Ètsə 21:22 - Mundani

²² E ndi è ka ye lob nɨ̧ Mbɔ̧ɔ̧mà a èbem àpfəèa mbɔŋ, nkàà nê Mbɔ̧ɔ̧mà Lefɨ̀Ꞌ Àtsèàngɔ̀ŋ bɔ̂ Wanjɨ̀ wu ka bɔ wu lob mbɔŋ la.

Ètsə 21:22 ပူးပေါင်းရင်းမြစ်များ

Matìù 24:2

Tà shu abua yɔb nê, “Bɨ̀ lɨ̀ŋkè lob tàa a èbem àpfəè ŋaà la tègème ndze. TsiꞋ è shua wɨ̧ ane nkûŋ nê, bɔɔ li bùù lob te mbɔŋ tègème tè wòt kɨꞋɨ abot tà kà tsi ndzè ka wuê èti lemɔꞋ ane àtetsi.”

Jɔ̌n 10:30

Ba Tǎt am e wu àghɨ yeamɔꞋ.”

Jɔ̌n 13:32

Bɔ wu etsě ane tò eye ènɨ̧ Mbɔ̧ɔ̧mà, ko Mbɔ̧ɔ̧mà wu naa ghɨ̌ bɔɔ ye ènɨ̧ Waã Wòt ane zi zìambɔŋ, mbɔ̂ mbê ngu ghɨ̀ wuê kwàꞋ àfɨꞋa ngaa.

Jɔ̌n 4:21

Yesò shuê abua tò nê “Àvi wa, bɨ̧ɨ̧ne ànəa e shua la, nkàà nê àfɨ̀Ꞌ aa nkɨ̀Ꞌa kà bòt e wu tsi me wùꞋte Mbɔ̧ɔ̧mà a ègwet èbȩ la, kò a Jèlusalèm leꞋ.

Jɔ̌n 4:23

Àfɨ̀Ꞌ aa nkùꞋà, a bê nkùꞋ tè ndɔ̀Ꞌ, àfɨꞋa ngule bòt bɔ̀ɔ ngùꞋtà Mbɔ̧ɔ̧mà la, àa wùꞋte atò ane èntɨ̧ɨ̧ wɔb nè nkûŋ yɔb ègème la. Eyaa wu èwuu bòt Mbɔ̧ɔ̧mà nàa nkɨà awɔb bɔɔ me wùꞋtè àvi la.

Kɔ̀losìà 1:19

Aa ale nkàà nê, Mbɔ̧ɔ̧mà li nkɔ̀ŋkè e ghɨ̌ Waã vi naa bê wu wuê mbɨ̀Ꞌɨ̀ zia zìambɔŋ ane èghɨ ègème.

Kɔ̀losìà 2:9

Bɨ̀ lùùlà èwuu mènəè maa nkàà nê Yesò Klistò wu bɔ bi atò mbɨ̀Ꞌɨ̀ wɔ̀bȩ̂ la, bê ngu wuê mbɨ̀Ꞌɨ̀ Mbɔ̧ɔ̧mà ane balu̧ bàgème,

Ètsə 1:8

Mbɔ̧ɔ̧mà Lefɨ̀Ꞌ shu nê, “E ngu MèmbùꞋu nè Mèndìa. Wu mmɔ̌ wu màa və, e ndi ndzaŋe wu, mè ngu li ekɨꞋɨ la. Wu mmɔ̌ Àtsèàngɔ̀ŋ à.”

Ètsə 11:17

Bɔ li ngua shua nê, “Baa ŋa mèngùꞋte abua ye, Mbɔ̧ɔ̧mà Lefɨ̀Ꞌ Àtsèàngɔ̀ŋ wu, àa və mè ndzaŋe wu la. Ba kɔ̀ŋkè àwê ndɨ̀ wu a nɨ mètàŋ kèkweelè mê, tê mbùꞋ me baãaã ngɔ̀ŋ la.

Ètsə 14:4

Bòt baa wu bòt bu bɔ nɔ̀ŋè ènyit yɔb ntsɔ̧̀, bɔ̀ ka li mè paꞋte àvi la. Bɔ li ngua nkùŋà Wanjɨ̀ wu àdziꞋ àgème tàa ngà la. Eyaa wu bòt bɔ làà àwɔb nchùꞋù ètsə bɔb ayɔɔ bɔbȩ, mbɨ̀Ꞌɨ̀ èghɨ mbì bɔ fuꞋu ŋa abua Mbɔ̧ɔ̧mà bɔ̂ Wanjɨ̀ wu e nɨ nyɨꞋte nê èbu bɔ̀ bele ka fùꞋù la e wu abua tò la.

