Ètsə 11:17 - Mundani

¹⁷ Bɔ li ngua shua nê, “Baa ŋa mèngùꞋte abua ye, Mbɔ̧ɔ̧mà Lefɨ̀Ꞌ Àtsèàngɔ̀ŋ wu, àa və mè ndzaŋe wu la. Ba kɔ̀ŋkè àwê ndɨ̀ wu a nɨ mètàŋ kèkweelè mê, tê mbùꞋ me baãaã ngɔ̀ŋ la.

Ètsə 11:17 ပူးပေါင်းရင်းမြစ်များ

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Lûk 10:21

AfɨꞋa mbɔŋ Fo Kèfə ghɨ̀ èntɨ̧ɨ̧ Yesò e lu̧u̧ nê mèngùꞋte, Tà nê, “Tê, Fɔ̧̀ ègwet nè sitsǎꞋ leꞋ, mâ kɔ̀ŋke àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la. Oò Tê, à li ngɨ̀ àyaa ane mènkɔ̀ŋke mê, mè nè ndɨ àa bɔ̀ àwê la.

Jɔ̌n 11:41

Ale, bɔ bɨŋè èti lu ntsì, Yesò lɔ̀ke àvi ndȩ̀ ègwet nê, “Tê, mâ taꞋa kɔ̀ŋke ndɨ̀ wu à yute èngǎ̧ am la.

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

2 Kɔlìn 9:15

Bà nkɔ̀ŋkà Mbɔ̧ɔ̧mà ane taꞋà àghɨa tà ŋa abua ya betsiꞋa wòt kà ko ndàꞋ ànəa yùà la.

1 Tɔ̀màtià 1:12

Maà ŋàa mènkɔ̀ŋke abua Yesò Klistò Lefɨ̀Ꞌ wa wu tà ŋa am mètàŋ ane àfàꞋ am la. Mâ kɔ̀ŋke atò ane ndɨ̀ wu tà ye nê, e ngu ngule wòt, mè ndȩ̀ am nê è me ghɨ̌ àfàꞋ àzi la.

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.

Ètsə 1:8

Mbɔ̧ɔ̧mà Lefɨ̀Ꞌ shu nê, “E ngu MèmbùꞋu nè Mèndìa. Wu mmɔ̌ wu màa və, e ndi ndzaŋe wu, mè ngu li ekɨꞋɨ la. Wu mmɔ̌ Àtsèàngɔ̀ŋ à.”

Ètsə 11:15

ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

Ètsə 15:3

Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.

Ètsə 16:14

Fo tàa wu bɔntu̧ Satàn, mbɔ̀ mètàŋ a màngɨa ènəê kà ye àfəa, ngà abua bèfɔ̧̀ sitsǎꞋ bàgème e fèta wɔb bɔɔ taŋke enû a Mbɔ̧ɔ̧mà Àtsèàngɔ̀ŋ ane àlia nɨ̧ yu tàa nyɨꞋte ntsǒ zi la.

Ètsə 16:5

E me zə wantu̧ Mbɔ̧ɔ̧mà wu àtsəa àfàꞋ atò wu màndȩa mèleb la nê, “Àwɔ̀ wu à wuê ndàꞋà Mbɔ̧ɔ̧mà la, Àwɔ̀ wu àa və mè ndzaŋe wu tea mèmbùꞋu la, Àà saꞋa mènəè mê wuê ndɨŋndɨ̀ŋ.

Ètsə 16:7

AfɨꞋa mbɔŋ e ndzə àtɔŋ ko a dzəâ adzìꞋ yu bɔ̀ɔ ntò̧à banyà̧ adù̧ ŋa abua Mbɔ̧ɔ̧mà la a nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, A wu wòt nkûŋ mè me saꞋa mènəè mê wuê ndɨŋndɨ̀ŋ!”

Ètsə 18:8

Eyaa bê ngu ndɨ ngoꞋ kèkeelè nàà kwene a ègwet tò àli yeamɔꞋ la. NgoꞋ mbɔŋ nàa ghɨ̌ àghɔ̧ aa baãaã atò, tàa tseke ane tèsȩ, ndzìtsə tea me kua tò, èwet aa mě tô̧ atò. Tàa li ye ngoꞋ nkàà nê wu Mbɔ̧ɔ̧mà Lefɨ̀Ꞌ wu tà bɔ mètàŋ la ka tà saꞋa atò la.”

Ètsə 19:11

ÀfɨꞋa mbɔŋ e me ye ègwet e ghaꞋà, e me ye ndzèa loà kèfə. Bɔ me tɔ wòt wu ta tseke a ègwet la nê wòt nkûŋ, betsiꞋa wòt lɨ̀Ꞌà àvi ane tò la. Tàà nɨ̀a nkûŋ ka sàꞋa mènəè mè nùà èbet.

Ètsə 19:6

ÀfɨꞋa mbɔŋ e ndzə àghɨ ko a nɔ̀ŋkè mbɨ̀Ꞌɨ̀ àtɔŋ ènɔ̧̂ bòt, me jùꞋù mbɨꞋɨ̀ mèdzî nàa nchua a ègwet èbȩ la, mè me jùꞋù mbɨꞋɨ̀ èfâŋ nkwàta la è shua nê, “Alèluyà! Lèfɔ̧̀ tsiꞋi abua Tǎt wa Mbɔ̧ɔ̧mà Àtsèàngɔ̀ŋ.