Ètsə 2:14 - Mundani

¹⁴ “ ‘Ka èghɨ ko aa və bɨ̀a ngɨ̀à màa ka kɔ̀ŋkè la. Bòt ko aa ayɔɔ yɨ̧ bɔ̀ɔ ngɨ̀à èghɨ bu Balààm li ngua nyɨ̀Ꞌta la. Tà li nkɨ̀ɨ̀te a Balàk tà fɨte bòt Izəèlȩê bɔ ghɨa kàbɔ̀ŋ. Balàk li ngɨ̀ bɔ me paꞋte àbɨ̧ mè njɨ̀a èghɨ bɔ nɨŋ ntsì mèpɨ̧̀ la.

Ètsə 2:14 ပူးပေါင်းရင်းမြစ်များ

Matìù 18:7

“Aa bɨɨ àbâ bòt ngɔ̀ŋ yaa. Èghɨ e taꞋa wu àa ngɨ̀à bòt e tsìà mèntɨ̧ɨ̧ mɔb ane Mbɔ̧ɔ̧mà la. A bɔ ndɨ àa wu ale la, ka ngoꞋ wu ye wòt wu tàa ngɨ̀à bòt e tsìà mèntɨ̧ɨ̧ mɔb a èlɨ mbɔŋ la.

ÀfaꞋa 15:29

Bɨ̀ ka tsi njɨ̀ èghɨ bɔ nɨŋ ntsì èpɨ̧̀ la. Bɨ̀ ka tsi nkwèle nyà̧ bɔ tɨ̀ŋè la. Bɨ kà mè ntsi njɨ̀ àlo̧. Bɨ̀ ka me nɔ̀ŋkè ne bèzi kà wu èbɨ̧. Bɨ paŋà mbɨ̧ tàa ntsɔ̧̀, ko bɨa taꞋa mě ètsə a èbem èngǎ̧ Mbɔ̧ɔ̧mà. Bɨ̀ tseke ntsɔ̧̀ bà tsiꞋi àfɨ̀Ꞌ àko.

ÀfaꞋa 21:25

È me wu bòt kà wu Bèjuê bu bɔ zì mèntɨ̧ɨ̧ mɔb ane Yesò la, ko bà le yaŋe tsàà àwɔb àkatè nê, bɔ̀ ka nkwèle nyà̧ bɔ nɨŋ ntsì èpɨ̧̀ adù̧ la, bɔ̀ ka nkwèle nyà̧ bɔ tɨ̀ŋè la, bɔ̀ ka mè njɨ̀ àlo̧, bɔ̀ ka mè ntsi nɔ̀ŋkè nè bèzi kà wu ebɔb.”

Lûm 11:9

Fɔ̧̀ Dàbid mè ndàꞋ àzi nê, “Màa ntsàꞋta Mbɔ̧ɔ̧mà nê, tà ghɨa mèpà̧ mɔb è wu mbɨ̀Ꞌɨ̀ àtaã bɔ̀ɔ kwene a èbèm la. Nê tà ghɨa bɔ̀ kwen, mè ndze ngoꞋ,

Lûm 14:13

Mbɨ̀Ꞌɨ̀ àa anè la à ka ntsì mpəəte wanyɨ wè, ka la nɔ̀ŋe a èntɨ̧ɨ̧ wê nê à ka ghɨ̀ àghɨa àa ghɨ̌ wanyɨ wè nàa sèmne ko e kwene a èbem kàbɔ̀ŋ la a.

Lûm 14:21

Wu ànəa ntsɔ̧̀ e tseke ka kwele nyà̧, kò nu mèlùꞋ, kò àghɨa ko tsa leꞋ, àa ghɨ̌ wanyɨ wè naa kwene la.

Lûm 9:32

Lə bɔ li bɔ̀ ka bɔŋ la wu nê bɔ li bɔ̀ ka zi mèntɨ̧ɨ̧ mɔb ane Mbɔ̧ɔ̧mà ka me kɨ, bɔ li mɨ̀ɨ̀tè nê aa wu ale nkàà àfaꞋa ntsɔ̧̀ bɔ̀ɔ ngɨ̀à la. Bɔ li sèmnè a ègwet èti lu bòt àa sèmnà adù̧ la.

