Ètsə 16:10 - Mundani

¹⁰ ÀfɨꞋa mbɔŋ we betà̧â̧ ane bɔntu̧ Mbɔ̧ɔ̧mà bu tsəè è li ne èpfəèꞋ adù̧ àtɨ̧a kèfɔ̧̀ nyà̧mɔ̀Ꞌ yu. KèbìꞋà bê nkwen a èbem kèfɔ̧̀ mbɔŋ, bòt e me kwele tèlɨ̧ tɔb nkàà ndɨ àa saa awɔb kwàꞋ ànyaꞋne la.

Ètsə 16:10 ပူးပေါင်းရင်းမြစ်များ

Matìù 13:42

E tsǐ emàꞋà wɔb a èbem èwet kekweelè àdziꞋa bòt àa me dɨ̀a nkwèla àsɔŋ yɔb ane ntso la.

Matìù 13:50

màꞋà wɔb a èbem èwet kekweelè àdziꞋa bɔ̀ɔ li me dɨ̀a nkwèla àsɔŋ yɔb ane ntso la.”

Matìù 22:13

“Ale, fɔ̧̀ wu shu abua bètsoêꞋ bi nê, ‘Bɨ̀ kuule èbu tò nè èka tò, maꞋa tò àbȩ a èbem kèbìꞋà, àdziꞋa bòt àa me dɨ̀a nkwèla àsɔŋ yɔb ane ntso la.’

Matìù 24:51

Mbɔ̂ ngu saãaãte atò màꞋa a si, e tsàà atò àdziꞋa bòt bu bɔ̀ɔ shua nê bɔ wu àghɨa kà wu yùà la, è wu la, àdziꞋa bɔ̀ɔ me dɨ̀a nkwèla àsɔŋ yɔb la.

Matìù 8:12

Ka è me wu bòt bu bɔ wu li ewu a kèfɔ̧̀ və la, bɔ màꞋà wɔb àbȩ a èbem kèbìꞋà, adzìꞋa bɔ̀ɔ me dɨ̀a nkwèla àsɔŋ yɔb la.”

Lûk 13:28

“Bɨa me dɨ̀a nkwèla àsɔŋ yɨ̧ abot àfɨꞋa bɨ̀a ye Abàlàghâm bɔ̂ Asàk nè Jàkɔ̂b, nè bèndàꞋàtɔŋ Mbɔ̧ɔ̧mà bàgème, a èbem kèfɔ̧̀ tò, mbɔ̂ bɨ̀ambɔŋ e wu àbȩ bɔ màꞋà la.

1 Pità 2:17

Bɨ̀ me kukte a waa waa mè nkɔ̀ŋkà bɔnyɨ bɨ̧ bu bɔ̀ wu bòt Yesò la. Bɨ̀ me mbɔ̀a Mbɔ̧ɔ̧mà mɨ̧̂, ndɔ̀Ꞌ nkùkta Fɔ̧̀ nɨ̧.

Ètsə 11:10

Bòt sitsǎꞋ e mě ngu taꞋa wùꞋte àwɔb nkàà èvə bòt baa babe la. Bɔɔ me wùꞋtè àwɔb e ŋa èghɨ abua waa waa, nkàà nê bèndàꞋàtɔŋ Mbɔ̧ɔ̧mà bu babe la be taꞋa ghɨ̧̀ɨ̧̀ne bòt sitsǎꞋ.

Ètsə 11:2

Ka à kà fɨ̀Ꞌtè àsà̧aã yu a mbì lob nɨ̧ Mbɔ̧ɔ̧mà la, nkàà nê bɔ nɔ̀ŋè àdziꞋa mbɔŋ abua bòt kà ko a Mbɔ̧ɔ̧mà. Bɔ̀ɔ li kɨꞋɨ etɔ̀Ꞌte àpfəèà nɨ̧ a mbɔŋ, bòt Mbɔ̧ɔ̧mà àa ntsèka la edàŋke a si ane mèŋu èghem yekwì ntsɔ̀b yebe.

