အွန်လိုင်း သမ္မာကျမ်းစာ

« အရင်

နောက်တစ်ခု »

Ètsə 14:11 - Mundani

¹¹ NdiꞋte èwet wu ntò̧à àwɔb la, te me kɔꞋɔ ngà a ègwet ane àlia nè àlia. Bɔ̀ɔ̀ wàa bàgème bɔ̀ɔ ngùꞋtà nyà̧mɔ̀Ꞌ yu nè wamâlem tò wu la, mè mbɔ àlȩê èlen tò ane yɔb la, è ka li bɔ mèndzète ane àlia ègème, nèngû̧ kò ètsəꞋ leꞋ a.”

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Ètsə 14:11
30 ပူးပေါင်းရင်းမြစ်များ

Matìù 11:28

“Bɨ̀a wu bɨ̀a fàꞋà nkaãaã mè ŋeꞋa àbòꞋa lelet la, bɨ̀ kɨꞋɨ abua am, ko maa ghɨ̌ bɨa yètè.

အခန်းကိုကြည့်ပါ။

Matìù 25:41

“Taa shu ale, e gheble avi è shu abua bòt bu àbâ àbuantoŋ zi la nê ‘Bɨ̀ lɔꞋɔ a ngèt yaã, bɨ̀a wu Mbɔ̧ɔ̧mà zi ndɔ̀ àtsəa yɨ̧ la ngà a èbem èwet kà wu li elìa Mbɔ̧ɔ̧mà taŋke abua Satàn bɔ̂ bɔntu̧ bi la.

အခန်းကိုကြည့်ပါ။

Matìù 25:46

“ÀfɨꞋa mbɔŋ ko bòt kàbɔ̀ŋ bu aa gha àdziꞋa kà ngoꞋ wu li elìa, èbe ntsɔ̧̀ bu e egha àdziꞋa mèmpème kàlìà.”

အခန်းကိုကြည့်ပါ။

Ebùlù 1:8

È bɔ è me wu ane ànəa Waã tò tà nê, “À wu Mbɔ̧ɔ̧mà, kèfɔ̧̀ wê ka li lɔ̀Ꞌɔ elìa. Àà mbà̧aã kèfɔ̧̀ wê wuê ane èlɨ è kùꞋù la.

အခန်းကိုကြည့်ပါ။

Ètsə 11:15

ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

အခန်းကိုကြည့်ပါ။

Ètsə 13:12

Nyà̧mɔ̀Ꞌ mbì yu ŋa mètàŋ kèkweelè mi abua tò, tà me ghɨ èghɨ a mbì tò. Ngɨ̀ sitsǎꞋ nè bòt bu bɔɔ ntsèka a sitsǎꞋ la bàgème e me wùꞋte nyà̧mɔ̀Ꞌ mbì yu fɨŋ yu li ngua nga mbùŋe atò la li nyɔ̂ la.

အခန်းကိုကြည့်ပါ။

Ètsə 13:15

Bɔ sà nyà̧mɔ̀Ꞌ kwèn yu tà yèènè fo mèmpème ane wamâlem wu bɔ̀ɔ nɨa ngùꞋtà nyà̧mɔ̀Ꞌ mbì yu la, mbɨ̀Ꞌɨ̀ ghɨ̌ tàa me làꞋa, e mě ghɨ̌ tàa bùŋe bòt bɔ tu̧u̧ wùꞋte atò la.

အခန်းကိုကြည့်ပါ။

Ètsə 13:17

Bɔ li nê wòt ka njû̧ àghɨ, kò fɨ̧ɨ̧nè leꞋ, kà wu wòt tà bɔ àlȩê yu, è wu èlen nyà̧mɔ̀Ꞌ yu kò nɔmbà wu è tɨ̧ɨ̧ àdziꞋa èlen mbɔŋ la leꞋ.

အခန်းကိုကြည့်ပါ။

Ètsə 14:9

Wekǒ nè wantu̧ Mbɔ̧ɔ̧mà, è wu we betat la, è kùŋè àwɔb, me ŋȩ ane àtɔŋ nɨ̧ shua nê, “Wòt tà wùꞋte nyà̧mɔ̀Ꞌ yu, nè wamâlem tò wu, mè mbɨ̧̀ɨ̧̀ne bɔ zì àlȩê a èsi tò kò adù̧ àbu atò leꞋ la,

အခန်းကိုကြည့်ပါ။

Ètsə 18:18

me ŋȩ mbɨ̀Ꞌɨ̀ àpfəèà nɨ̧ yu àa shɨa ndiꞋtsə te kɔꞋɔ ngà a ègwet la. Bɔ li ngua ŋȩa shua nê, “Àpfəè àko a te bakà wu mbɨ̀Ꞌɨ̀ àpfəèà nɨ̧ yàa.”

အခန်းကိုကြည့်ပါ။

Ètsə 18:9

Bèfɔ̧̀ sitsǎꞋ bu bɔ li ngua nɔ̀ŋkà nè tò mè ntòòlà àwɔb a èbem èghɨ bɔ̂ tò ba la, aa me shùà mèsi àfɨꞋa bɔ̀ɔ ye ndiꞋ àpfəèà mbɔŋ bɔ tò̧ la nkɔ̀Ꞌɔ nga a ègwet la.

အခန်းကိုကြည့်ပါ။

Ètsə 19:3

Bɔ ghɨ̀ ale, me ŋȩa shua nê, “Àlèluyà! NdiꞋte èwet wu e tò̧a atò la, tea me gha a ègwet ane àlia nè àlia.”

အခန်းကိုကြည့်ပါ။

Ètsə 20:10

Bɔ ghɨ̀ ale, maꞋa Satàn wu tà fɨte awɔb la a èwet ko àa mbɨ̀Ꞌɨ̀ èlemè nkòòla nè èkem adù̧, bɔ zǐ màꞋa nyà̧mɔ̀Ꞌ yu bɔ̂ ndàꞋàtɔŋ fɨ̀te wu a èbèm la. Bɔ̀ɔ me ye ngoꞋ a èbèm, ètsəꞋ nè nèngû̧ ane àlia nè àlia.

အခန်းကိုကြည့်ပါ။

Ètsə 22:5

Ndzěm ka li tsi wua, bòt è ka wu li tsi e me kɨ mèkàꞋà kò nyèm leꞋ, nkàà nê Mbɔ̧ɔ̧mà Lefɨ̀Ꞌ naa li wu èkaꞋà wɔb, bɔ mè ngu li e me baãaã ngɔ̀ŋ ane àlia nè àlia.

အခန်းကိုကြည့်ပါ။

Ètsə 7:12

Bɔ bɔ̀tè ale, me shu nê, “Àmèn! MèngùꞋte wu abua Tǎt wa Mbɔ̧ɔ̧mà, nè ènɨ̧, nè èyì, nè mènkɔ̀ŋke, nè kènùke nè mètàŋ ane àlia nè àlia! Àmèn.”

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