Ètsə 2:13 - Mundani

¹³ Mâ ko àdziꞋa bɨ̀a ntsèka la, wu àdziꞋa àtɨ̧a kèfɔ̧̀ Satàn à wu abot la. Mâ koê nê bɨ bakà li mè tu̧ nê bɨ wu bòt bɔ̧. Bɨ li bɨ̀ ka tsi mèntɨ̧ɨ̧ mɨ̧ ane yaã ka wuê àfɨꞋa bɔ li mbùŋa Antipà wu tà li ngua nkuŋe am nè èntɨ̧ɨ̧ vi wemɔꞋ la. Bɔ li mbùŋe atò a kètsìà wɨ̧, àdziꞋa Satàn nàa ntsèka la, nkàà ndɨ tà li ngua ndàꞋa èngǎ̧ am la.

Ètsə 2:13 ပူးပေါင်းရင်းမြစ်များ

Matìù 10:23

Bɔ me kɨ àtsəa yɨ̧ enɨ a èbem àpfəè àko, bɨ lùùlà ngà a yea tsa. KwàꞋ ane nkûŋ, tsiꞋ è shu awɨ̧ nê betsiꞋa bɨ̀ ka paa àfàꞋ àyɨ̧ a èbem èpfəè bòt Izəèlȩê ègème kà Waã Wòt kɨ̀Ꞌɨ̂.

Matìù 24:9

Bɔɔ li baãaã wɨ̧ àfɨꞋa mbɔŋ e ŋa bɔɔ zì àwɨ̧ a ngoꞋ ebɔ bùŋè àwɨ̧. Bòt èlaꞋ ègème aa li me pààbè awɨ̧ ambo yaã.

Matìù 4:10

Ale, Yesò bɨ̀ɨ̀lè nê, “Lɔ̀Ꞌɔ a ngèt yaã à Satàn! Nkàà nê, Àkata Mbɔ̧ɔ̧mà a laꞋnê, ‘À bɔ ndɨ àa me wùꞋte wua Tǎt wè Mbɔ̧ɔ̧mà, mè ndzə wuê atò la’.”

Lûk 21:17

Bòt bàgème aa li me pààbè àwɨ̧ ambo yaã.

ÀfaꞋa 22:20

È li mè ngu àfɨꞋa bɔ bùŋà wɔ̀fàꞋ wê Stifèn la, e ngu abot è mbɨ̧̀ɨ̧̀nè nê bɔ̀ bùŋe atò, tè bòt e sɔ̀tè mèmà̧ mɔb ŋa e mbèa ka bɔ me bùŋe atò.’

ÀfaꞋa 9:14

Ko nê, bètǎt bèntsìà mèpɨ̧̀ Mbɔ̧ɔ̧mà e tu̧u̧ atò, nê tà kɨꞋɨ a Dàmaskɔ̀s ŋaa mbà̧aã bòt bɔ̀ɔ ntsàꞋtà awê la.”

1 Tèsàlonikà 5:21

Bɨ̀ lȩ̂ èngà̧ ègème waa waa làꞋà la, ndze nê tè e dzə abua Mbɔ̧ɔ̧mà leꞋ, mbɔ̂ mbɨ̧̀ɨ̧̀nê èwe àa mbɔ̀ la.

1 Tɔ̀màtià 5:8

Wòt bakà wua ndɨ̀ŋkà bòt àndà̧ àzi, tè ngwaꞋ fɔ̀ɔ̀le bòt èbem lob zi, ŋut ko nê ye tu̧ alu̧ Yesò. Tà ghɨ̀ ale, tà ko nê ye bɨɨ te ntsè wòt kà zì èntɨ̧ɨ̧ vi ane Yesò.

2 Tɔ̀màtià 1:13

Baãaã èngǎ̧ nkûŋ waa mâ laꞋa abua yê la, me làꞋa abua bòt ko mɨ̧̂, me zì wuê èntɨ̧ɨ̧ wê ane Mbɔ̧ɔ̧mà, nkɔ̀ŋkà tò mbɨ̀Ꞌɨ̀ ba wu ba tsiꞋi àghɨ yeamɔꞋ nè Yesò Klistò la àa ngɨ̀à la.