Ètsə 11:8

ÈpfəꞋte bɔb aa nɔ̀ŋke a èbùꞋu èlu̧ a èbem àpfəèà nɨ̧ yu bɔ li ngù̧ù̧te a Tǎt wɔb a mbɨ̧̀ mbasa la. Èlen ntsoꞋ bòt àa nɨa ntɔ àpfəèà nɨ̧a mbɔŋ la wu Sodòm bɔ̂ Ejìb.

Ètsə 17:17

Mbɔ̧ɔ̧mà zi a mèntɨ̧ɨ̧ mɔb nê bɔ ghɨ̀ wuê àghɨa yèa nkɨ̀a nê à wu la, ngu ane ètsəê wemɔꞋ, ŋa lèfɔ̧̀ wɔb abua nyà̧mɔ̀Ꞌ yu, mbɨ̀Ꞌɨ̀ àghɨ àgème aa ghɨ̀ mbɨ̀Ꞌɨ̀ ye li shu nê aa wu la.

Ètsə 17:9

“Wòt bɔ ndɨ tàa bɔ èyì ka ko ànəê yaa la. Ètsə bu besà̧à̧mbe la e wua nyɨ̀Ꞌta tèbȩtsə tesà̧à̧mbe àvi wu è tseke adù̧ la.

Ètsə 18:2

Tà ŋȩ ane taꞋa àtɔŋ nɨ̧ nê, “A kwen, TaꞋà àpfəèà nɨ̧ a Babilɔ̀n yu a kwen. È tsiꞋi àpfəa fote kàbɔ̀ŋ. Tèwuute èbɨꞋte fotekàbɔ̀ŋ tègème te dzəâ abua Satàn la, teà ntsèka abot. Tèwuute banɨ̧̀ kàbɔ̀ŋ bàgème bòt aa mpààbà la, be mè me bù̧ù̧te abot.

Ètsə 18:21

ÀfɨꞋa mbɔŋ àghɨꞋna wantu̧ Mbɔ̧ɔ̧mà kǒ a vi èti ko àa mbɨꞋɨ̀ taꞋa èti màngɔꞋɔ èghɨ la, màꞋa a èbem *èdzî me shu nê, “Eyaa wu ndɨ bɔ̀ɔ màꞋa àpfəèà nɨ̧ a Babilɔ̀n a si ane ètɨ̧̂, tè wòt kà wu li tsi e ye yùà la.

Ètsə 18:23

ÈkaꞋà è ka li tsi e beꞋe abot a, bɔ̀ ka wu tsi e li zə àtɔŋ ndzà bɔ̂ lu̧ vi. Bòt bɔ li ngua nta èwen bɨ tò ba la li ngu bòt kekweelè a sitsǎꞋ, à mè nɨ tèkàŋ tê nɨŋ fɨ̀te bòt ngɔ̀ŋ bàgème.

Ètsə 8:12

We bakwì ane bɔntu̧ Mbɔ̧ɔ̧mà bu tɔ è li ne èsɔŋ. Tà tɔ ale àghɨa ko a tsòkè àbâ yeamɔꞋ ane àtaãnyèm bɔ ghàbte ane èbâ betat, nè àbâ yeamɔꞋ ane èŋu bɔ ghàbte ane èbâ betat la, mè nè àbâ yeamɔꞋ ane těnto̧tsə bɔ ghàbte ane èbâ betat la. A ghɨ̀ ale, àbâ yeamɔꞋ ane mèkàꞋà mɔb a lemà, è wu àbâ yeamɔꞋ ane èbâ betat la. Bɔ ghàbte nèngû̧ bɔ̂ ètsəꞋ ane èbâ betat, èkaꞋà è ka tsi ngu ane àbâ yeamɔꞋ.

Ètsə 9:2

Tà tsɔ̀Ꞌɔ̀ ètsələèꞋ èbɨ lu, ndiꞋtsə te me kɔꞋɔ a ètsəê və mbɨ̀Ꞌɨ̀ ndiꞋte àtsəꞋa èwet. NdiꞋte mbɔŋ te kɔꞋ mbùùle ègwet nè àtaãnyèm.