Ètsə 14:3 - Mundani

³ Bòt ngaa bàgème e tɨ̧ɨ̧te a mbì àtɨ̧a kèfɔ̧̀ yu, nè èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la, me kɔ̧ɔ̧ ètsəèkù̧ fi. Wòt kǒ tà li ngu eko ètsəèkù̧ mbɔŋ tsa la è li kà wuê, kà wu bòt bu bètɔsì ènkɨ̀ nè èghem yekwì ntsɔ̀b bakwì, bɔ chùꞋù ètsə bɔb a sitsǎꞋ la.

Ètsə 14:3 ပူးပေါင်းရင်းမြစ်များ

1 Kɔlìn 1:18

Èngǎ̧ ànəa èvə Yesò Klistò a mbɨ̧̀ mbasa e wu mbɨ̀Ꞌɨ̀ èngǎ̧ àkèghɨ̧̀ abua bòt bu nyɔ la; ka è me wu abua ya wu bàa pèma la, ko wu mètàŋ Mbɔ̧ɔ̧mà.

1 Kɔlìn 2:14

Wòt kà bɔ Fo Mbɔ̧ɔ̧mà nàà kà bɔ èghɨ bu Fo Mbɔ̧ɔ̧mà nàa ŋǎ la, nkàà nê èghɨ mbɔŋ abua tò wu èghɨ àkèghɨ̧̀, tà kà mê ngu ko eko àghɨ adù̧ nkàà nê, wòt baka bɔ Fo Mbɔ̧ɔ̧mà, tà kà ko àghɨa èghɨ mbɔŋ wu bùà la.

Ètsə 14:1

E mèè ndȩ̀ me ye ndze Wanjɨ̀ wu tà tɨ̧ɨ̧ a ègwet èbȩ Zayɔ̀n la. Bòt bètɔsì ènkɨ̀ nè èghem yekwì ntsɔ̀b bakwì bɔ shɨ èlen tò nè è le Tǎt tò a mèsi mɔb la, e tɨ̧ɨ̧te bɔ̂ tò ba abot.

Ètsə 15:3

Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.

Ètsə 2:17

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko maa ŋa àbəꞋa èghɨjɨ ndò̧ Mbɔ̧ɔ̧mà abua tò, e mě ŋa atò èti kèfə, bɔ shɨ èlen fi adù̧, kà wòt tsa ko lùà, kà wu wòt wu mâ ŋa èlen mbɔŋ abua tò la.

Ètsə 5:9

Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.

Ètsə 7:4

Bɔ ghɨ̀ ale, shu am kèmpà̧ bòt bu bɔ zi èlȩê a mèsi mɔb la nê, wu bòt bètɔsì ènkɨ̀ nè èghem yekwì ntsɔ̀b bakwì. Bòt mbɔŋ e li ndzəè a èndǎ̧ bòt Izəèlȩê bu ntsɔ̀b bebe la. Bòt bètɔsì ntsɔ̀b babe bɔ zi èlȩê a mèsi mɔb la, e li ngua ndzəa a èbem àndà̧ yeamɔꞋ.