Ètsə 15:3

Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.

Ètsə 16:14

Fo tàa wu bɔntu̧ Satàn, mbɔ̀ mètàŋ a màngɨa ènəê kà ye àfəa, ngà abua bèfɔ̧̀ sitsǎꞋ bàgème e fèta wɔb bɔɔ taŋke enû a Mbɔ̧ɔ̧mà Àtsèàngɔ̀ŋ ane àlia nɨ̧ yu tàa nyɨꞋte ntsǒ zi la.

Ètsə 16:7

AfɨꞋa mbɔŋ e ndzə àtɔŋ ko a dzəâ adzìꞋ yu bɔ̀ɔ ntò̧à banyà̧ adù̧ ŋa abua Mbɔ̧ɔ̧mà la a nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, A wu wòt nkûŋ mè me saꞋa mènəè mê wuê ndɨŋndɨ̀ŋ!”

Ètsə 19:15

Nyi dzəè a ètsəê tò, tàa nɨ nù èlaꞋ la. Taa me baãaã èlaꞋ mbɔŋ kà ku tèsȩ, ngɔ̀Ꞌɔ̀ àwɔb, e mě tɔ̀Ꞌtè àwɔb mbɨ̀Ꞌɨ̀ bɔ̀ɔ ntsəèꞋa tètaãaãte àyɨt a èbem àdziꞋ yu bɔ̀ɔ ntsəèꞋa ntsìà mèlùꞋ, à wua nyɨ̀Ꞌta ntsǒ Mbɔ̧ɔ̧mà Àtsèàngɔ̀ŋ la.

Ètsə 4:8

Àghɨ àgème ane èghɨ yu̧ bu bekwì la, a bɔ tèbaabètsə tentùa mè mbɔ̀ àghɨ ane yɔb a èdziꞋ ègème, àbȩ nè èbèm. Àfɨ̀Ꞌ àgème nèngû̧ bɔ̂ ètsəꞋ bɔ me kɔ̧ mèkù̧ shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ tà tse èghɨ ègème, mè mbɔ̀ èntɨ̧ɨ̧ kèfə ntsè àghɨ àgème. Tà li ndzaŋe wu, mè ngu àfɨ̀Ꞌ yaa, mè ngu e li ekɨꞋɨ.”

Ètsə 5:6

ÀfɨꞋa mbɔŋ e ndze Wanjɨ̀ tà tɨ̧ɨ̧ a mbì àtɨ̧a kèfɔ̧̀ yu la. Èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la e ghaale Wanjɨ̀ wu ndzì a kètsìà. Wanjɨ̀ mbɔŋ tɨ̧ ale nɔ̀ŋkè mbɨ̀Ꞌɨ̀ bɔ le lɔ̀Ꞌ mbùŋè atò. Tà li mbɔ ndɔŋtsə tesà̧à̧mbe àtsə azi, nè àghɨ yea sà̧à̧mbe, è wu fote Mbɔ̧ɔ̧mà tu tesà̧à̧mbe bɔ tsàà àdziꞋ ègème a sitsǎꞋ ŋaa la.

Ètsə 7:15

È wu ale, Eyaa wu lə bɔ wu a mbì àtɨ̧a kèfɔ̧̀ Mbɔ̧ɔ̧mà, fàꞋà ngùꞋtà tò a èbem lob tò nèngû̧ nè ètsəꞋ la. Wòt wu tà tseke a ègwet àtɨ̧a kèfɔ̧̀ yu la, nàà wu ne nɔ̀b mbààba awɔb.

Ètsə 7:17

Aa li wu ale nkàà nê, Wanjɨ̀ wu a kètsìà àtɨ̧a kèfɔ̧̀ yu la, naa li wu mbààba awɔb, e me nɨa awɔb ngà a badzì mèleb nàa ŋa mèmpème la. Mbɔ̧ɔ̧mà mè ngu li yòò mèsi ègème àghɨ ayɔb.”