Ètsə 21:3 - Mundani

³ E me zə àtɔŋ ko a dzəê adù̧ àtɨ̧a kèfɔ̧̀ yu è shuê nê, “Bɨ̀ ye, àpfəèà Mbɔ̧ɔ̧mà a kɨꞋɨ tê ntsìꞋi a kètsìà bɔbȩ. Taa me tseke bɔ̂ tò ba, bɔ̀ɔ wu bòt tò, Mbɔ̧ɔ̧mà wu zìambɔŋ naa mě wu Mbɔ̧ɔ̧mà wɔb.

Ètsə 21:3 ပူးပေါင်းရင်းမြစ်များ

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 14:23

Yesò bɨ̀ɨ̀lè nê, “Wòt me kɔ̀ŋkè am, ko taa me ghɨ̌ àghɨa mâ shu nê tà me ghɨ̀ la, Tǎt am mè ngu me kɔ̀ŋkè atò, ba Tǎt am e mè ngu ekɨꞋɨ tseke ba tò ba.

2 Kɔlìn 6:16

Lob Mbɔ̧ɔ̧mà bakà bɔ àghɨa ko nàa ghɨ̀ ne èghɨ bu bòt àa nɨ̀a nê wu bèmbɔ̧ɔ̧mà la. Ba wu lob Mbɔ̧ɔ̧mà yû̧, wuê mbɨ̀Ꞌɨ̀ tà shu la nê, “Maa me tseke ane yɔb, mè ngȩȩna ayɔɔ yɔb. Maa li ewu Mbɔ̧ɔ̧mà wɔb, bɔɔ wu bòt bɔ̧.”

2 Kɔlìn 6:18

Ewu tǎt wɨ̧, bɨa mě ewu bɔ̧ bɔ̧, mbâ̧tsə nè bèzi. È làꞋà mmɔ̌ Tǎt wɨ̧ Mbɔ̧ɔ̧mà Àtsèàngɔ̀ŋ.”

1 Tèsàlonikà 3:11

Baa ntsàꞋtà nê, Tǎt wa Mbɔ̧ɔ̧mà zìambɔŋ bɔ̂ Yesò Lefɨ̀Ꞌ wa è ghaꞋa alu̧ bà kɨꞋɨ ndzè àwɨ̧.

Ebùlù 11:16

Ka mbɨ̀Ꞌɨ̀ àa la, bɔ li ngua nkɨà àlaꞋ a bɔŋ te ntsè àyùà la, è wu àlaꞋ yu à wu a ègwet la. Ale, àtsəa Mbɔ̧ɔ̧mà aà kà kɔꞋ màmbɨ̧ɨ̧na laꞋnê ye wu Mbɔ̧ɔ̧mà wɔb nkàà nê tà tàŋke àpfəèà nɨ̧ abua yɔb.

Ebùlù 8:10

Eyaa wu mènkàꞋa kèkweelè mu màa ghɨ̀ ba bòt Izəèlȩê la. Mmɔ̌ Tǎt wɨ̧ Mbɔ̧ɔ̧mà e ngua shua nê, àfɨꞋa mbɔŋ aa li nkùꞋ, e ndzì mbɨ̧ taã a ètsə bɔb, mè ndzì tua a mèntɨ̧ɨ̧ mɔb. Maa li wu Mbɔ̧ɔ̧mà wɔb, bɔɔ wu bòt bɔ̧.

Ebùlù 8:2

Tàà fàꞋà mbɨ̀Ꞌɨ̀ àtsəa bèntsìà mèpɨ̧̀ àdziꞋa ntsèm a Mbɔ̧ɔ̧mà, è wù ngule àdziꞋa bɔɔ nguꞋta Mbɔ̧ɔ̧mà, Tǎt wa Mbɔ̧ɔ̧mà zìambɔŋ vəèəè ka wu wɔ̀bȩ̂ tà vəèəè la.

Ètsə 10:4

Èfâŋ yu yesà̧à̧mbe e gwet ale, e mbê nê e nkɨ shɨ ànəa e làꞋà la, me zə àtɔŋ ko a dzəè a ègwet nê, “Ka ntùꞋu mènəè mu èfâŋ yu yesà̧à̧mbe e shu la, à ka shɨa a si.”

Ètsə 10:8

AfɨꞋa mbɔŋ àtɔŋ yu e ndi ndzaã ndzəâ a ègwet la a mè ndàꞋà abua am nê, “Ghǎ nɨ̀ àkatè yu a ghaꞋà àbu wantu̧ Mbɔ̧ɔ̧mà wu àka tò àko a tɨ̧ɨ̧ a èbem *èdzî àyea ko a tɨ̧ɨ̧ aguŋ la.”

Ètsə 12:10

E me zə àtɔŋ ko a me ŋȩ a ègwet shua nê, “Mèmpème Mbɔ̧ɔ̧mà wa, nè mètàŋ tò nè kèfɔ̧̀ tò è kɨꞋɨ abua ya àfɨ̀Ꞌ yaa. Fɔ̧̀ wu tà yɔꞋ ntsà la è nyɨꞋte mètàŋ mi, nkàà nê bɔ tsì wòt wu tàa ntɨ̧a mbì Mbɔ̧ɔ̧mà àlia àgème ndzìà mènəè àtsəa bɔnyɨ ba la tè maꞋa a si.

Ètsə 21:7

Wòt tà nù tê ntsè la naa bɔ èghɨ bàagème, maa wu Mbɔ̧ɔ̧mà tò, tàa mě wu waã am.

Ètsə 22:3

Àghɨa ko ndɔ̀ Mbɔ̧ɔ̧mà nɔ̀ŋke a ègwet la, à ka wu ewu a èbem àpfəèà nɨ̧ a mbɔŋ. Àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu aa wu abot, bɔfàꞋ tò e mè ngu me wùꞋte atò abot.

Ètsə 7:15

È wu ale, Eyaa wu lə bɔ wu a mbì àtɨ̧a kèfɔ̧̀ Mbɔ̧ɔ̧mà, fàꞋà ngùꞋtà tò a èbem lob tò nèngû̧ nè ètsəꞋ la. Wòt wu tà tseke a ègwet àtɨ̧a kèfɔ̧̀ yu la, nàà wu ne nɔ̀b mbààba awɔb.