အွန်လိုင်း သမ္မာကျမ်းစာ

« အရင်

နောက်တစ်ခု »

Ètsə 20:4 - Mundani

⁴ E mè ndzè ètɨ̧ kèfɔ̧̀ bɔ ŋa mètàŋ abua bòt bɔ tsekte a ègwet la, bɔɔ me saꞋa mènəè. Mè ndzě èlɨ̀ŋkè bòt bu bɔ li ndòòte ètsə bɔb nkàà ndɨ bɔ̀ɔ shua nê bɔ bɨ̧ɨ̧ne ane Yesò Klistò, mè me làꞋa èngǎ̧ Mbɔ̧ɔ̧mà la. Eyaa wu bòt bu bɔ li bɔ̀ kà wuꞋtè nyà̧mɔ̀Ꞌ yu bɔ̂ wamâlem tò wu la, mè ntu̧ enɨ àlȩê tò yu a mèsi mɔb nè èbu bɔb la. Bòt mbɔŋ e li njù̧ù̧me me baãaã èlaꞋ bɔ̂ Yesò Klistò ba mbɨ̀Ꞌɨ̀ bèfɔ̧̀ ane mèngùꞋebȩ tɔsì.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Ètsə 20:4
40 ပူးပေါင်းရင်းမြစ်များ

Matìù 19:28

Yesò shu abua yɔb nê, “Ane nkûŋ, tsiꞋ è shua wɨ̧ nê, naa li ngu àfɨꞋa Waã Wòt tseke a ègwet àtɨ̧ a kèfɔ̧̀ yu Mbɔ̧ɔ̧mà tsia ane ngɔ̀ŋ fi la, bɨ̀a wu ntsɔ̀b babe bɨ̀a nkùŋe am la e tsekè a ègwet ètɨ̧ kèfɔ̧̀ èghem ntsɔ̀b bebe, e me saꞋa èndǎ̧ bòt Izəèlȩê bu èghem ntsɔ̀b bebe la.

အခန်းကိုကြည့်ပါ။

Matìù 24:10

Bòt nyaŋ aa li lùùlà am àfɨꞋa mbɔŋ, e mě me jɨ mènàŋ a ègwet bɔnyɨ bɔb, mè mpààbà àwɔb.

အခန်းကိုကြည့်ပါ။

Ntu̧ Ntsɔ̧̀ MAK 6:16

Mbɨ̀Ꞌɨ̀ Elɔ̀d è zə mènəè maa la tà nê, “Tà wu Jɔ̌n ndzìà èdzî wu e ndi ndo àtsəa tò la tà yu̧u̧me la.”

အခန်းကိုကြည့်ပါ။

Ntu̧ Ntsɔ̧̀ MAK 6:27

Ale, tà tsaa shujà kǒ ane èbu bèa mbààba atò la nê tà gha nɨ̀ àtsəa Jɔ̌n nkɨ̀Ꞌɨ̂. Shujà wu gha a lob tèfȩ yu, ndòò àtsəa Jɔ̌n,

အခန်းကိုကြည့်ပါ။

Ntu̧ Ntsɔ̧̀ MAK 9:11

Bɔ biite a Yesò nê, “Ghǎ ghɨ̂ ka bènyɨꞋtà mbɨ̧te Musì e me shu nê Èlȩjà naa bɨ̌ kɨꞋɨ à?”

အခန်းကိုကြည့်ပါ။

Lûk 1:17

Mbɔ̧ɔ̧mà naa li zǐ Fo yu tà li ndzi ane Èlȩjà la ane tò, taa bɔ mètàŋ eghǎ a mbì Mbɔ̧ɔ̧mà. Taa ghɨ̌ ale mbɨ̀Ꞌɨ̀ gheble mèntɨ̧ɨ̧ bètǎt ètsəꞋne awɔb bɔ̂ bɔ̧ bɔb. Taa li gheble bòt àtsəa kekweelè, mbɨ̀Ꞌɨ̀ bɔɔ bɔ èyì elɔ̀Ꞌɔ kua akwèn e me kwàꞋtè mènəè mbɨ̀Ꞌɨ̀ bòt bɔ ntɨ̧ɨ̧ ndɨŋndɨ̀ŋ la, e mě taŋke bòt Mbɔ̧ɔ̧mà bɔɔ me chɨ̀Ꞌɨ àfɨ̀Ꞌ yu tàa li kɨꞋɨ la.”

အခန်းကိုကြည့်ပါ။

Lûk 14:14

ko aa bɔ èlɔ̂t ngu ndɨ bèŋût e ka li ko evəâ èsiꞋ ngaa la. Mbɔ̧ɔ̧mà naa li tsɔꞋɔ àfàꞋ àyê, ane àli yu tàa li yu̧u̧me bòt bu bɔ li ntɨ̧ɨ̧ ndɨŋndɨ̀ŋ a mbì tò ka mpfəèꞋte la.”

