Ètsə 13:6 - Mundani

⁶ Tà bùꞋ me làꞋa kàbɔ̀ŋ adù̧ Mbɔ̧ɔ̧mà, ndàꞋà mènəè kàbɔ̀ŋ ane èlen Mbɔ̧ɔ̧mà nè àdziꞋa tàa ntsèka la, mè nè bòt bu bɔ̀ɔ ntsèka a ègwet la.

Ètsə 13:6 ပူးပေါင်းရင်းမြစ်များ

Matìù 12:34

Bɨ̀a àndǎ̧ nyaãtekàbɔ̀ŋ! BetsiꞋa bɨ ko ndàꞋà ntsɔ̧̀ na nè ndɨ bɨ̀ wu bòt kàbɔ̀ŋ la à? Ètsəê wòt aà ndàꞋà wuê àghɨa àa èbem èntɨ̧ɨ̧ tò la.

Matìù 15:19

Ngu nê èghɨ àa ndzəa èntɨ̧ɨ̧ wòt la ka àa ngɨ̀à tà bɔ mèmɨ̀ɨ̀te kàbɔ̀ŋ, a màmbuŋa wɔ̀bȩ̂, mànjɨa àbȩ, màpaꞋte wòt kà bɨ tò eyɔꞋ, màntsɔa, màndzia mèfà̧ àtsəa bòt, mè nè màntsoke èlen wòt.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Lûm 3:13

“BetsiꞋa mènəè bɔ̀ɔ ndàꞋà la bùŋè wòt, tèlɨ̧ tɔb te lu̧u̧ ne mèfà̧.” “Mèngǎ̧ nàa ndzəèà ètsəê wɔb la nàà mbɨ̀Ꞌɨ̀ àtsòŋa nyà̧kàbɔ̀ŋ.”

Kɔ̀losìà 1:19

Aa ale nkàà nê, Mbɔ̧ɔ̧mà li nkɔ̀ŋkè e ghɨ̌ Waã vi naa bê wu wuê mbɨ̀Ꞌɨ̀ zia zìambɔŋ ane èghɨ ègème.

Kɔ̀losìà 2:9

Bɨ̀ lùùlà èwuu mènəè maa nkàà nê Yesò Klistò wu bɔ bi atò mbɨ̀Ꞌɨ̀ wɔ̀bȩ̂ la, bê ngu wuê mbɨ̀Ꞌɨ̀ Mbɔ̧ɔ̧mà ane balu̧ bàgème,

Ebùlù 9:2

Bɔ li mvəè àyò àko, mbɔ̂ nga a èbem àtsəa mbì yu bɔ̀ɔ ntɔ nê àdziꞋa ntsèm a Mbɔ̧ɔ̧mà la, ngɨ̀ àghɨa bɔ̀ɔ ntsia èkaꞋà a ègwet la, nè èkɔꞋ mè nè bled wu bɔ tɔ èlen Mbɔ̧ɔ̧mà adù̧ la.

Ebùlù 9:24

Yesò Klistò li tà kà nyi àtsəalob ntsèm a Mbɔ̧ɔ̧mà yu wɔ̀bȩ̂ è ghɨ̂, a fəə ngule a yu a ègwet la. Tà li nkɔꞋ ngà a ègwet, àdziꞋa tà wu a mbì Mbɔ̧ɔ̧mà àfɨ̀Ꞌ yaa ambo ya la.

Ètsə 11:12

AfɨꞋa mbɔŋ bèndàꞋàtɔŋ Mbɔ̧ɔ̧mà bu babe la e zə àtɔŋ ko a dzə a ègwet la a shu abua yɔb nê, “Bɨ̀ kɔꞋɔ àdzìꞋ yaa.” Mbɨ̀Ꞌɨ̀ bɔ̀ɔ kɔ̀Ꞌɔ̀ ngà a ègwet a èbem mbàꞋ la, bɔmbù̧ bɔb e ye awɔb ndɨ bɔ ghà la.

Ètsə 12:12

È wu ale, tsiꞋ ègwet nè bòt bu a ègwet la è wùꞋtè àwɔb! Ka ngoꞋ naa wua sitsǎꞋ nè èbèm èdzî, nkàà nê Satàn e chu a si nè àlɨ̀ŋ àghɨ a zi, ndɨ̀ wu tà ko nê àfɨ̀Ꞌ àzi a nyɨꞋ la.”

