Ètsə 12:17 - Mundani

¹⁷ A ghɨ̀ ale, dlagɔ̀n wu tsǒ ane àvi wu kwàꞋ ànyaꞋne, tè ngà è màꞋà èbet nè àbəꞋa bòt àndǎ̧ atò, è wu bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mè bɨ̧̀ɨ̧̀ne nê èghɨ bu Yesò nyɨꞋte la wu nkûŋ la. Dlagɔ̀n wu tɨ̧ɨ̧ a ngèt *èdzî.

Ètsə 12:17 ပူးပေါင်းရင်းမြစ်များ

Matìù 28:20

mbɔ̂ nyɨ̀Ꞌte awɔb nê bɔ̀ me ghɨ̌ àghɨ àgème e ndi shu awɨ̧ la, nko nê maa wu nè nɨ̧̀ tê ghǎ dzəâ àfɨꞋa ngɔ̀ŋ nàa li lìà la.”

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

1 Kɔlìn 2:1

Bɔnyɨ bɔ̧, e ndi nkɨ̀Ꞌɨ̂ me làꞋa mènəè mu Mbɔ̧ɔ̧mà ghɨ̂ ba ko ane ànəa Yesò la abua yɨ̧ ale, è nka wua nyɨ̀Ꞌta wɨ̧ nê maa nkòa ndàꞋà, è nka wua nyɨ̀Ꞌta èyì.

1 Pità 5:8

Bɨ̀ me baabe ènyit yɨ̧ mè nkoa wɨ̧, nkàà nê Satàn wu tà wu wɔ̀mbù̧ wɨ̧ la, nàà ngèèba mbɨ̀Ꞌɨ̀ sambàŋ ndzìte tò tèa nkua la, nkɨà wòt tàa kwele la.

1 Jɔ̌n 2:3

Ba me ghɨ̀ àghɨa Mbɔ̧ɔ̧mà shua la, ba ko nê ba ko atò.

1 Jɔ̌n 5:10

È wu ale, waa waa tà zi èntɨ̧ɨ̧ vi ane Waã Mbɔ̧ɔ̧mà la è bɨ̧ɨ̧ne nê mènəè maa Mbɔ̧ɔ̧mà shu la wu nkûŋ. Waa waa tà baka zi èntɨ̧ɨ̧ vi ane Mbɔ̧ɔ̧mà la wua shua nê Mbɔ̧ɔ̧mà wu wòt mèfà̧, nkàà nê tà bakà bɨ̧ɨ̧ne ànəa Mbɔ̧ɔ̧mà shu ane Waã vi la.

1 Jɔ̌n 5:2

Ba me kɔ̀ŋka Mbɔ̧ɔ̧mà ngɨ̀à àghɨa tà shu la, ba bɔ ndɨ bàa me kɔ̀ŋkè bɔ̧ tò la mɨ̧̂.

Ètsə 1:2

Jɔ̌n li shu bòt èngǎ̧ Mbɔ̧ɔ̧mà nè nkûŋ yu Yesò Klistò e nyɨꞋte atò la.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

Ètsə 11:7

AfɨꞋa bɔ̀ɔ paa a màndaꞋa èngǎ̧ Mbɔ̧ɔ̧mà wu la, nyà̧mɔ̀Ꞌ nàa kɔꞋ a si a èbem èbɨ lu kà ye ndìa la, e nû etsě àwɔb, e mbùŋè àwɔb.

Ètsə 12:16

Ka sitsǎꞋ tɨŋe àvi wu, ngàꞋa ètsəê vi mɨ̀ɨ̀lè mèleb mu dlagɔ̀n wu è tɨɨ a ètsəê vi la.

Ètsə 13:7

Bɔ mè sa atò nê tà màꞋà èbet adù̧ bòt Mbɔ̧ɔ̧mà nù àwɔb ntsè. Mè ŋa atò mètàŋ nê tà me baãaã èndà̧ ègème, nè èlaꞋ ègème, nè bòt bɔ̀ɔ ndàꞋà ndɨ̧ tègème la.

