အွန်လိုင်း သမ္မာကျမ်းစာ

« အရင်

နောက်တစ်ခု »

Ètsə 13:15 - Mundani

¹⁵ Bɔ sà nyà̧mɔ̀Ꞌ kwèn yu tà yèènè fo mèmpème ane wamâlem wu bɔ̀ɔ nɨa ngùꞋtà nyà̧mɔ̀Ꞌ mbì yu la, mbɨ̀Ꞌɨ̀ ghɨ̌ tàa me làꞋa, e mě ghɨ̌ tàa bùŋe bòt bɔ tu̧u̧ wùꞋte atò la.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Ètsə 13:15
25 ပူးပေါင်းရင်းမြစ်များ

Jimsì 2:26

Ale, mbɨ̀Ꞌɨ̀ ndɨ mbɨ̧̀ ènyit kà ye fo wu àpfəꞋte àghɨ la, wu wuê a èlɨ mbɔŋ wòt zìà èntɨ̧ɨ̧ vi ane Mbɔ̧ɔ̧mà ka mbàkà wua fàꞋà mbɨ̀Ꞌɨ̀ Mbɔ̧ɔ̧mà kɨa la èntɨ̧ɨ̧ mbɔŋ e wu àpfəꞋte mɨ̧̂ la.

အခန်းကိုကြည့်ပါ။

Ètsə 13:1

E ndze nyà̧mɔ̀Ꞌ nkɔ̀Ꞌa a èbem *èdzî, è bɔ̀ ndɔŋtsə èghem nè ètsə besà̧à̧mbe. Ntà̧ nàà nyɨ̀Ꞌta mètàŋ tò la è wu a ègwet ndɔŋ ègème, àtsə àgème a bɔ èlen ko tsa àa ndàꞋa kàbɔ̀ŋ adù̧ èlen Mbɔ̧ɔ̧mà la.

အခန်းကိုကြည့်ပါ။

Ètsə 13:12

Nyà̧mɔ̀Ꞌ mbì yu ŋa mètàŋ kèkweelè mi abua tò, tà me ghɨ èghɨ a mbì tò. Ngɨ̀ sitsǎꞋ nè bòt bu bɔɔ ntsèka a sitsǎꞋ la bàgème e me wùꞋte nyà̧mɔ̀Ꞌ mbì yu fɨŋ yu li ngua nga mbùŋe atò la li nyɔ̂ la.

အခန်းကိုကြည့်ပါ။

Ètsə 13:14

Tà nɨ ngɨŋa mènəè mu bɔ sa atò nê tà ghɨa a mbì nyà̧mɔ̀Ꞌ mbì yu la, nɨŋ fɨ̀te bòt sitsǎꞋ bàgème. Nyà̧mɔ̀Ꞌ yu ghɨ̀ bɔ kɔ̧ wamâlem kǒ bɔ̀ɔ me nɨa ngùꞋtà nyà̧mɔ̀Ꞌ mbì yu bɔ li nɨ nyi ndzì fɨŋ ane tò, tà bɔ mbèle yû̧ la.

အခန်းကိုကြည့်ပါ။

Ètsə 14:11

NdiꞋte èwet wu ntò̧à àwɔb la, te me kɔꞋɔ ngà a ègwet ane àlia nè àlia. Bɔ̀ɔ̀ wàa bàgème bɔ̀ɔ ngùꞋtà nyà̧mɔ̀Ꞌ yu nè wamâlem tò wu la, mè mbɔ àlȩê èlen tò ane yɔb la, è ka li bɔ mèndzète ane àlia ègème, nèngû̧ kò ètsəꞋ leꞋ a.”

အခန်းကိုကြည့်ပါ။

Ètsə 14:9

Wekǒ nè wantu̧ Mbɔ̧ɔ̧mà, è wu we betat la, è kùŋè àwɔb, me ŋȩ ane àtɔŋ nɨ̧ shua nê, “Wòt tà wùꞋte nyà̧mɔ̀Ꞌ yu, nè wamâlem tò wu, mè mbɨ̧̀ɨ̧̀ne bɔ zì àlȩê a èsi tò kò adù̧ àbu atò leꞋ la,

အခန်းကိုကြည့်ပါ။

Ètsə 16:2

A làꞋà ale wantu̧ mbì ghà ntsəè è li ne èpfəèꞋ a sitsǎꞋ. Tà tsəè ale, fɨŋtsə te bê ntu ane bòt bu bɔ bɔ àlȩê a nyà̧mɔ̀Ꞌ yu, mè me wùꞋte a wamâlem tò wu la. Fɨŋ te mbɔŋ te taꞋa wua sàa.

