အွန်လိုင်း သမ္မာကျမ်းစာ

« အရင်

နောက်တစ်ခု »

Ètsə 11:3 - Mundani

³ E mè ngu ŋa mètàŋ abua bòt babe, bɔ̀ɔ ndàꞋà èngǎ̧ am la, bɔ̀ɔ kwaãaã èpfəə elaꞋa èngǎ̧ Mbɔ̧ɔ̧mà ane èlibȩ tɔsì nè ènkɨ̀ yebe nè èghem yentùa.”

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Ètsə 11:3
43 ပူးပေါင်းရင်းမြစ်များ

Matìù 11:21

“Aa li bɨa wɨ̧ bɨ̀a bòt Kolazìn, aa li bɨa wɨ̧ bɨ̀a bòt Bèsedà! Bɔ li ngɨ̀ ale ngɨ̀ tèwuute ènəê taà bɔ ghɨ a kètsìà wɨ̧ la àlaꞋ a bòt Tȩê nè Sidɔ̀n, ko bɔ li dzaŋe kwaã epfəə, mè fəèꞋəè muttsə ane yɔb, enɨ nyɨꞋte nê bɔ waꞋa mènəè kàbɔ̀ŋ mɔb.

အခန်းကိုကြည့်ပါ။

Matìù 18:16

Mbə à shu ale, tà bakà bɨ̧̀ɨ̧̀ne nê ye fà̧, à mè nɨ wòt kǒ wemɔ̀Ꞌ kò babe leꞋ nkwèꞋne ane yê ka bɨ ghà mè ndaꞋa abua tò mbɨ̀Ꞌɨ̀ bòt bàa aa zə emě ko shu ànəa àgème bɔ zə la.

အခန်းကိုကြည့်ပါ။

Lûk 10:13

“Aa li bɨa wɨ̧ bɨ̀a bòt Kolazìn, aa li bɨa wɨ̧ bɨ̀a bòt Bèsedà! Bɔ li ngɨ̀ ale ngɨ̀ tèwuute ènəê taà bɔ ghɨ a kètsìà wɨ̧ la àlaꞋ a bòt Tȩê nè Sidɔ̀n ko bɔ li dzaŋe kwaã epfəə, mè fəèꞋəè muttsə ane yɔb, enɨ nyɨꞋte nê bɔ waꞋa mènəè kàbɔ̀ŋ mɔb.

အခန်းကိုကြည့်ပါ။

Lûk 24:48

Bɨ wu bòt bɔ ye mè nko èghɨ bàa la.

အခန်းကိုကြည့်ပါ။

Jɔ̌n 15:27

Bɨ̀a mbɔŋ e bɔ ndɨ bɨ̀a laꞋa ànəa bɨ ko ane yaã la, nkàà nê bɨ li ngu ba nɨ̧̀ ba kwàꞋ àfɨ̀Ꞌ yu e ndi mbùꞋ me nyɨꞋte mènəè maa la.

အခန်းကိုကြည့်ပါ။

Jɔ̌n 3:27

Bɔ làꞋ ale, Jɔ̌n bɨ̀ɨ̀lè nê, “BetsiꞋa à ka wu ane wòt ale, kà wu Mbɔ̧ɔ̧mà tà ghɨ̀ la.

အခန်းကိုကြည့်ပါ။

ÀfaꞋa 1:8

È me wu awɨ̧ ko Fo Kèfə naa zǐ mètàŋ ane yɨ̧, bɨa ghǎ e me shu ànəa bɨ ye mè nko ane yaã la abua bòt Jèlusalèm, nè bòt àlaꞋ a Jùdià nè Sàmalìà, mè nè bòt èlaꞋ ko tsa a sitsǎꞋ ŋàa.”

အခန်းကိုကြည့်ပါ။

ÀfaꞋa 13:31

tà nyɨ̀Ꞌte avi ane èli nyaŋ bua bòt bu bɔ̂ tò ba e li ngȩȩne a Galìlî nga a Jèlusalèm la. Bòt ngaa ka bɔ̀ɔ shua bòt Izəèlȩê àghɨa bɔ̀ le ye mè nkoê ane Yesò la.

အခန်းကိုကြည့်ပါ။

ÀfaꞋa 2:32

Bàa mbɔŋ ba yè nê àghɨ aya mè nko nê, Mbɔ̧ɔ̧mà ghɨ̂ Yesò waa yù̧ù̧me.

အခန်းကိုကြည့်ပါ။

ÀfaꞋa 3:15

Eyaa wu ndɨ bɨ li ngɨ̀ ka mbùŋè wòt wu tàa ŋǎ bɔbȩ ngule mèmpème kàlìà la. Ka Mbɔ̧ɔ̧mà li njù̧ù̧me atò tè bàambɔŋ e ye mè nkoê.

