Ètsə 2:17 - Mundani

¹⁷ “ ‘Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko maa ŋa àbəꞋa èghɨjɨ ndò̧ Mbɔ̧ɔ̧mà abua tò, e mě ŋa atò èti kèfə, bɔ shɨ èlen fi adù̧, kà wòt tsa ko lùà, kà wu wòt wu mâ ŋa èlen mbɔŋ abua tò la.

Ètsə 2:17 ပူးပေါင်းရင်းမြစ်များ

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Ntu̧ Ntsɔ̧̀ MAK 7:16

[Wòt tà bɔ ètû̧, la tà zə.]

Jɔ̌n 4:32

Yesò bɨ̀ɨ̀lè nê “Mâ bɔ èghɨjɨ màa jɨ la ka bɨ̀ ka ko ànəa bùà.”

1 Kɔlìn 2:14

Wòt kà bɔ Fo Mbɔ̧ɔ̧mà nàà kà bɔ èghɨ bu Fo Mbɔ̧ɔ̧mà nàa ŋǎ la, nkàà nê èghɨ mbɔŋ abua tò wu èghɨ àkèghɨ̧̀, tà kà mê ngu ko eko àghɨ adù̧ nkàà nê, wòt baka bɔ Fo Mbɔ̧ɔ̧mà, tà kà ko àghɨa èghɨ mbɔŋ wu bùà la.

Kɔ̀losìà 3:3

Bɨ li mpfəèꞋte mèntsèke mbì mu è lìà, tè mèntsèke mɨ̧ tsiꞋi a tèkitebu Yesò Klistò mbɨ̀Ꞌɨ̀ Mbɔ̧ɔ̧mà nɔ̀ŋè la.

Ètsə 14:3

Bòt ngaa bàgème e tɨ̧ɨ̧te a mbì àtɨ̧a kèfɔ̧̀ yu, nè èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la, me kɔ̧ɔ̧ ètsəèkù̧ fi. Wòt kǒ tà li ngu eko ètsəèkù̧ mbɔŋ tsa la è li kà wuê, kà wu bòt bu bètɔsì ènkɨ̀ nè èghem yekwì ntsɔ̀b bakwì, bɔ chùꞋù ètsə bɔb a sitsǎꞋ la.

Ètsə 19:16

Bɔ shɨ èlen ko a ègwet ndǐ tò nè ègwet ètaã tò nê, “Fɔ̧̀ bèfɔ̧̀, nè Tǎt bètàt.”

Ètsə 2:11

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàà shu abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko tà ka tsi li epfə èvə kwèn lu bòt ko àa li pfə lùà la.

Ètsə 2:7

“ ‘Wòt bɔ ètû̧, tà yùte ànəê ayaa Fo Mbɔ̧ɔ̧mà wua shua abua bèchɔsì bu la. Wòt kuula èntɨ̧ɨ̧ vi nùà tè ntsèà ko maa ghɨ̌ tàa jɨ tètaãaãte àyɨt yu a palàdȩê Mbɔ̧ɔ̧mà, àa ŋa mèmpème la.

Ètsə 3:22

Wòt bɔ ètû̧, tà yùte ànəa Fo Mbɔ̧ɔ̧mà nàa shu abua bèchɔsì bu la.”

Ètsə 3:6

Wòt bɔ ètû̧, tà yùte ànəa Fo Mbɔ̧ɔ̧mà wua shua abua bèchɔsì bu la.