Ètsə 17:12 - Mundani

¹² “Ndɔŋ tu èghem à li ndze la, wu bèfɔ̧̀ èghem bɔ̀ baka zìꞋì nɨ àtɨ̧a kèfɔ̧̀ àyɔb la. Ka bɔ̀ɔ ŋa awɔb mètàŋ bɔ̀ɔ me baãaã èlaꞋ mbɨ̀Ꞌɨ̀ bèfɔ̧̀ bɔ̂ nyà̧mɔ̀Ꞌ ba yu ane nyèm yemɔ̀Ꞌ.

Ètsə 17:12 ပူးပေါင်းရင်းမြစ်များ

Ètsə 10:11

Bɔ mè shu abua am nê, “À bɔ ndɨ àa mě làꞋa èngǎ̧ Mbɔ̧ɔ̧mà ane ànəa bòt èlaꞋ ègème, nê bòt ndɨ̧ tègème mè nè bèfɔ̧̀ bàgème la.”

Ètsə 12:3

Àyea ko nè àghɨ a ghe la, a mè mpùùlà a ègwelebuule. E ndze taꞋa nyà̧ kǒ mèmbaŋ è fəə dlagɔ̀n la, è bɔ̀ ètsə besà̧à̧mbe, nè ndɔŋtsə èghem, mè nkwaãaã ntà̧ nàà nyɨ̀Ꞌta mètàŋ tò la adù̧ àtsə àgème.

Ètsə 13:1

E ndze nyà̧mɔ̀Ꞌ nkɔ̀Ꞌa a èbem *èdzî, è bɔ̀ ndɔŋtsə èghem nè ètsə besà̧à̧mbe. Ntà̧ nàà nyɨ̀Ꞌta mètàŋ tò la è wu a ègwet ndɔŋ ègème, àtsə àgème a bɔ èlen ko tsa àa ndàꞋa kàbɔ̀ŋ adù̧ èlen Mbɔ̧ɔ̧mà la.

Ètsə 17:16

Ndɔŋ tu èghem à li ndze la, nè nyà̧mɔ̀Ꞌ yu, aa me pààbe a ghȩ̀ȩ̀nè ghȩȩne wu. Bɔ̀ɔ̀ba wàa aa nɨ èghɨ tà bɔ la ègème tè tàa tsiꞋi tseke ka kwaãaã ndǐ, e kwele nyaãte tò e mě tô̧ atò a èbem èwet.

Ètsə 18:10

Bɔɔ etɨ̧ɨ̧ a endɨ̌ nè kèbɔɔ ngoꞋ kèkweelè yu è baãaã atò la e me shu nê, “Èe e! Èe e! TaꞋà àpfəa yu, TaꞋà àwɔ̀ àpfəèà nɨ̧a Babilɔ̀n yaa à ghɨꞋne la, bɔ bê nɨ wuê nyèm yemɔ̀Ꞌ ndììme awê.”

Ètsə 18:17

Èghɨ tò bu ègème e bê mbɨ̌ ane nyèm yemɔ̀Ꞌ.” Bòt bu àtsə ènkànuꞋ la, nè bòt bu ngȩ̀ȩ̀nà a èbem ènkànuꞋ la, mè nè bòt bu àfàꞋ àyɔb à wu a èbem *èdzî la, e tɨ̧ɨ̧tè a endɨ̌ mɨ̧̂,

Ètsə 18:19

Bɔ ghɨ̀ ale, me pfəèꞋə àbeb a ètsə bɔb ndɨ̀à shùà mèsi ŋȩ̀a shua nê, “Èe e! Èe e! A bɨa àpfəèà nɨ̧ yu ɔɔ̀! Àpfəèa mbɔŋ a li ngɨ̀ bòt bɔ bɔ taꞋa ènkànuꞋ àa ngȩȩna a èbem *èdzî la, e tsiꞋi bòt èkab nkàà èghɨ tò. Èghɨ bu ègème e bê ntɨ̧ɨ̧ ane nyèm yemɔ̀Ꞌ mbɨ.