Ètsə 11:15 - Mundani

¹⁵ ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

Ètsə 11:15 ပူးပေါင်းရင်းမြစ်များ

Matìù 24:31

Bɔɔ li ntɔ taꞋà èsɔndɨk, tà tsàà bɔntu̧ bi bu a ègwet la àbȩ a bètɔ̀Ꞌa sitsǎꞋ bu bakwì la, bɔɔ ghǎ fete bòt bu tà làa ane ebi la, ebùꞋu àbâ ngɔ̀ŋ ko e ghǎ dzə ayea ko.

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Lûk 1:33

Taa li wu fɔ̧̀ àtsəa àndǎ̧ Jàkɔ̂b kà ye ndìa, kèfɔ̧̀ tò kà mee ngu li elìa.”

Lûk 15:10

Yesò ghɨ̀ ale, mè nê, “E ngu a si è shu awɨ̧ nê, ndɨ àvi wàa le lɔ̂Ꞌ ngùꞋtè àvi la, wu wuê èlɨ mbɔŋ bɔntu̧ Mbɔ̧ɔ̧mà àa ngùꞋtà àwɔb ane wòt kàbɔ̀ŋ wemɔ̀Ꞌ tà kubtè èntɨ̧ɨ̧ vi èsà mènəè kàbɔ̀ŋ mi la.”

Lûk 15:6

enɨ gha àpfəè. Mbɔ̂ ngɨ̀ ale nkàꞋà bèshu̧ bi nè bòt bu àpfəè yeamɔꞋ nè tò la nê, ‘Bɨ̀ bù̧ù̧te enu ndɔŋ ngùꞋtè àwɨ̧ ba nɨ̧̀ ba. Njɨ̀ yaã li nyɔ̂, ka mâ ye.’

ÀfaꞋa 4:26

Bèfɔ̧̀ ngɔ̀ŋ ŋaa nè bòt bɔ̀ɔ mbà̧aã èlaꞋ la e li ntàŋkê mbù̧ù̧tè a si, nê bɔ kɨ tsɔꞋɔ a Tǎt wa Mbɔ̧ɔ̧mà bɔ̂ Fɔ̧̀ tò wu tà li ndzɔꞋ etsàà la.’

Ebùlù 1:8

È bɔ è me wu ane ànəa Waã tò tà nê, “À wu Mbɔ̧ɔ̧mà, kèfɔ̧̀ wê ka li lɔ̀Ꞌɔ elìa. Àà mbà̧aã kèfɔ̧̀ wê wuê ane èlɨ è kùꞋù la.

Ètsə 10:7

ÀfɨꞋa wantu̧ Mbɔ̧ɔ̧mà wu, è wu we basà̧à̧mbe la è tɔ èsɔndɨk li la, mènəè ndò̧ Mbɔ̧ɔ̧mà nàa te, mbɨ̀Ꞌɨ̀ tà li shu bɔfàꞋ bi bu, è wu bèndàꞋàtɔŋ tò la, nê naa wu la.”

Ètsə 12:10

E me zə àtɔŋ ko a me ŋȩ a ègwet shua nê, “Mèmpème Mbɔ̧ɔ̧mà wa, nè mètàŋ tò nè kèfɔ̧̀ tò è kɨꞋɨ abua ya àfɨ̀Ꞌ yaa. Fɔ̧̀ wu tà yɔꞋ ntsà la è nyɨꞋte mètàŋ mi, nkàà nê bɔ tsì wòt wu tàa ntɨ̧a mbì Mbɔ̧ɔ̧mà àlia àgème ndzìà mènəè àtsəa bɔnyɨ ba la tè maꞋa a si.

Ètsə 15:4

Lefɨ̀Ꞌ, wòt wu kà wu bɔa awê, ewùꞋte èlen lê la wu wàà? Wu ndàꞋà àwɔ̀, à wu Mbɔ̧ɔ̧mà la. Bòt ngɔ̀ŋ bàgème àa li kɨꞋɨ wùꞋtè àwê, nkàà nê wòt ègème ye ndɨ mènəè mê nàa ndɨŋndɨ̀ŋ la.”

