Ètsə 17:14 - Mundani

¹⁴ Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

Ètsə 17:14 ပူးပေါင်းရင်းမြစ်များ

Matìù 22:14

“Yesò ghɨ̀ ale, ndià nê, ‘Bɨ̀ ko nê bɔ̀ɔ ngɨ̀ bɔ tɔ bòt nyaŋ, ka mbɔ̂ ndàà wu èbe mpiꞋa nɨŋ.’ ”

Matìù 25:40

“Bɔ biite ale ko fɔ̧̀ wu naa bɨ̀ɨ̀le èngǎ̧ wɔb laꞋnê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li ngɨ̀ ane we tà lìa à kwèn ane bɔnyɨ bɔ̧ baa la, bɨ li ngua ngɨ̀à abua am’.

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Jɔ̌n 15:16

È ntsě bɨa ka bɨ li ndȩ̀ am la, wu mmɔ̌ mbɔŋ ka e ndi ndȩ̀ awɨ̧ ntsàà nê, bɨ̀ ghǎ ngɨ̀ mènəè ntsɔ̧̀, è wù mènəè ntsɔ̧̀ mu nàa taꞋa tseke la. Bɨ ghɨ̀ ale, ko Tǎt am naa ŋa awɨ̧ àghɨ àgème bɨ lo̧ abua tò ane èlen laã la.

Lûm 1:6

Fɔɔle awɨ̧ wu bɨ̀ wu ayɨ̧ ayɔɔ bòt bu Mbɔ̧ɔ̧mà tɔ awɔb nê bɔ̀ wu bòt Yesò Klistò la.

Lûm 8:30

Tà ghɨ̀ ale, mè ntɔ bòt bu tà li mbele àfɨꞋa tsa nɔ̀ŋè nê bɔɔ li wu mbɨꞋɨ̀ waã vi la. Tà tɔ ale ngɨ̀ bɔ tsiꞋi bòt bɔ tɨ̧ɨ̧ ndɨŋndɨ̀ŋ a mbì tò la. Tà ghɨ̀ ale, mè ngɨ̀ bòt mbɔŋ e bɔ ènɨ̧ wu tà bɔ la.

Lûm 8:37

Àghɨ a ntsě. Èghɨ bàà aà mbàta ngɨ̀à ane ya ale, ka baa bɔ̂ ndâ ntsè èbùà ègème, nkàà Yesò wu tà kɔ̀ŋkè awa la.

1 Kɔlìn 15:24

Taa li nkɨ̀Ꞌɨ̂ ale ngɔ̀ŋ lìà. Eyaa wu àfɨꞋa Yesò Klistò nàa tsòkè mètàŋ tèwuute fo tègème tèa ntsìta mènəè nè bènàmbəa bu bèa mbà̧aã èlaꞋ la, è bɔ̂ nɨ a kèfɔ̧̀ wu e zǐ tèkitebu Tǎt wa Mbɔ̧ɔ̧mà.

1 Tɔ̀màtià 6:15

Taa li kɨꞋɨ àfɨꞋa ntsɔ̧̀ yu Mbɔ̧ɔ̧mà è taŋke la. Wu ndàꞋà tòà tà wu àtsəa bɔbȩ bàgème la. Bɔ̀ɔ ngùꞋtà wuê atò. Tà wu Fɔ̧̀ bèfɔ̧̀, mè ngu Tǎt bètàt.

2 Tɔ̀màtià 2:4

Ko nê, shujà nàa ngɨ̀ tà gha a èbet, tà me nùa nkɨ̀a ndɨ àà me bɔ̀ wòt wu tà wu àtsə ayɔb la. Ale, tà kà wua ndzìà àbu àzi a èbem mènəè bòt kà wu bèshujà.

1 Pità 2:9

Ka bɨ wu bòt Mbɔ̧ɔ̧mà làà la, mè ngu bɔɔntɔꞋ Mbɔ̧ɔ̧mà bɔ̀ɔ ngɨ̀à mènəè tò la. Bɨ wu ngule àlaꞋ a Mbɔ̧ɔ̧mà, ale bɨ wu bòt Mbɔ̧ɔ̧mà. Tà tsì àwɨ̧ a èbem ndzěm nɨŋ nkɨ̀Ꞌɨ̂ a èbem èkaꞋà vi wu e ghe la, mbɨ̀Ꞌɨ̀ bɨa me làꞋà ànəa èghɨ bu ègème tàa ngɨ̀à, è wù èghɨ e ghe la.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ètsə 11:7

AfɨꞋa bɔ̀ɔ paa a màndaꞋa èngǎ̧ Mbɔ̧ɔ̧mà wu la, nyà̧mɔ̀Ꞌ nàa kɔꞋ a si a èbem èbɨ lu kà ye ndìa la, e nû etsě àwɔb, e mbùŋè àwɔb.

Ètsə 16:14

Fo tàa wu bɔntu̧ Satàn, mbɔ̀ mètàŋ a màngɨa ènəê kà ye àfəa, ngà abua bèfɔ̧̀ sitsǎꞋ bàgème e fèta wɔb bɔɔ taŋke enû a Mbɔ̧ɔ̧mà Àtsèàngɔ̀ŋ ane àlia nɨ̧ yu tàa nyɨꞋte ntsǒ zi la.

Ètsə 2:10

Bɨ̀ ka mbɔ̀â nkàà ngoꞋ tu bɨ̀a ye tùà la. Bɨ̀ ye, Satàn nàà zǐ àbəèꞋ àyɨ̧ a tèfȩ, mbɨ̀Ꞌɨ̀ bɔɔ nyɔ̀Ꞌta awɨ̧ e ye ndɨ bɨ zì mèntɨ̧ɨ̧ mɨ̧ ane Yesò la. Bɨ gha ye ngoꞋ mbɔŋ wuê ane èli èghem. Bɨ̀ tsiꞋ mèntɨ̧ɨ̧ mɨ̧ ane yaã me kweele, ka è màà ngu wuê èvə. Bɨ ghɨ̀ ale, ko bɨa bɔ àbȩ̀, è wu mèmpème kàlìà la.

Ètsə 2:13

Mâ ko àdziꞋa bɨ̀a ntsèka la, wu àdziꞋa àtɨ̧a kèfɔ̧̀ Satàn à wu abot la. Mâ koê nê bɨ bakà li mè tu̧ nê bɨ wu bòt bɔ̧. Bɨ li bɨ̀ ka tsi mèntɨ̧ɨ̧ mɨ̧ ane yaã ka wuê àfɨꞋa bɔ li mbùŋa Antipà wu tà li ngua nkuŋe am nè èntɨ̧ɨ̧ vi wemɔꞋ la. Bɔ li mbùŋe atò a kètsìà wɨ̧, àdziꞋa Satàn nàa ntsèka la, nkàà ndɨ tà li ngua ndàꞋa èngǎ̧ am la.

Ètsə 3:21

“ ‘Wòt kuule èntɨ̧ɨ̧ vi nù tè ntsèà ko maa li ghɨ tàa tseke a ègwet àtɨ̧a kèfɔ̧̀ am ba tò, wuê mbɨ̀Ꞌɨ̀ e ndi kuule èntɨ̧ɨ̧ am nù tè ntsè, Tǎt am ghɨ̀ e ntsèke ba tò a ègwet àtɨ̧a kèfɔ̧̀ tò la.