Ètsə 14:10 - Mundani

¹⁰ tà kò nê ntsǒ Mbɔ̧ɔ̧mà naa nɔ̀ŋke àtsəa tò. Taa nu mèlùꞋ kèkweelè Mbɔ̧ɔ̧mà, è wu ntsǒ tò la. Ntsǒ mbɔŋ naa wu mbɨ̀Ꞌɨ̀ mèlùꞋ kà bɔ fȩ̀ȩ̀tè nè mèleb. Tàa li nyi a èbem èwet àa nkòòla mbɨ̀Ꞌɨ̀ èkem la, e me ye ngoꞋ kèkweelè a mbì bɔntu̧ Mbɔ̧ɔ̧mà nè Wanjɨ̀ wu.

Ètsə 14:10 ပူးပေါင်းရင်းမြစ်များ

Matìù 20:22

Yesò bɨ̀ɨ̀lè nê “Bɔ̧ bè e bakà ko àghɨa bɔ biità la. Tè betsiꞋa bɨ nu ndɔŋ ngoꞋ yaa maà nu la à?” Bɔ nê “Baa ko nu.”

Matìù 25:41

“Taa shu ale, e gheble avi è shu abua bòt bu àbâ àbuantoŋ zi la nê ‘Bɨ̀ lɔꞋɔ a ngèt yaã, bɨ̀a wu Mbɔ̧ɔ̧mà zi ndɔ̀ àtsəa yɨ̧ la ngà a èbem èwet kà wu li elìa Mbɔ̧ɔ̧mà taŋke abua Satàn bɔ̂ bɔntu̧ bi la.

Matìù 26:39

Tà mè nyaꞋa ngà nè mbì, nchùŋe àtsə azi a si, ntsàꞋtè a Mbɔ̧ɔ̧mà nê, “Tê, èlu̧ e wua à nɨ ndɔŋ ngoꞋ yàa àbu am la, ka à ka ngɨ̀ mbɨ̀Ꞌɨ̀ e nkɨa la, ghɨ̀ wuê mbɨ̀Ꞌɨ̀ àa nkɨà la.”

Ntu̧ Ntsɔ̧̀ MAK 8:38

Ale, àtsəa wòt a me kɔꞋɔ ambo yaã nè mèngǎ̧ mɔ̧, a èbem ngɔ̀ŋ èbɨꞋte mènəè laane, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ Tǎt vi bɔ̂ bɔntu̧ bi la.”

Ntu̧ Ntsɔ̧̀ MAK 9:44

[Abot, tègwèt tɔb teà kà li mpfəèꞋte, bɔ̀ ka meè ngua ndìa ndììma èwet wu.]

ÀfaꞋa 10:22

Bɔ bɨ̀ɨ̀lè nê, “Kɔ̀nelìà, tǎt bèshujà è tu̧u̧ awa. Tà wu wòt tàa nguꞋta Mbɔ̧ɔ̧mà la. Bèjuê bàgème e taꞋa wua nkùkta atò. Wantu̧ Mbɔ̧ɔ̧mà kǒ shu abua atò nê, tà kàꞋà àwê à kɨꞋɨ a lob tò, mbɨ̀Ꞌɨ̀ taa zə ànəa àa shu la.”

2 Tèsàlonikà 1:7

e bɔ̂ ghɨ bɨ̀a wu ndzea ngoꞋ la aa yète, fɔ̀ɔ̀lè awa mɨ̧̂. Aa li ewu anè, ane àli yu Yesò Lefɨ̀Ꞌ nàa saꞋa a ègwet a èbem èwet ngòꞋà la, nè bɔntu̧ bi bu mètàŋ mɔb è ghe la.

Jûd 1:7

Bòt Sodòm nè bòt Gòmolà nè èlaꞋ bu a ngèt yɔb la e li ngɨ̀ wuê a èlɨ mbɔŋ. Bɔ li ngua mpàꞋta bòt kà yɔꞋɔ awɔb, njɨ̀a àbȩ, mbâ̧tsə te nɔ̀ŋkà nè è teko, tè Mbɔ̧ɔ̧mà lììme awɔb a èbem èwet nɨŋ nyɨ̀Ꞌte àghɨa tàa li ghɨ̀ ne bòt bu bɔ̀ɔ li eye ngoꞋ a èbem èwet ane àlia nè àlia la.

