Ètsə 1:6 - Mundani

⁶ Tà li ngɨ̀ àwa ane bòt lèfɔ̧̀ vi, nê ba wu bèntsìà mèpɨ̧̀ bɔ̀ɔ ngɨ̀à àfaꞋa Tǎt vi Mbɔ̧ɔ̧mà la. Maà shù̧ù̧ta nê mèngùꞋte nè mètàŋ è wu abua Yesò Klistò ane àlia nè àlia. Àmèn.

Ètsə 1:6 ပူးပေါင်းရင်းမြစ်များ

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Jɔ̌n 5:23

mbɨ̀Ꞌɨ̀ bòt bàgème aa me ŋa kènuke abua Waã mbɨ̀Ꞌɨ̀ bɔ̀ɔ ŋa abua Tǎt la. Wòt bakà wua ŋa kènuke abua Waã, tà ko nê yea kà ŋa abua tǎt wu tà tsàà tò la.

Lûm 11:36

Èghɨ ègème e li ngu nkàà mètàŋ tò, èghɨ ègème e mè ngu nkàà atò, mè ngu abua tò. TsiꞋ mèngùꞋte wu abua Mbɔ̧ɔ̧mà ane àlia nè àlia. Àmèn.

Lûm 15:6

À wu ale mbɨ̀Ꞌɨ̀ bɨa me wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa nè ètsəê wemɔꞋ.

Filìpȩ 2:11

Èghɨ baa ègème e mè ngu elàꞋa ane mètsəê mɔb nê, Yesò Klistò wu Tǎt a ègwet àghɨ àgème, mbɨ̀Ꞌɨ̀ àghɨ àgème aa wùꞋtè èlen Tǎt tò Mbɔ̧ɔ̧mà.

1 Tɔ̀màtià 6:16

Tà wu ndàꞋà wòt kà wu li epfə, mè me tsèke a kètsìà èkaꞋa vi wu betsiꞋa wòt kà ko ntsě abot la. Wɔ̀bȩ̂ bakà li mè ye atò, wòt kà mè ngu eko eye atò. TsiꞋ bɔbȩ è wùꞋte atò mè ŋeꞋe atò a ègwet tè ndɨ ngɔ̀ŋ naa li ghǎ elìa la. Àmèn.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.

1 Pità 5:11

Wu tòà ka tà bɔ mètàŋ ègème ane àlia nè àlia la. Àmèn.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

Jûd 1:25

Maà shù̧ù̧ta nê Yesò Klistò Lefɨ̀Ꞌ wa ghɨa bòt è ŋa mèngùꞋte abua tò wu tà wu ndàꞋ Mbɔ̧ɔ̧mà mè ngu Mpemnà wa la. Ètɨ̧̂ ègème, nè mètàŋ ègème e wu abua tò. Kèfɔ̧̀ wu we tò, e bùꞋù tê àfɨꞋa mbì, mè mbèle àfɨ̀Ꞌ yaa, mè ngu ewu ane àlia nè àlia. Àmèn.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

Ètsə 20:6

Ntsɔ̧̀ wu bòt bu bɔ̀ɔ li yu̧u̧me ayɔɔ bòt mbì bàa la. Bɔ wu bòt Mbɔ̧ɔ̧mà. Èvə lu wòt nàa mpfəa mè mpfəa la è ka li tsi e bɔ mètàŋ a ègwet lɔb a. Bɔɔ li wu bèntsìà mèpɨ̧̀ Mbɔ̧ɔ̧mà bɔ̂ Yesò Klistò ba, e mě me baãaã èlaꞋ mbɨ̀Ꞌɨ̀ bèfɔ̧̀ nè Yesò ane mèngùꞋebȩ tɔsì.

Ètsə 4:11

“Mbɔ̧ɔ̧mà Lefɨ̀Ꞌ wa leꞋ, à kùꞋu we bòt àa me shu nê à ghe, mè nkùkta we, mè ngùꞋtà we ane mètàŋ mè la. Wu àwɔ̀ à lè ghɨ èghɨ ègème, è mě ngu ane mènkɔ̀ŋke me ka èghɨ ègème e li ngu, mè ntsìꞋi èghɨ yu̧ la.”

Ètsə 5:10

À ghɨ̀ àwɔb ane bòt lèfɔ̧̀ wê, bɔ mè ngu bèntsìà mèpɨ̧̀ abua Tǎt wa Mbɔ̧ɔ̧mà. Bɔ̀ɔ li me baãaã ngɔ̀ŋ yaa.”