Ètsə 19:10 - Mundani

¹⁰ E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

Ètsə 19:10 ပူးပေါင်းရင်းမြစ်များ

Matìù 4:10

Ale, Yesò bɨ̀ɨ̀lè nê, “Lɔ̀Ꞌɔ a ngèt yaã à Satàn! Nkàà nê, Àkata Mbɔ̧ɔ̧mà a laꞋnê, ‘À bɔ ndɨ àa me wùꞋte wua Tǎt wè Mbɔ̧ɔ̧mà, mè ndzə wuê atò la’.”

Ntu̧ Ntsɔ̧̀ MAK 5:22

Wajûŋ kǒ a èbem lob Mbɔ̧ɔ̧mà èlen tò wu Jalùs la, kɨꞋɨ̀, tà ye a Yesò, tà tèmè tènjûŋ ti a si a mbì tò

Ntu̧ Ntsɔ̧̀ MAK 7:25

ÀfɨꞋa mbɔŋ, àvi kǒ fo kàbɔ̀ŋ nyi ane waã tò waàvi la, zə nkɨ̀Ꞌɨ̂ nkwene a èka Yesò.

Lûk 1:19

Wantu̧ Mbɔ̧ɔ̧mà wu nê, “E ngu Ngableyà wu tàa ntɨ̧̀ɨ̧̀ a mbì Mbɔ̧ɔ̧mà la. Wu tòà zìambɔŋ ka tà tu̧u̧ am nê è nkɨꞋɨ ndàꞋà abua yê mè shù awê Ntu̧ Ntsɔ̧̀ yaa la.

Lûk 24:44

ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”

Jɔ̌n 5:39

Bɨà ntɔ Àkata Mbɔ̧ɔ̧mà ànyaꞋne ntsìꞋa nta nê wu yùà ka àa ghɨ̌ bɨa ko ndɨ wòt nàa bɔ mèmpème kàlìà la. Àkate mbɔŋ aa ndàꞋà ànəa wòt è ngu wùà la,

ÀfaꞋa 10:43

BèndàꞋàtɔŋ nyaꞋ Mbɔ̧ɔ̧mà bàgème è le laꞋa ànəa tò nê, wòt ègème tà zi èntɨ̧ɨ̧ vi ane tò la, Mbɔ̧ɔ̧mà naa waꞋa a kàbɔ̀ŋ ŋut ane mètàŋ èlen Yesò.”

ÀfaꞋa 13:27

Bòt bu a Jèlusalèm la nè bɔɔjuŋ bɔb e li bɔ̀ ka ko nê Yesò wu wòt tàa ŋàa mèmpème kàlìà la. Bɔ̀ ka lem nko mèngà̧ mu bɔ̀ɔ ntɔ a èbem àkatè bèndàꞋàtɔŋ Mbɔ̧ɔ̧mà àliapfəè Bèjuê àgème la. Ka mbɔ̂ ngɨ̀ mèngà̧ mu bèndàꞋàtɔŋ Mbɔ̧ɔ̧mà è le wua ndàꞋà la è te, ndɨ̀ wu bɔ li mbuŋe a Yesò la.

2 Kɔlìn 8:7

Bɨa ndâ mbɨ̧̀ɨ̧̀ne èngǎ̧ Mbɔ̧ɔ̧mà. Bɨa nkoa ndàꞋà èngǎ̧ tò ntsɔ̧̀. Bɨ taꞋa bɔ èyì, mè ndâ ŋà wɨ̧ ane àfaꞋa Mbɔ̧ɔ̧mà. Bɨ taꞋa wua nkɔ̀ŋkà wa. Ane nkûŋ, bɨa ndâ ngɨ̀à àfaꞋa ntsɔ̧̀ yaa. Ale, baa ndâ nkɨà nê bɨ̀ la ŋǎ èghɨ ba ntsɔ̧̀ nè èntɨ̧ɨ̧ wɨ̧ wemɔꞋ.

Efesɔ̀s 5:15

Ale, bɨ̀ me ko awɨ̧ ane ndɨ bɨ̀a ngɨ̀à mènəè mɨ̧ la. Bɨ̀ ka me ghɨ̀ mènəè mɨ̧ mbɨ̀Ꞌɨ̀ bòt kà bɔ èyì, bɨ̀ me ghɨ̀ mbɨ̀Ꞌɨ̀ bòt bɔ bɔ èyì la.

Efesɔ̀s 5:33

Ka a wua ndaꞋa abua yɨ̧ mɨ̧̂, nê waa waa ane yɨ̧ bɔ ndɨ tàa me kɔ̀ŋkè vi vi mbɨ̀Ꞌɨ̀ tàa nkɔ̀ŋkà àvi zìambɔŋ la, bèzi mɨ̧̂ è ye nê bɔɔ ndzəa bèlu̧ bɔb.

Filìpȩ 3:3

Bàa ka bà wu ngule bòt Mbɔ̧ɔ̧mà la. Aa anè nkàà nê wu Fo Mbɔ̧ɔ̧mà ka è ŋa awa mètàŋ ba me tsàꞋte atò la, ba mè ngua ngùꞋtà àwa ndɨ̀ wu ba Yesò Klistò ba è tsiꞋi mbɨꞋɨ̀ àghɨ yeamɔꞋ la. Mèntɨ̧ɨ̧ ma ntsě ane èghɨ bu bɔbȩ àa ngɨa ane mɔb ne mètàŋ la.