Ètsə 15:7

Àghɨa ko ane èghɨ bu bekwì è wu yu̧ la, à ŋa tèpfəꞋtsə tesà̧à̧mbe bɔ ghɨ ane goêl la, abua bɔntu̧ Mbɔ̧ɔ̧mà bu basà̧à̧mbe la. TèpfəꞋte mbɔŋ te lu̧u̧ ne ntsǒ kèkweelè Mbɔ̧ɔ̧mà wu tà wu ane àlia nè àlia la.

Ètsə 16:19

TaꞋà àpfəèà nɨ̧ yu a li ngàbtè ane èbâ betat, èpfəè nɨ̧ a ngɔ̀ŋ ègème e kwèà. Ale, Mbɔ̧ɔ̧mà kù̧ù̧te àpfəèà nɨ̧ yu bɔ̀ɔ ntɔ ane Babilɔ̀n la, ngɨ̀ ntsǒ zi nɔ̀ŋke a ègwet a yùà tè ngà ndìà. Ntsǒ mbɔŋ wu mbɨ̀Ꞌɨ̀ ndɔŋ mèlùꞋ nàa ndìà, bɔ̀ɔ ŋɨꞋɨ wòt tàa nu la.

Ètsə 18:3

Tà ŋa mèlùꞋ àfàꞋa mànjɨa àbȩ, tè bòt sitsǎꞋ e nu mbe, bèfɔ̧̀ sitsǎꞋ e mè mpàꞋte atò. Bòt tèwen e mè ntsìꞋi bòt èkab nkàà èghɨ bu tàa nəèꞋa vi a èbèm la.”

Ètsə 18:6

Bɨ̀ ghɨ àghɨa tà ghɨ ane bòt ko la ane tò mɨ̧̂. Bɨ̀ ghɨa tà ye ngoꞋ tà ghɨ̂ bòt ko e ye la ngò̧ tebe. Bɨ̀ nɨ ndɔŋ yu tà nɨŋ ndzì mèlùꞋ ŋa bòt e nu la, ndzì mèlùꞋ kèkweelè è tse me tò mu la ngò̧ tebe ŋa tà nu.

Ètsə 19:15

Nyi dzəè a ètsəê tò, tàa nɨ nù èlaꞋ la. Taa me baãaã èlaꞋ mbɔŋ kà ku tèsȩ, ngɔ̀Ꞌɔ̀ àwɔb, e mě tɔ̀Ꞌtè àwɔb mbɨ̀Ꞌɨ̀ bɔ̀ɔ ntsəèꞋa tètaãaãte àyɨt a èbem àdziꞋ yu bɔ̀ɔ ntsəèꞋa ntsìà mèlùꞋ, à wua nyɨ̀Ꞌta ntsǒ Mbɔ̧ɔ̧mà Àtsèàngɔ̀ŋ la.

Ètsə 19:20

Bɔ nù ale mbà̧aã nyà̧mɔ̀Ꞌ yu mbɨ̀Ꞌɨ̀ àbùꞋ a èbet, mè baãaã ndàꞋàtɔŋ fɨ̀te wu tà li ngua ngɨ̀à mènəè ngɨŋa a mbì tò fɨ̀ta bòt la. Tà li ngua fɨ̀ta bòt bu bɔ bɔ àlȩê nyà̧mɔ̀Ꞌ yu ane yɔb, mè me kukte a wamâlem tò wu la. Bɔ ghɨ̀ ale, màꞋà nyà̧mɔ̀Ꞌ yu bɔ̂ ndàꞋàtɔŋ fɨ̀te wu èyu̧ a èbem èwet ko àa mbɨ̀Ꞌɨ̀ èlemè nkòòla nè èkem adù̧ la.

Ètsə 20:10

Bɔ ghɨ̀ ale, maꞋa Satàn wu tà fɨte awɔb la a èwet ko àa mbɨ̀Ꞌɨ̀ èlemè nkòòla nè èkem adù̧, bɔ zǐ màꞋa nyà̧mɔ̀Ꞌ yu bɔ̂ ndàꞋàtɔŋ fɨ̀te wu a èbèm la. Bɔ̀ɔ me ye ngoꞋ a èbèm, ètsəꞋ nè nèngû̧ ane àlia nè àlia.

Ètsə 20:14

Bɔ ghɨ̀ ale, màꞋà èvə nè àlaꞋ a bèmpfəà a èbem èwet ko àa mbɨ̀Ꞌɨ̀ èlemè nkòòla nè èkem adù̧ la. Èlemè waa èwet àa nkòòla adù̧ la wu èvə lu wòt nàa mpfəa mè mpfəa la.

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”