̧ɔ̧mà naa li saꞋa bòt bu bɔ̀ɔ mpàꞋta bòt kà yɔꞋɔ awɔb la, nè bòt bu bɔ̀ɔ njɨ̀a àbȩ la.

1 Jɔ̌n 2:22

Wòt mèfà̧ nàa nè ngu wàà? Wu wòt tà laꞋnê Yesò Klistò ntsě Fɔ̧̀ wu Mbɔ̧ɔ̧mà li ndzɔꞋ ntsà la. Èwuu wòt waa wu wɔ̀mbù̧ Yesò Klistò. Tà tu̧u̧ a Tǎt wa Mbɔ̧ɔ̧mà mè ntù̧u̧ Waã tò.

1 Jɔ̌n 3:15

Waa waa tàa mpààbà wanyɨ vi la, wu wòt tàa mbùŋà bɔbȩ la. Bɨ̀ bɔ̂ nko nê, wòt tàa mbùŋà bɔbȩ la bakà bɔ mèmpème kàlìà ane zi.

1 Jɔ̌n 5:10

È wu ale, waa waa tà zi èntɨ̧ɨ̧ vi ane Waã Mbɔ̧ɔ̧mà la è bɨ̧ɨ̧ne nê mènəè maa Mbɔ̧ɔ̧mà shu la wu nkûŋ. Waa waa tà baka zi èntɨ̧ɨ̧ vi ane Mbɔ̧ɔ̧mà la wua shua nê Mbɔ̧ɔ̧mà wu wòt mèfà̧, nkàà nê tà bakà bɨ̧ɨ̧ne ànəa Mbɔ̧ɔ̧mà shu ane Waã vi la.

Ètsə 14:10

tà kò nê ntsǒ Mbɔ̧ɔ̧mà naa nɔ̀ŋke àtsəa tò. Taa nu mèlùꞋ kèkweelè Mbɔ̧ɔ̧mà, è wu ntsǒ tò la. Ntsǒ mbɔŋ naa wu mbɨ̀Ꞌɨ̀ mèlùꞋ kà bɔ fȩ̀ȩ̀tè nè mèleb. Tàa li nyi a èbem èwet àa nkòòla mbɨ̀Ꞌɨ̀ èkem la, e me ye ngoꞋ kèkweelè a mbì bɔntu̧ Mbɔ̧ɔ̧mà nè Wanjɨ̀ wu.

Ètsə 19:20

Bɔ nù ale mbà̧aã nyà̧mɔ̀Ꞌ yu mbɨ̀Ꞌɨ̀ àbùꞋ a èbet, mè baãaã ndàꞋàtɔŋ fɨ̀te wu tà li ngua ngɨ̀à mènəè ngɨŋa a mbì tò fɨ̀ta bòt la. Tà li ngua fɨ̀ta bòt bu bɔ bɔ àlȩê nyà̧mɔ̀Ꞌ yu ane yɔb, mè me kukte a wamâlem tò wu la. Bɔ ghɨ̀ ale, màꞋà nyà̧mɔ̀Ꞌ yu bɔ̂ ndàꞋàtɔŋ fɨ̀te wu èyu̧ a èbem èwet ko àa mbɨ̀Ꞌɨ̀ èlemè nkòòla nè èkem adù̧ la.

Ètsə 2:11

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàà shu abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko tà ka tsi li epfə èvə kwèn lu bòt ko àa li pfə lùà la.

Ètsə 2:2

Mâ ko èghɨ bɨ̀a ngɨ̀à la. Mâ ko tèbəꞋte bɨ faꞋ mbɔŋ, mè nkùùlè mèntɨ̧ɨ̧ mɨ̧ a èbem ngoꞋtsə la. Mâ ko nê bɨ̀a ka bɨ̧ɨ̧ne nê bòt kàbɔ̀ŋ è wu ayɔɔ yɨ̧. Bɨ bàŋe bòt bu bɔ̀ɔ shua nê bɔ wu bɔntu̧ Yesò, ka bɔ̀ ka wu bùà la, ndze nê bɔ wu bòt mèfà̧.

Ètsə 21:27

Ka àghɨa kàbɔ̀ŋ ko àa li nyi a èbèm la à ka wuê, fɔɔle nê bòt bɔ̀ɔ ngɨ̀à èbɨꞋte mènəè, kò fɨ̀ta la leꞋ. Bòt bu bɔ li shɨ tèlen tɔb a èbem àkatè mèmpème Wanjɨ̀ wu la, ka bɔ̀ɔ li e nyi a èbem àpfəèà nɨ̧ a mbɔŋ la.

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.

Ètsə 9:17

Ye ndɨ e ndi ndzèa àtsə, ndze bèloà nè bòt a ègwet la. Bòt bu a ègwet bèloà ngaa la, e kwaãaã ètɨ̧ɨ̧na ko bɔ̀ɔ nɨa nkàba bèghèmnà ngà a èbet la, e me beꞋe mbɨ̀Ꞌɨ̀ èwet mè mbɔ kolɔ̀ èwuu èti ko mbɨ̀Ꞌɨ̀ ègwet, mè nè èwuu è le ko kolɔ̀ nàà mbɨꞋɨ̀ àkèndȩ̀mbaŋ la. Ètsə bèloà nga e li ngu mbɨ̀Ꞌɨ̀ ètsə bèsambàŋ, èwet nè ndiꞋtsə mè nè àghaa èkem a me dzəâ a mètsəê mɔb.

Ètsə 9:21

Bɔ li bɔ̀ ka meè nkùbte mèntɨ̧ɨ̧ mɔb a màmbuŋa bòt, nè mànduta tèkaŋ, nè màmpaꞋta àbɨ̧, ndɔ̀Ꞌ nè màntsɔ.