Ètsə 20:2 - Mundani

² Tà ghà mbà̧à̧ taꞋa dlagɔ̀n wu è fəə nyà̧kàbɔ̀ŋ la nkùùle atò ndzì a tèfȩ ane mèngùꞋebȩ tɔsì. Nyà̧kàbɔ̀ŋ mbɔŋ li ndzaŋe wu, è wu fɔ̧̀ fote kàbɔ̀ŋ tu bɔ̀ɔ ntɔ ane Satàn la.

Ètsə 20:2 ပူးပေါင်းရင်းမြစ်များ

Matìù 19:29

Wòt ègème tà waꞋa lob ti, nè bɔnyɨ bi, (mbâ̧ nè àvi), nè tǎt vi, nè nyɨ̌ vi, nè vi vi, nè bɔ̧ bi kò tèbaꞋa ti ambo yaã la, nàa bɔ èghɨ ngaa èdziꞋ ènkɨ̀, te tsě ndɨ e li nguê la, fɔ̀ɔ̀le nè mèmpème kàlìà.

Matìù 8:29

Bòt mbɔŋ e bê ŋȩ nê, “Waã Mbɔ̧ɔ̧mà, à kɨ e ghɨ̀ na ane ya à? À kɨ zi àlɔꞋ ane ya ka àlia yu aa kùꞋuê?”

Ntu̧ Ntsɔ̧̀ MAK 4:15

Bòt bu bɔ zə èngǎ̧ Mbɔ̧ɔ̧mà la aà mbɨ̀Ꞌɨ̀ èsaãaãme wu e kwentè a èbuꞋ alu̧ la. Bɔ̀ɔ ngɨ̀ bɔ̀ zə, àdziꞋ me wù̧ù̧ne, Satàn kɨ̀Ꞌɨ̂ ntsì a mèntɨ̧ɨ̧ mɔb.

Ntu̧ Ntsɔ̧̀ MAK 5:7

mbɔ̂ ŋȩ ane àtɔŋ ànɨ̧ nê, “Yesò, Waã Mbɔ̧ɔ̧mà Àtsèàngɔ̀ŋ, à kɨa ghà abua am à? Ane èlen Mbɔ̧ɔ̧mà, mâ shu̧u̧te awê nê à ka ngɨ̧̀ɨ̧̀nè am.”

Jɔ̌n 12:31

Eyaa wu àfɨꞋa Mbɔ̧ɔ̧mà nàa saꞋa ngɔ̀ŋ yaa la. Eyaa mè ngu àfɨꞋa Mbɔ̧ɔ̧mà nàa tsɔꞋɔ wòt wu tà wua àtsəa ngɔ̀ŋ yaa la emàꞋa àbȩ la.

Jɔ̌n 16:11

Bɔɔ li mě eye èsaꞋa Mbɔ̧ɔ̧mà nkàà nê, Mbɔ̧ɔ̧mà saꞋa wòt wu tà wu àtsəa ngɔ̀ŋ yaa la tè ndɔ̀Ꞌ.

Lûm 16:20

Mbɔ̧ɔ̧mà wu tàa ngɨ̀à baa bɔ àlàŋkè la, bele yàŋe tsòkè mètàŋ Satàn, e ghɨ̌ tàa tsiꞋi a èten lɨ̧̂. Maà ntsàꞋtà nê Yesò Klistò Lefɨ̀Ꞌ wa nyɨꞋte a ntsɔ̧̀ vi abua yɨ̧.

Ebùlù 2:14

Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

1 Pità 5:8

Bɨ̀ me baabe ènyit yɨ̧ mè nkoa wɨ̧, nkàà nê Satàn wu tà wu wɔ̀mbù̧ wɨ̧ la, nàà ngèèba mbɨ̀Ꞌɨ̀ sambàŋ ndzìte tò tèa nkua la, nkɨà wòt tàa kwele la.

2 Pità 2:4

Mbɔ̧ɔ̧mà li tà kà sa bɔntu̧ bi bu bɔ li ngɨa kàbɔ̀ŋ la bɔɔ gha àku. Tà li màꞋà wɔb a èbem nkɨ̀Ꞌnè ngoꞋ, àdziꞋa bɔ kuule awɔb ane fȩtsə nɔ̀ŋè a èbem kèbìꞋà me chɨ̀Ꞌɨ̀ Àlia èsaꞋa Mbɔ̧ɔ̧mà la.