1 Kɔlìn 1:23

È me wu awa ba me làꞋa ndɨ bɔ wu̧u̧te a Yesò Klistò a mbɨ̧̀ mbasa la, è wu ànəa èbèm lu̧u̧me abua Bèjuê, mè ngu àghɨ̧̀ɨ̧̀nè abua bòt kà wu Bèjuê la.

1 Kɔlìn 7:2

Ka enɨ kele mbɨ̀Ꞌɨ̀ bòt e me paꞋte àbɨ̧, mbâ̧ ègème bɔ vi vi, àvi ègème mě mbɔ̀ lu̧ vi.

Ebùlù 13:4

Wòt ègème me nɨ èyɔꞋɔ mbɨ̀Ꞌɨ̀ ànəa ntsɔ̧̀. Mbâ̧ kò àvi leꞋ ka mpàꞋte àbɨ̧ nè wòt tsa, nkàà nè Mbɔ̧ɔ̧mà naa li saꞋa bòt bu bɔ̀ɔ mpàꞋta bòt kà yɔꞋɔ awɔb la, nè bòt bu bɔ̀ɔ njɨ̀a àbȩ la.

1 Pità 2:8

Mè nê, “Eyaa wu èti lu àa ghɨ̌ bòt aa sèmne la, mè ngu èwu lu àa ghɨ̌ bɔɔ sèmne ekwene la.” Bòt bu bɔ tu̧u̧ ebɨ̧ɨ̧ne èngǎ̧ Mbɔ̧ɔ̧mà la, àa sèmnà nkwèna a èlɨ̀ waa. A bê ngu wuê mbɨ̀Ꞌɨ̀ Mbɔ̧ɔ̧mà li nê aa li ewu ane èwuu bòt mbɔŋ la.

2 Pità 2:15

Bɔ sà èlu̧ ntsɔ̧̀ ntsìꞋa nkùŋà èwe kàbɔ̀ŋ. Bɔ tsiꞋi kùŋè wuê tèkate Balààm waã Beò wu tà li nkɔ̀ŋkè e ghɨ a kàbɔ̀ŋ, mbɨ̀Ꞌɨ̀ ebɔ èkab ane àbȩ̀ àzi la.

Jûd 1:11

Aa li bɨɨ awɔb nkàà nê bɔɔ̀ ngȩȩna ane alu̧ Kên li ngȩ̀ȩ̀nè la. Bɔɔ ngɨa kàbɔ̀ŋ wuê mbɨ̀Ꞌɨ̀ Balààm li ngɨ̀ la ambo èkab, mè nkwèèla àtsə mbɨ̀Ꞌɨ̀ Kolà li nkwèèle la tè Mbɔ̧ɔ̧mà wu li eliime awɔb wuê mbɨ̀Ꞌɨ̀ tòà.

Ètsə 2:20

“ ‘Ka àghɨ aà yeamɔꞋ bɨ̀a ngɨ̀à màa ka kɔ̀ŋkè la. Bɨ sǎ Jezebèl ayɔɔ yɨ̧, àvi wu tàa ntɔ avi nê ye wu ndàꞋàtɔŋ Mbɔ̧ɔ̧mà la. Tàa fɨ̀ta bɔfàꞋ bɔ̧ ngɨ̀à bɔ paꞋtà àbɨ̧ mè njɨ̀a èghɨ bɔ nɨŋ ntsì mèpɨ̧̀ la.

Ètsə 2:4

“ ‘Ka àghɨ aà yeamɔꞋ bɨ̀a ngɨ̀à àa ka bɔŋ am la. Bɨà kà tsi nkɔ̀ŋkè am mbɨ̀Ꞌɨ̀ bɨ li mbɨ̀ ngua nkɔ̀ŋkà am la.

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.