အခန်းကိုကြည့်ပါ။

Lûk 22:30

Bɨa li jɨ e mě nu ne nà̧ àfɨꞋa màa li tseke a ègwet àtɨ̧ kèfɔ̧̀ am la. ÀfɨꞋa mbɔŋ bɨa tsekte a ègwet ètɨ̧ nɨ̧, ka me saꞋa lətelob bòt Izəèlȩê tu èghem ntsɔ̀b tebe la.”

အခန်းကိုကြည့်ပါ။

Jɔ̌n 14:19

AdzìꞋ naa me wù̧ù̧ne bòt ngɔ̀ŋ yaa è ka tsi ndze am, ka bɨ bɔ̂ ngu eye am, nkàà nê ndɨ̀ wu màa və àfɨ̀Ꞌ àgème la, bɨa wu a yɨ̧ mɨ̧̂.

အခန်းကိုကြည့်ပါ။

Lûm 11:15

Mbɔ̧ɔ̧mà wu tu̧u̧ bòt Izəèlȩê aa ghɨ̌ bòt èlaꞋ ko tsa ègème aa bɔ àlàŋkè nè tò, ko àfɨꞋa Mbɔ̧ɔ̧mà nɨ awɔb la, à ka wu mbɨꞋɨ̀ bèmpfəà be yu̧u̧me la a?

အခန်းကိုကြည့်ပါ။

Lûm 8:17

Ndɨ̀ wu bà wu bɔ̧ Mbɔ̧ɔ̧mà la, baa li bɔ èghɨ ntsɔ̧̀ bu tà nɔ̀ŋe abua bòt bi la, mè ngu fɔte nê Yesò Klistò èbɔ èghɨ bu Mbɔ̧ɔ̧mà nɔ̀ŋe abua tò la. Mbɨ̀Ꞌɨ̀ bàa ndzèa ngoꞋ mbɨ̀Ꞌɨ̀ Yesò li ndze la, baa li bɔ ènɨ̧ tò mɨ̧̂.

အခန်းကိုကြည့်ပါ။

2 Tɔ̀màtià 2:12

Nkùùla mèntɨ̧ɨ̧ ma, ko ba tò ba aa li me baãaã mènəè mbɨ̀Ꞌɨ̀ bèfɔ̧̀ mɨ̧̂. Ba tu̧u̧ atò, ko taa tu̧ awa mɨ̧̂.

အခန်းကိုကြည့်ပါ။

Ètsə 1:2

Jɔ̌n li shu bòt èngǎ̧ Mbɔ̧ɔ̧mà nè nkûŋ yu Yesò Klistò e nyɨꞋte atò la.

အခန်းကိုကြည့်ပါ။

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

အခန်းကိုကြည့်ပါ။

Ètsə 11:11

Èli betat nè àtěm e li ntsè, fo nàa ŋa mèmpème la dzəè abua Mbɔ̧ɔ̧mà nchu nyi ane yɔb, bɔ lɔ̀Ꞌ ntɨ̧ɨ̧ a si, kèbɔɔ kekweelè ke baãaã wòt ègème tà ye awɔb la.

အခန်းကိုကြည့်ပါ။

Ètsə 11:15

ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

အခန်းကိုကြည့်ပါ။

Ètsə 11:3

E mè ngu ŋa mètàŋ abua bòt babe, bɔ̀ɔ ndàꞋà èngǎ̧ am la, bɔ̀ɔ kwaãaã èpfəə elaꞋa èngǎ̧ Mbɔ̧ɔ̧mà ane èlibȩ tɔsì nè ènkɨ̀ yebe nè èghem yentùa.”

အခန်းကိုကြည့်ပါ။

Ètsə 11:7

AfɨꞋa bɔ̀ɔ paa a màndaꞋa èngǎ̧ Mbɔ̧ɔ̧mà wu la, nyà̧mɔ̀Ꞌ nàa kɔꞋ a si a èbem èbɨ lu kà ye ndìa la, e nû etsě àwɔb, e mbùŋè àwɔb.

အခန်းကိုကြည့်ပါ။

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.

အခန်းကိုကြည့်ပါ။

Ètsə 14:11

NdiꞋte èwet wu ntò̧à àwɔb la, te me kɔꞋɔ ngà a ègwet ane àlia nè àlia. Bɔ̀ɔ̀ wàa bàgème bɔ̀ɔ ngùꞋtà nyà̧mɔ̀Ꞌ yu nè wamâlem tò wu la, mè mbɔ àlȩê èlen tò ane yɔb la, è ka li bɔ mèndzète ane àlia ègème, nèngû̧ kò ètsəꞋ leꞋ a.”

အခန်းကိုကြည့်ပါ။

Ètsə 15:2

E ndze àghɨa ko a nɔ̀ŋkè mbɨ̀Ꞌɨ̀ taꞋà èlemè, me fəəte mbɨ̀Ꞌɨ̀ àlùgɨ̀lâ la, nè èwet adù̧. Bòt bu bɔ nuê nyà̧mɔ̀Ꞌ yu bɔ̂ wamâlem tò wu tè ntsè, mè ntu̧u̧ enɨ nɔmbà èlen tò lu la, e tɨ̧ɨ̧tè a ngèt èdzî wu aa fəèəèta mbɨ̀Ꞌɨ̀ àlùgɨ̀lâ la. Bɔ li mbèà bèlèkɨŋ àbu bɔb Mbɔ̧ɔ̧mà ŋa la.