အခန်းကိုကြည့်ပါ။

1 Kɔlìn 12:28

Mbɔ̧ɔ̧mà tsia waa waa àdziꞋa zi a èbem chɔsì vi. Bòt mbì tà tsia la wu bɔntu̧ Yesò Klistò, me tsɔꞋɔ ntsia bèndàꞋàtɔŋ Mbɔ̧ɔ̧mà, ndɔ̀Ꞌ ntsia bènyɨꞋtà, nè bòt bɔ̀ɔ ngɨ̀à ngɨŋa mènəè la, nè bòt bɔ̀ɔ mbəa bòt la, nè bòt bɔ̀ɔ ntɨ̀ŋa bòt la, nè bòt bɔ̀ɔ mbà̧aã bòt la, ndɔ̀Ꞌ nè èbe bɔ̀ɔ ndàꞋà ane èwuu ndɨ̧tsə tsa tsa la.

အခန်းကိုကြည့်ပါ။

2 Kɔlìn 13:1

Eyaa wu ngò̧ tetat màa nkɨ mě kɨꞋɨ eye awɨ̧ la. E nkɨ̀Ꞌà, bɔ nɨa ànəa kàbɔ̀ŋ wòt ghɨ̀ la nɨŋ nkɨ̀Ꞌɨ̂ abua am, ko maa nyi a èbèm na bòt babe kò batat leꞋ e me ghà ne mbì e shua nê bɔ li ndze ndɨ ŋut ghɨa àghɨa ngaa la.

အခန်းကိုကြည့်ပါ။

Efesɔ̀s 4:11

Wu tòà tà li ŋà mèghàb abua bòt la. Tà li ngɨ̀ bòt ko ane bɔntu̧ Yesò, ngɨ̀ èbeko ane bèndàꞋàtɔŋ Mbɔ̧ɔ̧mà, ngɨ̀ èbeko ane bòt bɔ̀ɔ ntsɔ̀tà Ntu̧ Ntsɔ̧̀ Yesò la, ngɨ̀ èbeko ane bèmbaabà bòt Mbɔ̧ɔ̧mà, nè bènyɨꞋta èngǎ̧ Mbɔ̧ɔ̧mà.

အခန်းကိုကြည့်ပါ။

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

အခန်းကိုကြည့်ပါ။

Ètsə 11:2

Ka à kà fɨ̀Ꞌtè àsà̧aã yu a mbì lob nɨ̧ Mbɔ̧ɔ̧mà la, nkàà nê bɔ nɔ̀ŋè àdziꞋa mbɔŋ abua bòt kà ko a Mbɔ̧ɔ̧mà. Bɔ̀ɔ li kɨꞋɨ etɔ̀Ꞌte àpfəèà nɨ̧ a mbɔŋ, bòt Mbɔ̧ɔ̧mà àa ntsèka la edàŋke a si ane mèŋu èghem yekwì ntsɔ̀b yebe.

အခန်းကိုကြည့်ပါ။

Ètsə 11:6

Bɔ bɔ mètàŋ e kele mbɨ̀ŋ a ègwelebuule, tè naa baka chu ane èli bu bɔ̀ɔ ndàꞋà èngǎ̧ Mbɔ̧ɔ̧mà la. Bɔ mè mbɔ̀ mètàŋ ndɨ betsiꞋa bɔ gheble mèleb è tsìꞋi àlo̧ la, mè mbɔ̀ mètàŋ a màntsaa ngoꞋtsə tsa tsa a sitsǎꞋ, mbɨ̀Ꞌɨ̀ bɔ kɔ̀ŋkè la.

အခန်းကိုကြည့်ပါ။

Ètsə 12:6

Àvi wu lùùlà nga àbâ àlaꞋ àyuube, àdziꞋa Mbɔ̧ɔ̧mà e taŋke abua tò, ejɨ atò ane èlibȩ tɔsì nè ènkɨ̀ yebe nè èghem yentùa la.

အခန်းကိုကြည့်ပါ။

Ètsə 13:5

Bɔ li sà nyà̧mɔ̀Ꞌ yu tà me ghɨ̀ ètsəê ndàꞋà mèngǎ̧ kàbɔ̀ŋ ane èlen Mbɔ̧ɔ̧mà, bɔ bɔ̂ ŋa atò mètàŋ nê tà me ghɨ̀ ale ane èŋu èghem yekwì ntsɔ̀b yebe.

အခန်းကိုကြည့်ပါ။

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

အခန်းကိုကြည့်ပါ။

Ètsə 20:4

E mè ndzè ètɨ̧ kèfɔ̧̀ bɔ ŋa mètàŋ abua bòt bɔ tsekte a ègwet la, bɔɔ me saꞋa mènəè. Mè ndzě èlɨ̀ŋkè bòt bu bɔ li ndòòte ètsə bɔb nkàà ndɨ bɔ̀ɔ shua nê bɔ bɨ̧ɨ̧ne ane Yesò Klistò, mè me làꞋa èngǎ̧ Mbɔ̧ɔ̧mà la. Eyaa wu bòt bu bɔ li bɔ̀ kà wuꞋtè nyà̧mɔ̀Ꞌ yu bɔ̂ wamâlem tò wu la, mè ntu̧ enɨ àlȩê tò yu a mèsi mɔb nè èbu bɔb la. Bòt mbɔŋ e li njù̧ù̧me me baãaã èlaꞋ bɔ̂ Yesò Klistò ba mbɨ̀Ꞌɨ̀ bèfɔ̧̀ ane mèngùꞋebȩ tɔsì.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