1 Tèsàlonikà 5:15

Ko mbɨ̀Ꞌɨ̀ bɨ bɨ̧ɨ̧nè wòt kǒ vəə a kàbɔ̀ŋ ane kàbɔ̀ŋ, ka bɨ̀ me nyɔ̀Ꞌte àfɨ̀Ꞌ àgème ngɨ̀à a ntsɔ̧̀ a kètsìà wɨ̧ fɔɔle abua waa waa.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Ebùlù 12:25

Bɨ̀ ko mbɨ̀Ꞌɨ̀ ka bɨ tu̧u̧ eyute wòt wu ndàꞋà la. Bòt bu bɔ li ntù̧u̧ eyute wòt wu a sitsǎꞋ tà li ndàꞋà èngǎ̧ Mbɔ̧ɔ̧mà la e li bɔ̀ ka ko ndùùlà. A wu wu anè ane bòt baà, ko bàa wu ba tu̧u̧ eyute wòt wu tà dzə a ègwet la è ka li ko elùùlà a.

1 Jɔ̌n 5:10

È wu ale, waa waa tà zi èntɨ̧ɨ̧ vi ane Waã Mbɔ̧ɔ̧mà la è bɨ̧ɨ̧ne nê mènəè maa Mbɔ̧ɔ̧mà shu la wu nkûŋ. Waa waa tà baka zi èntɨ̧ɨ̧ vi ane Mbɔ̧ɔ̧mà la wua shua nê Mbɔ̧ɔ̧mà wu wòt mèfà̧, nkàà nê tà bakà bɨ̧ɨ̧ne ànəa Mbɔ̧ɔ̧mà shu ane Waã vi la.

1 Jɔ̌n 5:21

Bɔ̧ bɔ̧, bɨ ko mbɨ̀Ꞌɨ̀ bɨ zì mèntɨ̧ɨ̧ mɨ̧ ane bènambəa.

Ètsə 1:1

Àkatè yaa a làꞋà ànəa ètsə Yesò Klistò li nyɨ̀Ꞌte abua bɔfàꞋa Mbɔ̧ɔ̧mà, ane èghɨ è bele yaŋe e ghɨ̀ la. Wu Mbɔ̧ɔ̧mà ka tà li ngɨ̀ Yesò koê èghɨ ngaa la. Yesò li ntsàa wantu̧ vi, tà nyɨ̀Ꞌte èghɨ ngaa abua wɔ̀fàꞋ vi Jɔ̌n.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.

Ètsə 12:17

A ghɨ̀ ale, dlagɔ̀n wu tsǒ ane àvi wu kwàꞋ ànyaꞋne, tè ngà è màꞋà èbet nè àbəꞋa bòt àndǎ̧ atò, è wu bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mè bɨ̧̀ɨ̧̀ne nê èghɨ bu Yesò nyɨꞋte la wu nkûŋ la. Dlagɔ̀n wu tɨ̧ɨ̧ a ngèt *èdzî.

Ètsə 14:7

Tà ŋȩ ane àtɔŋ nɨ̧ nê, “Bɨ̀ bɔa Mbɔ̧ɔ̧mà, ŋa mèngùꞋte abua tò, nkàà nê àfɨꞋa tàa saꞋa bòt bàgème la a kuêꞋ. È wu ale, bɨ̀ wùꞋte atò wu tà ghɨ̀ ègwet nè sitsǎꞋ nè *èdzî, mè nè badzì bàgème la.”

Ètsə 15:4

Lefɨ̀Ꞌ, wòt wu kà wu bɔa awê, ewùꞋte èlen lê la wu wàà? Wu ndàꞋà àwɔ̀, à wu Mbɔ̧ɔ̧mà la. Bòt ngɔ̀ŋ bàgème àa li kɨꞋɨ wùꞋtè àwê, nkàà nê wòt ègème ye ndɨ mènəè mê nàa ndɨŋndɨ̀ŋ la.”

Ètsə 19:9

Wantu̧ Mbɔ̧ɔ̧mà wu shu abua am nê “Shɨ ayaa a si: Ntsɔ̧̀ wu bòt bu bɔ tɔ awɔb nê bɔ̀ kɨꞋɨ njɨ èpǎ̧ ndzɔꞋɔ Wanjɨ̀ wu la.” Tà mè shu abua am nê, “Eyaa wu mèngǎ̧ nkûŋ è dzəè abua Mbɔ̧ɔ̧mà la.”

Ètsə 4:10

bɔɔjuŋ bu èghem yebe ntsɔ̀b bakwì la e bɔ̀te a si a mbì wòt wu tà tseke a ègwet àtɨ̧a kèfɔ̧̀ yu la, me dèbè èbu ngùꞋtà tò wu tà wu ane àlia nè àlia la. Bɔ li ntsì ntaãaãte kèfɔ̧̀ tɔb nɔ̀ŋè a mbì wòt wu a ègwet àtɨ̧a kèfɔ̧̀ yu la, me kɔ̧ mèkù̧ shua nê,