Ètsə 14:6 - Mundani

⁶ ÀfɨꞋa mbɔŋ, e mèè ndze wantu̧ Mbɔ̧ɔ̧mà kǒ ndèa a ègwet la. Tà nɨ Ntu̧ Ntsɔ̧̀ kà wu elìa me nɨa nkɨ̀Ꞌa elàꞋa abua bòt bu bɔ̀ɔ ntsèka a sitsǎꞋ la, bòt èlaꞋ ègème, nè èndà̧ ègème, nè ndɨ̧ tègème, mè nè tèwuute bòt tègème.

Ètsə 14:6 ပူးပေါင်းရင်းမြစ်များ

Matìù 10:27

Ànəa mâ shu awɨ̧ a èbem ndzěm la, bɨ̀ shu a kètsìà nèngû̧, àyea bɨ zə a ntsèm la, bɨ tùꞋ a tèbuꞋte èlu̧.

Ntu̧ Ntsɔ̧̀ MAK 16:15

Tà li shu abua yɔb nê, “Bɨ̀ ghǎ a ngɔ̀ŋ ègème ntsɔ̀tè Ntu̧ Ntsɔ̧̀ abua waa waa.

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

Ebùlù 13:20

TsiꞋ Mbɔ̧ɔ̧mà àlàŋkè wu, tà li njù̧ù̧ma Yesò Lefɨ̀Ꞌ, TaꞋà Mbaabà njɨ̀tsə la, è tsě ane àlo̧ a mènkàꞋa kèkweelè mu kà wu èli lìa la,

1 Pità 1:25

Ka èngǎ̧ Mbɔ̧ɔ̧mà e bɔ̂ ngu etèꞋa ane àlia nè àlia.” Èngǎ̧ mbɔŋ wu Ntu̧ Ntsɔ̧̀ yu bɔ li ndàꞋ abua yɨ̧ la.

Ètsə 10:11

Bɔ mè shu abua am nê, “À bɔ ndɨ àa mě làꞋa èngǎ̧ Mbɔ̧ɔ̧mà ane ànəa bòt èlaꞋ ègème, nê bòt ndɨ̧ tègème mè nè bèfɔ̧̀ bàgème la.”

Ètsə 10:7

ÀfɨꞋa wantu̧ Mbɔ̧ɔ̧mà wu, è wu we basà̧à̧mbe la è tɔ èsɔndɨk li la, mènəè ndò̧ Mbɔ̧ɔ̧mà nàa te, mbɨ̀Ꞌɨ̀ tà li shu bɔfàꞋ bi bu, è wu bèndàꞋàtɔŋ tò la, nê naa wu la.”

Ètsə 13:7

Bɔ mè sa atò nê tà màꞋà èbet adù̧ bòt Mbɔ̧ɔ̧mà nù àwɔb ntsè. Mè ŋa atò mètàŋ nê tà me baãaã èndà̧ ègème, nè èlaꞋ ègème, nè bòt bɔ̀ɔ ndàꞋà ndɨ̧ tègème la.

Ètsə 3:10

Mâ shu nê ndɨ̀ wu bɨ kuule mèntɨ̧ɨ̧ mɨ̧ ngɨ̀ mbɨ̀Ꞌɨ̀ mâ shu la, maa baaba awɨ̧ àfɨꞋa màa nɨ ngoꞋ enyɔ̀Ꞌte bòt sitsǎꞋ bàgème la.

Ètsə 5:9

Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.

Ètsə 8:13

E ndȩ̀ me ye ndzě èfaã ndèa a ègwet, me zə e me ŋȩ shua nê, “A bɨ ɔɔ̀! A bɨ ɔɔ̀! Aa bɨ àbâ bòt bu bɔ̀ɔ ntsèka a sitsǎꞋ la, àfɨꞋa bɔ̀ɔ zə tèsɔnkendɨk tu, bɔntu̧ Mbɔ̧ɔ̧mà ko bu batat la àa tɔ la.”