Ètsə 14:12

Ale, a nyɨꞋtè nê bòt Mbɔ̧ɔ̧mà è kuule mèntɨ̧ɨ̧ mɔb, bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mèè me kùŋa Yesò nè èntɨ̧ɨ̧ wɔb wemɔꞋ la.

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

Ètsə 17:6

E mè me ye àvi ngaa be àlo̧ a bòt Mbɔ̧ɔ̧mà tà nu la, nè àyea bòt bu bɔ bùŋè àwɔb nkàà ndɨ bɔ̀ɔ ndàꞋà èngǎ̧ Yesò la. Mâ ye atò ale a taꞋa tsè am.

Ètsə 18:20

Ègwet, wùꞋtè àwê nkàà ndɨ tà kwen la. Bòt Mbɔ̧ɔ̧mà nè bɔntu̧ Mbɔ̧ɔ̧mà, nè bèndàꞋàtɔŋ Mbɔ̧ɔ̧mà leꞋ, bɨ̀ wùꞋtè àwɨ̧, Babilɔ̀n è kwen. Mbɔ̧ɔ̧mà nɔ̀ŋe ngoꞋ a ègwet tò nkàà àghɨa tà li ngɨ̀ ane yɨ̧ la.”

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

Ètsə 19:19

E mè ndze nyà̧mɔ̀Ꞌ yu bɔ̂ bèfɔ̧̀ sitsǎꞋ nè bèshujà bɔb bɔ taŋkè e màꞋà èbet adù̧ wòt wu tà tseke a ègwet loà wu la bɔ̂ èbi nê bèshujà.

Ètsə 20:4

E mè ndzè ètɨ̧ kèfɔ̧̀ bɔ ŋa mètàŋ abua bòt bɔ tsekte a ègwet la, bɔɔ me saꞋa mènəè. Mè ndzě èlɨ̀ŋkè bòt bu bɔ li ndòòte ètsə bɔb nkàà ndɨ bɔ̀ɔ shua nê bɔ bɨ̧ɨ̧ne ane Yesò Klistò, mè me làꞋa èngǎ̧ Mbɔ̧ɔ̧mà la. Eyaa wu bòt bu bɔ li bɔ̀ kà wuꞋtè nyà̧mɔ̀Ꞌ yu bɔ̂ wamâlem tò wu la, mè ntu̧ enɨ àlȩê tò yu a mèsi mɔb nè èbu bɔb la. Bòt mbɔŋ e li njù̧ù̧me me baãaã èlaꞋ bɔ̂ Yesò Klistò ba mbɨ̀Ꞌɨ̀ bèfɔ̧̀ ane mèngùꞋebȩ tɔsì.

Ètsə 22:14

Ntsɔ̧̀ wu bòt bu bɔ shùu ndǐ tɔb tè te fəətè la. Wu àdziꞋa yɔb bɔ̀ɔ jɨ tètaãaãte àyɨt yu àa ŋa mèmpème la, e mě tse a ètsəêkaã àpfəèà nɨ̧ yu enyi a èbèm.

Ètsə 6:9

ÀfɨꞋa tà nà̧à̧nè àdziꞋa àmènà yu betà̧â̧ la, e ndze èlɨ̀ŋkè bòt bu bɔ li mbùŋè àwɔb nkàà ndɨ bɔ li ngua ntsɔ̀tà èngǎ̧ Mbɔ̧ɔ̧mà mè me shu nê bɔ̀ bɨ̧ɨ̧ne èngǎ̧ mbɔŋ la. Èlɨ̀ŋkè mbɔŋ e li ngu a èten àdziꞋ yu bɔ̀ɔ ntò̧à banyà̧ ŋa abua Mbɔ̧ɔ̧mà la.