Jûd 1:6

Bɨ̀ ku̧u̧te ànəa bɔntu̧ Mbɔ̧ɔ̧mà bu bɔ li ngwaꞋa àdziꞋa tà tsia awɔb la ntsiꞋi me ghɨ a èlɨ tsa la. Tà kuule awɔb ane fȩte kà wu li loote, nɔ̀ŋè àwɔb a èbem kèbìꞋà me chɨ̀Ꞌɨ̀ àli yu tàa li saꞋa ngɔ̀ŋ yaa la.

Ètsə 12:13

Mbɨ̀Ꞌɨ̀ dlagɔ̀n wu ye ndɨ bɔ màꞋà àvi a sitsǎꞋ la, tà bùꞋ me kɨ̀ŋe àvi wu tà bi wambâ̧ wu la.

Ètsə 12:15

Nyà̧kàbɔ̀ŋ yu tɨɨ mèleb a ètsəê vi mbɨ̀Ꞌɨ̀ èdzî ntsàà akwen àvi wu mbɨ̀Ꞌɨ̀ mèleb mu nàa ŋeꞋe atò enɨ gha.

Ètsə 12:17

A ghɨ̀ ale, dlagɔ̀n wu tsǒ ane àvi wu kwàꞋ ànyaꞋne, tè ngà è màꞋà èbet nè àbəꞋa bòt àndǎ̧ atò, è wu bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mè bɨ̧̀ɨ̧̀ne nê èghɨ bu Yesò nyɨꞋte la wu nkûŋ la. Dlagɔ̀n wu tɨ̧ɨ̧ a ngèt *èdzî.

Ètsə 12:3

Àyea ko nè àghɨ a ghe la, a mè mpùùlà a ègwelebuule. E ndze taꞋa nyà̧ kǒ mèmbaŋ è fəə dlagɔ̀n la, è bɔ̀ ètsə besà̧à̧mbe, nè ndɔŋtsə èghem, mè nkwaãaã ntà̧ nàà nyɨ̀Ꞌta mètàŋ tò la adù̧ àtsə àgème.

Ètsə 12:4

Tà nɨ èku̧ li səè àbâ těnto̧ yeamɔꞋ ntsàà a si, ane těnto̧tsə tègème a ègwelebuule bɔ ghàbte ane èdzìꞋ betat la. Dlagɔ̀n wu tɨ̧ɨ̧ a mbì àvi wu nkɨ bi la, me chɨ̀Ꞌɨ àvi wu naa bi waã wu yea kwele.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.

Ètsə 13:2

Nyà̧mɔ̀Ꞌ mbɔŋ e ndi ndze la li ngu mbɨ̀Ꞌɨ̀ ngwìnyà̧, nkabte tete èka tò te wu mbɨ̀Ꞌɨ̀ è te sambàŋ, ètsəê tò e mè ngu mbɨ̀Ꞌɨ̀ we sambàŋ. Nyà̧kàbɔ̀ŋ yu ŋa mètàŋ mi nè àtɨ̧a kèfɔ̧̀ àzi mè nè àtɔŋ kekweelè àzi abua nyà̧mɔ̀Ꞌ yu.

Ètsə 13:4

Wòt ègème me wùꞋte nyà̧ yu è fəə a dlagɔ̀n la, nê tà ŋa àtɔŋ àzi abua nyà̧mɔ̀Ꞌ yu, mè me wùꞋte nyà̧mɔ̀Ꞌ yu shua nê, “Wa bɔ mètàŋ mbɨ̀Ꞌɨ̀ nyà̧mɔ̀Ꞌ yu à? BetsiꞋa wa nùa tò à?”

Ètsə 20:10

Bɔ ghɨ̀ ale, maꞋa Satàn wu tà fɨte awɔb la a èwet ko àa mbɨ̀Ꞌɨ̀ èlemè nkòòla nè èkem adù̧, bɔ zǐ màꞋa nyà̧mɔ̀Ꞌ yu bɔ̂ ndàꞋàtɔŋ fɨ̀te wu a èbèm la. Bɔ̀ɔ me ye ngoꞋ a èbèm, ètsəꞋ nè nèngû̧ ane àlia nè àlia.

Ètsə 20:7

ÀfɨꞋa mèngùꞋebȩ mu tɔsì nàa lìà la, bɔɔ tsǐ a Satàn a èbem tèfȩ tu.

Ètsə 9:11

Fɔ̧̀ ènkàfuŋ mbɔŋ li ngu wantu̧ wu tà wu àtsəa èbɨ lu kà ye ndìa la. Èlen tò ane ndɨ̧ Ebùlù wu Abadòn, ane ndɨ̧ Glɨ̂k wu Apoliyɔ̀n.