Ètsə 20:15 - Mundani

¹⁵ Bɔ nɨ a waa waa èlen tò è le kaꞋa wu a èbem àkata mèmpème yu la, maꞋa a èbem èlemè wu nkòòla la.

Ètsə 20:15 ပူးပေါင်းရင်းမြစ်များ

Matìù 13:42

E tsǐ emàꞋà wɔb a èbem èwet kekweelè àdziꞋa bòt àa me dɨ̀a nkwèla àsɔŋ yɔb ane ntso la.

Matìù 13:50

màꞋà wɔb a èbem èwet kekweelè àdziꞋa bɔ̀ɔ li me dɨ̀a nkwèla àsɔŋ yɔb ane ntso la.”

Matìù 25:41

“Taa shu ale, e gheble avi è shu abua bòt bu àbâ àbuantoŋ zi la nê ‘Bɨ̀ lɔꞋɔ a ngèt yaã, bɨ̀a wu Mbɔ̧ɔ̧mà zi ndɔ̀ àtsəa yɨ̧ la ngà a èbem èwet kà wu li elìa Mbɔ̧ɔ̧mà taŋke abua Satàn bɔ̂ bɔntu̧ bi la.

Ntu̧ Ntsɔ̧̀ MAK 16:16

Wòt ègème tà bɨ̧ɨ̧ne Ntu̧ mbɔŋ tè bɔ zì atò a èdzî la, naa bɔ mèmpème. È wu wòt kà bɨ̧̀ɨ̧̀ne, ko aa li ebɨɨ a ŋut.

Lûk 10:20

Ka, bɨ̀ ka ngùꞋtè àwɨ̧ ndɨ fote kàbɔ̀ŋ tèa ndzəèà awɨ̧ la, bɨ̀ wùꞋte àwɨ̧ wuê ndɨ Mbɔ̧ɔ̧mà shɨ tèlen tɨ̧ a èbem àkatè àzi a ègwet la.”

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 3:36

Wòt tà zǐ èntɨ̧ɨ̧ vi ane Waã Mbɔ̧ɔ̧mà la è bɔ mèmpème kàlìà, è we tà tu̧ ezǐ èntɨ̧ɨ̧ vi ane tò la ka wu li ebɔ mèmpème, mbɔ̂ ntsǒ Mbɔ̧ɔ̧mà kà wu li elìa, è bele àtsəa tò è nɔ̀ŋkè la.

ÀfaꞋa 4:12

Wu ndàꞋà tòà ka tàa ŋa mèmpème kàlìà la. Mbɔ̧ɔ̧mà ŋa atò abua ya, tè èlen tsa è ka tsi nguê a èten ègwet betsiꞋa e ghɨ̀ ba bɔ mèmpème kàlìà la.”

Ebùlù 12:25

Bɨ̀ ko mbɨ̀Ꞌɨ̀ ka bɨ tu̧u̧ eyute wòt wu ndàꞋà la. Bòt bu bɔ li ntù̧u̧ eyute wòt wu a sitsǎꞋ tà li ndàꞋà èngǎ̧ Mbɔ̧ɔ̧mà la e li bɔ̀ ka ko ndùùlà. A wu wu anè ane bòt baà, ko bàa wu ba tu̧u̧ eyute wòt wu tà dzə a ègwet la è ka li ko elùùlà a.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Ètsə 19:20

Bɔ nù ale mbà̧aã nyà̧mɔ̀Ꞌ yu mbɨ̀Ꞌɨ̀ àbùꞋ a èbet, mè baãaã ndàꞋàtɔŋ fɨ̀te wu tà li ngua ngɨ̀à mènəè ngɨŋa a mbì tò fɨ̀ta bòt la. Tà li ngua fɨ̀ta bòt bu bɔ bɔ àlȩê nyà̧mɔ̀Ꞌ yu ane yɔb, mè me kukte a wamâlem tò wu la. Bɔ ghɨ̀ ale, màꞋà nyà̧mɔ̀Ꞌ yu bɔ̂ ndàꞋàtɔŋ fɨ̀te wu èyu̧ a èbem èwet ko àa mbɨ̀Ꞌɨ̀ èlemè nkòòla nè èkem adù̧ la.

Ètsə 20:10

Bɔ ghɨ̀ ale, maꞋa Satàn wu tà fɨte awɔb la a èwet ko àa mbɨ̀Ꞌɨ̀ èlemè nkòòla nè èkem adù̧, bɔ zǐ màꞋa nyà̧mɔ̀Ꞌ yu bɔ̂ ndàꞋàtɔŋ fɨ̀te wu a èbèm la. Bɔ̀ɔ me ye ngoꞋ a èbèm, ètsəꞋ nè nèngû̧ ane àlia nè àlia.

Ètsə 20:12

E mè ndze bòt bɔ li mpfəèꞋtê la, bɔjûŋ nè bɔ̀techɨɨle, bɔ tɨ̧ɨ̧te a mbì àtɨ̧a kèfɔ̧̀ yu. Bɔ ghaꞋa èkatè ko. Bɔ ghɨ̀ ale, mè ngaꞋa àyea ko nè àkatè, è wù àkatè mèmpème la. Bɔ ghaꞋte èkatè bu saꞋa bòt bu bɔ li mpfəèꞋtê la ane mènəè bɔ li ngɨ̀ la.

Ètsə 20:14

Bɔ ghɨ̀ ale, màꞋà èvə nè àlaꞋ a bèmpfəà a èbem èwet ko àa mbɨ̀Ꞌɨ̀ èlemè nkòòla nè èkem adù̧ la. Èlemè waa èwet àa nkòòla adù̧ la wu èvə lu wòt nàa mpfəa mè mpfəa la.

Ètsə 3:5

Wòt kùùla èntɨ̧ɨ̧ vi nùà tè ntsèà, ko tàa li kwaã ndìte kèfə, è nka mè ngu tsì èlen tò a èbem àkata mèmpème. Maa li mě tɨ̧ɨ̧ a mbì Tǎt am nè bɔntu̧ bi e shu nê tà wu wòt am.