Ètsə 2:23 - Mundani

²³ Maa liime bòt bu bɔ̀ɔ nkuŋa tò la. Àyaa aa ghɨ̌ bèchɔsì bu bàgème aa ko nê mâ ko mèmɨ̀ɨ̀te bòt bàgème nè àghɨa àa mèntɨ̧ɨ̧ mɔb la. Maa ŋa waa waa àghɨa a kùꞋù ane àfàꞋ tàa ngɨ̀à la.

Ètsə 2:23 ပူးပေါင်းရင်းမြစ်များ

Matìù 16:27

Waã Wòt naa li kɨꞋɨ bɔ̂ bɔntu̧ bi ane ènɨ̧ tǎt vi, etsɔꞋɔ wòt ègème ane àghɨa tà ghɨ̀ la.

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

Jɔ̌n 21:17

Yesò mè nkwetê mbììte atò nê, “Simùn waã Jɔ̌n, tè àà nkɔ̀ŋkà am?” Tà biite ale, a saa Pità nkàà nê tàà mbììta ale è wu ngò̧ tetat tà biite atò nê, “tè àa nkɔ̀ŋkè am” la. Tà ghɨ̀ ale mbɔ̂ shu abua Yesò nê, “Tê, à ko ànəa àgème, à ko nê, maà nkɔ̀ŋkà wê.” Yesò shu abua tò nê, “Me jɨɨ njɨ̀ taã.

Jɔ̌n 4:16

Tà làꞋ ale Yesò shuê abua tò nê, “Ghǎ ntɔ lu̧ wê, bɨ tò è kɨꞋɨ adzìꞋ yaa.”

ÀfaꞋa 1:24

AfɨꞋa mbɔŋ bɔ tsaꞋte a Mbɔ̧ɔ̧mà nê, “Tê, à ko èntɨ̧ɨ̧ waa waa. NyɨꞋte awa wòt à lȩ̀

Lûm 14:12

Ale, waa waa ane ya naa li shu ànəa àghɨa àgème ye ghɨ̀ la abua Mbɔ̧ɔ̧mà.

Lûm 8:27

Mbɔ̧ɔ̧mà wu tàa ndzea àghɨ àgème àa èntɨ̧ɨ̧ wòt la, è ko àghɨa àa èntɨ̧ɨ̧ Fo Kèfə la, nkàà nê Fo Mbɔ̧ɔ̧mà nàà ndɨ̀à mènəè bòt Mbɔ̧ɔ̧mà abua tò mbɨ̀Ꞌɨ̀ Mbɔ̧ɔ̧mà kɨa la.

2 Kɔlìn 5:10

Waa waa ane ya naa li tɨ̧ɨ̧ a mbì Yesò Klistò bɔɔ saꞋa tò ane mènəè tò. Waa waa naa li ebɔ àbȩ̀ àzi, kò wu ntsɔ̧̀ kò kàbɔ̀ŋ leꞋ, ane ndɨ mèntsèke tò a sitsǎꞋ ŋàa li ngu la.

Gàlashìà 6:5

Aa anè nkàà nê waa waa bɔ ndɨ tàa bòꞋa àbòꞋà zi zìambɔŋ la.

Ebùlù 4:13

Àghɨa ko a ntsě betsiꞋa a lò̧ò̧tè a mbì Mbɔ̧ɔ̧mà la. Tàà ndzea àghɨ àgème a ngɔ̀ŋ ŋaa mbɨ̀Ꞌɨ̀ àa la, è mè ngu abua tò bàa li làꞋà ànəê àghɨ àgème bàa ngɨ̀à la.

1 Pità 1:17

Ndɨ̀ wu bɨ̀a ntɔa Mbɔ̧ɔ̧mà ane Tǎt wɨ̧ la, e wu tàa saꞋa wòt ègème kà lȩ mèsi mbɨ̀Ꞌɨ̀ mènəè tò nyɨꞋte la, bɨ̀ me ŋa kènuke abua tò, ndzəa tò ane mèntsèke mɨ̧ adzìꞋ yaa mbɨ̀Ꞌɨ̀ bègɨ̧̀.

Ètsə 2:11

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàà shu abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko tà ka tsi li epfə èvə kwèn lu bòt ko àa li pfə lùà la.

Ètsə 2:7

“ ‘Wòt bɔ ètû̧, tà yùte ànəê ayaa Fo Mbɔ̧ɔ̧mà wua shua abua bèchɔsì bu la. Wòt kuula èntɨ̧ɨ̧ vi nùà tè ntsèà ko maa ghɨ̌ tàa jɨ tètaãaãte àyɨt yu a palàdȩê Mbɔ̧ɔ̧mà, àa ŋa mèmpème la.

Ètsə 20:12

E mè ndze bòt bɔ li mpfəèꞋtê la, bɔjûŋ nè bɔ̀techɨɨle, bɔ tɨ̧ɨ̧te a mbì àtɨ̧a kèfɔ̧̀ yu. Bɔ ghaꞋa èkatè ko. Bɔ ghɨ̀ ale, mè ngaꞋa àyea ko nè àkatè, è wù àkatè mèmpème la. Bɔ ghaꞋte èkatè bu saꞋa bòt bu bɔ li mpfəèꞋtê la ane mènəè bɔ li ngɨ̀ la.

Ètsə 20:13

ÀfɨꞋa mbɔŋ *èdzî e ŋa bòt bu bɔ li mpfəèꞋtê a èbèm la, èvə nè àlaꞋ a bèmpfəà a mèè ŋa è bu nè bòt abot la, bɔ saꞋa awɔb bàgème ane àghɨa waa waa li ngɨ̀ la.

Ètsə 22:12

Yesò nê, “Bɨ̀ zə, e mbele yàŋe kɨꞋɨ nè àbȩ̀, e tsɔꞋɔ àfàꞋa wòt ègème ane àghɨa tà ghɨ̀ la.

Ètsə 6:8

E mè ndȩ̀ ndzea loà kǒ mbɨ̧̀ tò è nɔ̀ŋkè mbɨ̀Ꞌɨ̀ è fəa la, èlen wòt wu tà tseke a ègwet la wu Èvə. ÀlaꞋ a bèmpfəà a me kùŋe atò. Bɔ ŋa wɔb mètàŋ nê bɔ̀ nɨ nyi ebà bebe nè èchɨɨ, nè àghɔ̧, ndɔ̀Ꞌ nè banyaãbàꞋ è ndììme bòt sitsǎꞋ. Bɔ ghàbtà bòt sitsǎꞋ ane ebà bekwì, ko wu àbâ yeamɔꞋ bɔ̀ɔ liime la.