Ètsə 13:8 - Mundani

⁸ Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.

Ètsə 13:8 ပူးပေါင်းရင်းမြစ်များ

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Lûk 10:20

Ka, bɨ̀ ka ngùꞋtè àwɨ̧ ndɨ fote kàbɔ̀ŋ tèa ndzəèà awɨ̧ la, bɨ̀ wùꞋte àwɨ̧ wuê ndɨ Mbɔ̧ɔ̧mà shɨ tèlen tɨ̧ a èbem àkatè àzi a ègwet la.”

Jɔ̌n 1:29

ÈtsəꞋ e tsi Jɔ̌n ye a Yesò nkɨ̀Ꞌa ekwene ane tò la, nê “Bɨ̀ ye Wanjɨ̀ Mbɔ̧ɔ̧mà wu tàa tsì mènəè kàbɔ̀ŋ bòt ngɔ̀ŋ la.

Efesɔ̀s 1:4

Ngɔ̀ŋ li me laꞋ nê nàà mbùꞋà, Mbɔ̧ɔ̧mà lȩ̀a wa mbɨ̀Ꞌɨ̀ baa tsiꞋi àghɨ yeamɔꞋ nè Yesò Klistò, ngɨ̀ àwa ane bòt mènəè ntsɔ̧̀ kà ye àghɨa ko bɔ̀ɔ fèèlè àwa adù̧ la a mbì li.

Filìpȩ 4:3

Mè me shu abua yê, shu̧ yaã wafàꞋ ba nè àa fàꞋà nɔ̂ la nê, à tɨŋe bèzi baa mpaâ nèètè ànəa yɔb. Ba tò ba nè Klemin, nè bòt ko bu bàgème bɔ li ngua nkùŋà àwa la e li ntaꞋa fàꞋà a màntsɔta Ntu̧ Ntsɔ̧̀. Mbɔ̧ɔ̧mà shɨ tèlen tɔb bɔ̀ɔgème a èbem àkata mèmpème.

Tȩtɔ̀s 1:2

e mě zǐ ntɨ̀ yɔb ane Mbɔ̧ɔ̧mà mbɨ̀Ꞌɨ̀ taa ghɨ̌ bɔɔ bɔ mèmpème kàlìà. Ngɔ̀ŋ li me laꞋ nê yeà mbùꞋà, Mbɔ̧ɔ̧mà wu tàa ka fɨ̀te la yaŋe kàꞋà àwa mèmpème màa.

Ètsə 12:15

Nyà̧kàbɔ̀ŋ yu tɨɨ mèleb a ètsəê vi mbɨ̀Ꞌɨ̀ èdzî ntsàà akwen àvi wu mbɨ̀Ꞌɨ̀ mèleb mu nàa ŋeꞋe atò enɨ gha.

Ètsə 13:12

Nyà̧mɔ̀Ꞌ mbì yu ŋa mètàŋ kèkweelè mi abua tò, tà me ghɨ èghɨ a mbì tò. Ngɨ̀ sitsǎꞋ nè bòt bu bɔɔ ntsèka a sitsǎꞋ la bàgème e me wùꞋte nyà̧mɔ̀Ꞌ mbì yu fɨŋ yu li ngua nga mbùŋe atò la li nyɔ̂ la.

Ètsə 17:8

Nyà̧mɔ̀Ꞌ mbɔŋ à li ndze la li ndzaã ngu yu̧, ka nè àfɨ̀Ꞌ yaa tà te ntsě yu̧. È bele nyaŋe edzəâ a èbem ebɨ lu kà ye ndìa la, eghǎ bɔɔ bùŋè atò. AfɨꞋa bòt sitsǎꞋ bu bɔ̀ le kaꞋa shɨ tèlen tɔb a èbem àkata mèmpème a mèmbùꞋu ngɔ̀ŋ la àa ye nyà̧mɔ̀Ꞌ yu la, aa taꞋa tsè àwɔb, nkàà nê tà li ndzaã ngu yu̧, ka nè àfɨ̀Ꞌ yaa tà kà tsi ngu yu̧, mbɔ̂ ngu è li e mě kɨꞋɨ.

Ètsə 21:27

Ka àghɨa kàbɔ̀ŋ ko àa li nyi a èbèm la à ka wuê, fɔɔle nê bòt bɔ̀ɔ ngɨ̀à èbɨꞋte mènəè, kò fɨ̀ta la leꞋ. Bòt bu bɔ li shɨ tèlen tɔb a èbem àkatè mèmpème Wanjɨ̀ wu la, ka bɔ̀ɔ li e nyi a èbem àpfəèà nɨ̧ a mbɔŋ la.

Ètsə 3:10

Mâ shu nê ndɨ̀ wu bɨ kuule mèntɨ̧ɨ̧ mɨ̧ ngɨ̀ mbɨ̀Ꞌɨ̀ mâ shu la, maa baaba awɨ̧ àfɨꞋa màa nɨ ngoꞋ enyɔ̀Ꞌte bòt sitsǎꞋ bàgème la.

Ètsə 3:20

Bɨ̀ ye, e ngua ètsələèꞋ mâ tɨ̧ me luꞋte la, wòt zəèa àtɔŋ am ntsɔ̀Ꞌɔ ètsələèꞋ, ko maa nyi a lob e wu ne tò, ba tò àa jɨ èghɨjɨ nɔ̂.

Ètsə 3:5

Wòt kùùla èntɨ̧ɨ̧ vi nùà tè ntsèà, ko tàa li kwaã ndìte kèfə, è nka mè ngu tsì èlen tò a èbem àkata mèmpème. Maa li mě tɨ̧ɨ̧ a mbì Tǎt am nè bɔntu̧ bi e shu nê tà wu wòt am.

Ètsə 5:12

Bɔ me kɔ̧a ŋȩ̀a shua nê, “Wanjɨ̀ wu bɔ li mbùŋè la è kùꞋa màmbɔ mètàŋ, nè èghɨ nyaŋ nè èyì mè nè ènɨ̧. TsiꞋ bòt è ŋa kènuke abua tò, ngùꞋtè atò mè nkɔ̀ŋkè atò.”

Ètsə 5:13

AfɨꞋa mbɔŋ e ndzə àtɔŋ àghɨ yu̧ àgème nkɔ̧̀a la. À yea à wua a ègwet la, nè sitsǎꞋ, nè èten sitsǎꞋ, fɔɔle ne è bu a èbem mèleb la, e me kɔ̧a shua nê, “Ba wùꞋta wòt wu tà tseke a ègwet àtɨ̧a kèfɔ̧̀ yu la bɔ̂ Wanjɨ̀ wu. Bà ŋa kènuke abua tò, nkɔ̀ŋkè atò. TsiꞋ ènɨ̧ nè mètàŋ è wu mɔb ane àlia nè àlia!”

Ètsə 6:1

AfɨꞋa mbɔŋ e me ye Wanjɨ̀ wu nà̧à̧nè àdziꞋa mbì ane èdziꞋi èmènà bu besà̧à̧mbe ane àkatè yu la. Tà nà̧à̧nè ale e me zə àghɨ ko ane èghɨ bu bekwì è wu yu̧ la a ŋȩ ane àtɔŋ ko mbɨ̀Ꞌɨ̀ èfâŋ nê, “KɨꞋɨ!”