အခန်းကိုကြည့်ပါ။

Ètsə 17:8

Nyà̧mɔ̀Ꞌ mbɔŋ à li ndze la li ndzaã ngu yu̧, ka nè àfɨ̀Ꞌ yaa tà te ntsě yu̧. È bele nyaŋe edzəâ a èbem ebɨ lu kà ye ndìa la, eghǎ bɔɔ bùŋè atò. AfɨꞋa bòt sitsǎꞋ bu bɔ̀ le kaꞋa shɨ tèlen tɔb a èbem àkata mèmpème a mèmbùꞋu ngɔ̀ŋ la àa ye nyà̧mɔ̀Ꞌ yu la, aa taꞋa tsè àwɔb, nkàà nê tà li ndzaã ngu yu̧, ka nè àfɨ̀Ꞌ yaa tà kà tsi ngu yu̧, mbɔ̂ ngu è li e mě kɨꞋɨ.

အခန်းကိုကြည့်ပါ။

Ètsə 2:26

“ ‘Wòt kuula èntɨ̧ɨ̧ vi nùà tè ntsèà, mè ngɨ̀ àghɨa màa nkɨà la ngà te ndìà, ko maa ŋa atò mètàŋ a ègwet èlaꞋ ègème,

အခန်းကိုကြည့်ပါ။

Ètsə 20:6

Ntsɔ̧̀ wu bòt bu bɔ̀ɔ li yu̧u̧me ayɔɔ bòt mbì bàa la. Bɔ wu bòt Mbɔ̧ɔ̧mà. Èvə lu wòt nàa mpfəa mè mpfəa la è ka li tsi e bɔ mètàŋ a ègwet lɔb a. Bɔɔ li wu bèntsìà mèpɨ̧̀ Mbɔ̧ɔ̧mà bɔ̂ Yesò Klistò ba, e mě me baãaã èlaꞋ mbɨ̀Ꞌɨ̀ bèfɔ̧̀ nè Yesò ane mèngùꞋebȩ tɔsì.

အခန်းကိုကြည့်ပါ။

Ètsə 22:5

Ndzěm ka li tsi wua, bòt è ka wu li tsi e me kɨ mèkàꞋà kò nyèm leꞋ, nkàà nê Mbɔ̧ɔ̧mà Lefɨ̀Ꞌ naa li wu èkaꞋà wɔb, bɔ mè ngu li e me baãaã ngɔ̀ŋ ane àlia nè àlia.

အခန်းကိုကြည့်ပါ။

Ètsə 3:21

“ ‘Wòt kuule èntɨ̧ɨ̧ vi nù tè ntsèà ko maa li ghɨ tàa tseke a ègwet àtɨ̧a kèfɔ̧̀ am ba tò, wuê mbɨ̀Ꞌɨ̀ e ndi kuule èntɨ̧ɨ̧ am nù tè ntsè, Tǎt am ghɨ̀ e ntsèke ba tò a ègwet àtɨ̧a kèfɔ̧̀ tò la.

အခန်းကိုကြည့်ပါ။

Ètsə 4:4

Ètɨ̧ kèfɔ̧̀ ko èghem yebe ntsɔ̀b bekwì e ghaalè àtɨ̧a mbɔŋ. Bɔɔjuŋ ko èghem yebe ntsɔ̀b bekwì e tseke a ègwet ètɨ̧ bu, nkwaãaã ndìte kèfə, mè nkaãaã ntà̧ kèfɔ̧̀ bɔ nɨa goêl ngɨ̀ la.

အခန်းကိုကြည့်ပါ။

Ètsə 6:9

ÀfɨꞋa tà nà̧à̧nè àdziꞋa àmènà yu betà̧â̧ la, e ndze èlɨ̀ŋkè bòt bu bɔ li mbùŋè àwɔb nkàà ndɨ bɔ li ngua ntsɔ̀tà èngǎ̧ Mbɔ̧ɔ̧mà mè me shu nê bɔ̀ bɨ̧ɨ̧ne èngǎ̧ mbɔŋ la. Èlɨ̀ŋkè mbɔŋ e li ngu a èten àdziꞋ yu bɔ̀ɔ ntò̧à banyà̧ ŋa abua Mbɔ̧ɔ̧mà la.

အခန်းကိုကြည့်ပါ။

Ètsə 7:3

nê, “Ka ndzìꞋì ntsòkè sitsǎꞋ, kò *èdzî, kò èyɨt leꞋ, tè bàà ghɨà ndzì èlȩê a mèsi bɔfàꞋ a Mbɔ̧ɔ̧mà.”

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