Ètsə 16:17

We basà̧à̧mbe ane bɔntu̧ Mbɔ̧ɔ̧mà bu tsəè è li ne èpfəèꞋ a èbem fo. TaꞋà àtɔŋ ko a dzə a ègwet àtɨ̧a kèfɔ̧̀ a Mbɔ̧ɔ̧mà a èbem lob nɨ̧ Mbɔ̧ɔ̧mà nê, “A mî!”

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

Ètsə 19:1

Mbɨ̀Ꞌɨ̀ àyaa a tsè la, e ndzə àghɨa ko a nɔ̀ŋkè mbɨ̀Ꞌɨ̀ àtɔŋ ènɔ̧̂ bòt a ègwet, ŋȩ̀a shua nê, “Alèluyà! Mèmpème nè ènɨ̧ nè mètàŋ wu abua Tǎt wa Mbɔ̧ɔ̧mà.

Ètsə 19:6

ÀfɨꞋa mbɔŋ e ndzə àghɨ ko a nɔ̀ŋkè mbɨ̀Ꞌɨ̀ àtɔŋ ènɔ̧̂ bòt, me jùꞋù mbɨꞋɨ̀ mèdzî nàa nchua a ègwet èbȩ la, mè me jùꞋù mbɨꞋɨ̀ èfâŋ nkwàta la è shua nê, “Alèluyà! Lèfɔ̧̀ tsiꞋi abua Tǎt wa Mbɔ̧ɔ̧mà Àtsèàngɔ̀ŋ.

Ètsə 20:4

E mè ndzè ètɨ̧ kèfɔ̧̀ bɔ ŋa mètàŋ abua bòt bɔ tsekte a ègwet la, bɔɔ me saꞋa mènəè. Mè ndzě èlɨ̀ŋkè bòt bu bɔ li ndòòte ètsə bɔb nkàà ndɨ bɔ̀ɔ shua nê bɔ bɨ̧ɨ̧ne ane Yesò Klistò, mè me làꞋa èngǎ̧ Mbɔ̧ɔ̧mà la. Eyaa wu bòt bu bɔ li bɔ̀ kà wuꞋtè nyà̧mɔ̀Ꞌ yu bɔ̂ wamâlem tò wu la, mè ntu̧ enɨ àlȩê tò yu a mèsi mɔb nè èbu bɔb la. Bòt mbɔŋ e li njù̧ù̧me me baãaã èlaꞋ bɔ̂ Yesò Klistò ba mbɨ̀Ꞌɨ̀ bèfɔ̧̀ ane mèngùꞋebȩ tɔsì.

Ètsə 8:12

We bakwì ane bɔntu̧ Mbɔ̧ɔ̧mà bu tɔ è li ne èsɔŋ. Tà tɔ ale àghɨa ko a tsòkè àbâ yeamɔꞋ ane àtaãnyèm bɔ ghàbte ane èbâ betat, nè àbâ yeamɔꞋ ane èŋu bɔ ghàbte ane èbâ betat la, mè nè àbâ yeamɔꞋ ane těnto̧tsə bɔ ghàbte ane èbâ betat la. A ghɨ̀ ale, àbâ yeamɔꞋ ane mèkàꞋà mɔb a lemà, è wu àbâ yeamɔꞋ ane èbâ betat la. Bɔ ghàbte nèngû̧ bɔ̂ ètsəꞋ ane èbâ betat, èkaꞋà è ka tsi ngu ane àbâ yeamɔꞋ.

Ètsə 9:1

We batà̧â̧ ane bɔntu̧ Mbɔ̧ɔ̧mà bu tɔ è li ne èsɔndɨk, e ndze kěnto̧ ko ke lɔ̀Ꞌɔ a ègwet nkwen a sitsǎꞋ. Bɔ ŋa nkȩ̀ȩ̀te ètsələèꞋ èbɨ kà ye ndìa abua tò.

Ètsə 9:13

We bantùa ane bɔntu̧ Mbɔ̧ɔ̧mà bu è tɔ è li ne èsɔŋ. Tà tɔ ale e ndzə àtɔŋ ko a dzə a bètɔ̀Ꞌà bu bakwì adù̧ àdziꞋ yu a tɨ̧ɨ̧ e mbì Mbɔ̧ɔ̧mà bɔ ghɨ ane goêl la.