အခန်းကိုကြည့်ပါ။

Ètsə 16:5

E me zə wantu̧ Mbɔ̧ɔ̧mà wu àtsəa àfàꞋ atò wu màndȩa mèleb la nê, “Àwɔ̀ wu à wuê ndàꞋà Mbɔ̧ɔ̧mà la, Àwɔ̀ wu àa və mè ndzaŋe wu tea mèmbùꞋu la, Àà saꞋa mènəè mê wuê ndɨŋndɨ̀ŋ.

အခန်းကိုကြည့်ပါ။

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

အခန်းကိုကြည့်ပါ။

Ètsə 17:17

Mbɔ̧ɔ̧mà zi a mèntɨ̧ɨ̧ mɔb nê bɔ ghɨ̀ wuê àghɨa yèa nkɨ̀a nê à wu la, ngu ane ètsəê wemɔꞋ, ŋa lèfɔ̧̀ wɔb abua nyà̧mɔ̀Ꞌ yu, mbɨ̀Ꞌɨ̀ àghɨ àgème aa ghɨ̀ mbɨ̀Ꞌɨ̀ ye li shu nê aa wu la.

အခန်းကိုကြည့်ပါ။

Ètsə 17:6

E mè me ye àvi ngaa be àlo̧ a bòt Mbɔ̧ɔ̧mà tà nu la, nè àyea bòt bu bɔ bùŋè àwɔb nkàà ndɨ bɔ̀ɔ ndàꞋà èngǎ̧ Yesò la. Mâ ye atò ale a taꞋa tsè am.

အခန်းကိုကြည့်ပါ။

Ètsə 18:20

Ègwet, wùꞋtè àwê nkàà ndɨ tà kwen la. Bòt Mbɔ̧ɔ̧mà nè bɔntu̧ Mbɔ̧ɔ̧mà, nè bèndàꞋàtɔŋ Mbɔ̧ɔ̧mà leꞋ, bɨ̀ wùꞋtè àwɨ̧, Babilɔ̀n è kwen. Mbɔ̧ɔ̧mà nɔ̀ŋe ngoꞋ a ègwet tò nkàà àghɨa tà li ngɨ̀ ane yɨ̧ la.”

အခန်းကိုကြည့်ပါ။

Ètsə 18:24

Àlo̧ a bèndàꞋàtɔŋ Mbɔ̧ɔ̧mà, nè àyea bòt Mbɔ̧ɔ̧mà, ndɔ̀Ꞌ nè àyea waa waa bɔ li mbùŋe a sitsǎꞋ la, à le wu a èbem àpfəèa mbɔŋ.”

အခန်းကိုကြည့်ပါ။

Ètsə 19:20

Bɔ nù ale mbà̧aã nyà̧mɔ̀Ꞌ yu mbɨ̀Ꞌɨ̀ àbùꞋ a èbet, mè baãaã ndàꞋàtɔŋ fɨ̀te wu tà li ngua ngɨ̀à mènəè ngɨŋa a mbì tò fɨ̀ta bòt la. Tà li ngua fɨ̀ta bòt bu bɔ bɔ àlȩê nyà̧mɔ̀Ꞌ yu ane yɔb, mè me kukte a wamâlem tò wu la. Bɔ ghɨ̀ ale, màꞋà nyà̧mɔ̀Ꞌ yu bɔ̂ ndàꞋàtɔŋ fɨ̀te wu èyu̧ a èbem èwet ko àa mbɨ̀Ꞌɨ̀ èlemè nkòòla nè èkem adù̧ la.

အခန်းကိုကြည့်ပါ။

Ètsə 20:4

E mè ndzè ètɨ̧ kèfɔ̧̀ bɔ ŋa mètàŋ abua bòt bɔ tsekte a ègwet la, bɔɔ me saꞋa mènəè. Mè ndzě èlɨ̀ŋkè bòt bu bɔ li ndòòte ètsə bɔb nkàà ndɨ bɔ̀ɔ shua nê bɔ bɨ̧ɨ̧ne ane Yesò Klistò, mè me làꞋa èngǎ̧ Mbɔ̧ɔ̧mà la. Eyaa wu bòt bu bɔ li bɔ̀ kà wuꞋtè nyà̧mɔ̀Ꞌ yu bɔ̂ wamâlem tò wu la, mè ntu̧ enɨ àlȩê tò yu a mèsi mɔb nè èbu bɔb la. Bòt mbɔŋ e li njù̧ù̧me me baãaã èlaꞋ bɔ̂ Yesò Klistò ba mbɨ̀Ꞌɨ̀ bèfɔ̧̀ ane mèngùꞋebȩ tɔsì.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