2 Tɔ̀màtià 2:12

Nkùùla mèntɨ̧ɨ̧ ma, ko ba tò ba aa li me baãaã mènəè mbɨ̀Ꞌɨ̀ bèfɔ̧̀ mɨ̧̂. Ba tu̧u̧ atò, ko taa tu̧ awa mɨ̧̂.

Ebùlù 10:23

Bɨ̀ ghɨa bà neeta nɔ̀ŋè ntɨ̀ ya adù̧ àghɨ yu bàa ndàꞋà ànəa yùà la ntsɔ̧̀, nkàà nê Mbɔ̧ɔ̧mà nàa nkàꞋà ànəê tè tà ghɨ̀.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Jimsì 2:7

Tè è ntsě bɔ̀ɔ̀ba ka bɔ̀ɔ ndàꞋa kàbɔ̀ŋ adù̧ èlen Yesò Klistò lu bòt àa ntɔ awɨ̧ ane lùà la à?

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ètsə 11:3

E mè ngu ŋa mètàŋ abua bòt babe, bɔ̀ɔ ndàꞋà èngǎ̧ am la, bɔ̀ɔ kwaãaã èpfəə elaꞋa èngǎ̧ Mbɔ̧ɔ̧mà ane èlibȩ tɔsì nè ènkɨ̀ yebe nè èghem yentùa.”

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.

Ètsə 13:2

Nyà̧mɔ̀Ꞌ mbɔŋ e ndi ndze la li ngu mbɨ̀Ꞌɨ̀ ngwìnyà̧, nkabte tete èka tò te wu mbɨ̀Ꞌɨ̀ è te sambàŋ, ètsəê tò e mè ngu mbɨ̀Ꞌɨ̀ we sambàŋ. Nyà̧kàbɔ̀ŋ yu ŋa mètàŋ mi nè àtɨ̧a kèfɔ̧̀ àzi mè nè àtɔŋ kekweelè àzi abua nyà̧mɔ̀Ꞌ yu.

Ètsə 14:12

Ale, a nyɨꞋtè nê bòt Mbɔ̧ɔ̧mà è kuule mèntɨ̧ɨ̧ mɔb, bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mèè me kùŋa Yesò nè èntɨ̧ɨ̧ wɔb wemɔꞋ la.

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

Ètsə 17:6

E mè me ye àvi ngaa be àlo̧ a bòt Mbɔ̧ɔ̧mà tà nu la, nè àyea bòt bu bɔ bùŋè àwɔb nkàà ndɨ bɔ̀ɔ ndàꞋà èngǎ̧ Yesò la. Mâ ye atò ale a taꞋa tsè am.

Ètsə 2:2

Mâ ko èghɨ bɨ̀a ngɨ̀à la. Mâ ko tèbəꞋte bɨ faꞋ mbɔŋ, mè nkùùlè mèntɨ̧ɨ̧ mɨ̧ a èbem ngoꞋtsə la. Mâ ko nê bɨ̀a ka bɨ̧ɨ̧ne nê bòt kàbɔ̀ŋ è wu ayɔɔ yɨ̧. Bɨ bàŋe bòt bu bɔ̀ɔ shua nê bɔ wu bɔntu̧ Yesò, ka bɔ̀ ka wu bùà la, ndze nê bɔ wu bòt mèfà̧.

Ètsə 3:11

“ ‘E mbele yàŋe kɨꞋɨ, è wu ale bɨ̀ baãaã èghɨ bu bɨ bɔ tê ndɔ̀Ꞌ la ntsɔ̧̀, mbɨ̀Ꞌɨ̀ ka wòt kǒ fàà ènɨ̧ wu Mbɔ̧ɔ̧mà nɔ̀ŋe abua yɨ̧ la.

Ètsə 3:3

Ale, bɨ̀ ku̧u̧te àghɨa bɨ li ndzə mbɨ̧̀ɨ̧̀nê la, me ghɨa yùà ngà nè mbì, mbɔ̂ mè nkùbte mèntɨ̧ɨ̧ mɨ̧ ane kàbɔ̀ŋ wu bɨ̀a ngɨ̀à la. Bɨ baka lɔke wɨ̧, ko maa kɨꞋɨ àfɨꞋa kà bɨ ko, mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la.