Ètsə 15:5

Mbɨ̀Ꞌɨ̀ àyaa a tsè la, e ndȩ̀ me ye àtsəalob ntsèm a Mbɔ̧ɔ̧mà yu a èbem àyòa mènkàꞋa kèkweele tò a ègwet la, a tɨ̧ɨ̧ jìa.

Ètsə 18:20

Ègwet, wùꞋtè àwê nkàà ndɨ tà kwen la. Bòt Mbɔ̧ɔ̧mà nè bɔntu̧ Mbɔ̧ɔ̧mà, nè bèndàꞋàtɔŋ Mbɔ̧ɔ̧mà leꞋ, bɨ̀ wùꞋtè àwɨ̧, Babilɔ̀n è kwen. Mbɔ̧ɔ̧mà nɔ̀ŋe ngoꞋ a ègwet tò nkàà àghɨa tà li ngɨ̀ ane yɨ̧ la.”

Ètsə 21:3

E me zə àtɔŋ ko a dzəê adù̧ àtɨ̧a kèfɔ̧̀ yu è shuê nê, “Bɨ̀ ye, àpfəèà Mbɔ̧ɔ̧mà a kɨꞋɨ tê ntsìꞋi a kètsìà bɔbȩ. Taa me tseke bɔ̂ tò ba, bɔ̀ɔ wu bòt tò, Mbɔ̧ɔ̧mà wu zìambɔŋ naa mě wu Mbɔ̧ɔ̧mà wɔb.

Ètsə 4:1

Mènəè maa ègème tsè e mè ndze àtsə, me ye ètsələèꞋ ko etsɔꞋɔ a ègwet. E ndzə àtɔŋ yu a li ndàꞋà abua am mbɨ̀Ꞌɨ̀ èsɔndɨk la, a nê “KɔꞋ àdziꞋ yaa mbɨ̀Ꞌɨ̀ maa nyɨꞋte àwê èghɨ è bele kaa ghɨ̀ la.”

Ètsə 4:4

Ètɨ̧ kèfɔ̧̀ ko èghem yebe ntsɔ̀b bekwì e ghaalè àtɨ̧a mbɔŋ. Bɔɔjuŋ ko èghem yebe ntsɔ̀b bekwì e tseke a ègwet ètɨ̧ bu, nkwaãaã ndìte kèfə, mè nkaãaã ntà̧ kèfɔ̧̀ bɔ nɨa goêl ngɨ̀ la.

Ètsə 5:13

AfɨꞋa mbɔŋ e ndzə àtɔŋ àghɨ yu̧ àgème nkɔ̧̀a la. À yea à wua a ègwet la, nè sitsǎꞋ, nè èten sitsǎꞋ, fɔɔle ne è bu a èbem mèleb la, e me kɔ̧a shua nê, “Ba wùꞋta wòt wu tà tseke a ègwet àtɨ̧a kèfɔ̧̀ yu la bɔ̂ Wanjɨ̀ wu. Bà ŋa kènuke abua tò, nkɔ̀ŋkè atò. TsiꞋ ènɨ̧ nè mètàŋ è wu mɔb ane àlia nè àlia!”

Ètsə 7:15

È wu ale, Eyaa wu lə bɔ wu a mbì àtɨ̧a kèfɔ̧̀ Mbɔ̧ɔ̧mà, fàꞋà ngùꞋtà tò a èbem lob tò nèngû̧ nè ètsəꞋ la. Wòt wu tà tseke a ègwet àtɨ̧a kèfɔ̧̀ yu la, nàà wu ne nɔ̀b mbààba awɔb.

Ètsə 7:9

Àyaa a tsè ale, e mè ndȩ̀ me ye ndze mènɔ̧̂ bòt kwàꞋ ànyaꞋne, kà wòt wu ko e pà̧aã. Bòt ngaa e li ndzəèa èlaꞋ ègème, nè èndà̧ ègème nè tèwuute bòt tègème, mè nè ndɨ̧ tègème. Bɔ li nkwaãaã ndìte kèfə mè mbèà èwumaŋ àbu bɔb, ntɨ̧̀ɨ̧̀te a mbì àtɨ̧a kèfɔ̧̀ yu nè Wanjɨ̀ wu a ngèt la.