Ètsə 1:11 - Mundani

¹¹ Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”

Ètsə 1:11 ပူးပေါင်းရင်းမြစ်များ

ÀfaꞋa 16:14

Wekǒ ayɔɔ bèzi bu bɔ̀ɔ njùtâ èngǎ̧ Mbɔ̧ɔ̧mà wu la, li ngu Lidìà, tà wu wòt tàa ntâ ndìte èkab la. Tà li ndzəè àlaꞋ a Tȩ̀tilà, mbɔ̂ ngu wòt tàa ngùꞋtà Mbɔ̧ɔ̧mà la. Ale, Mbɔ̧ɔ̧mà wu ghaꞋa èntɨ̧ɨ̧ tò nê tà yute mè mbɨ̧̀ɨ̧̀nê èngà̧ wu Pɔ̂l è làꞋà la.

ÀfaꞋa 18:24

Wòt Juê kǒ li nkɨ̀Ꞌɨ̂ a Efesɔ̀s èlen tò wû Àpolòs la. Bɔ̀ le bi atò a Àlèkzandìà, tà bɔ̂ ntaꞋa ko a màndaꞋa, mè ntaꞋa ko mènəè bɔ shɨ a èbem èdziꞋi èkatè Mbɔ̧ɔ̧mà la.

ÀfaꞋa 20:17

Pɔ̂l li ntsèke a Miletùs, ntsɔ̀tè ntu̧ a Efesɔ̀s nê bɔɔjuŋ bu a chɔsì la è kɨꞋɨ ndzè àvi.

1 Kɔlìn 15:32

E ndi ngɨ̀ ale ngua ndzea mènəè wuê ndɨ wɔ̀bȩ̂ nàa ndzea la, ko àbȩ̀ am e me nû nyaãtebàꞋ a Efesɔ̀s wû ghàà? È wu nê bòt aa kà pfə njù̧ù̧mê, ko “Bɨ̀ tsiꞋ bà me jɨa nua ngùꞋtà wa nkàà nê, naa me wu a tetsɔꞋ baa pfəꞋte.”

1 Kɔlìn 16:8

Ka maa tseke a Efesɔ̀s tè àlia Pentekɔ̀s aa kɨꞋɨ,

Efesɔ̀s 1:1

Letà Pɔ̂l wantu̧ Yesò Klistò Mbɔ̧ɔ̧mà è ghɨ̂ ane mènkɔ̀ŋke mi la. Abua bòt Mbɔ̧ɔ̧mà bu a Efesɔ̀s bɔ̀ tsiꞋi àghɨ yeamɔꞋ nè Yesò Klistò la.

Kɔ̀losìà 2:1

Maà nkɨà bɨa ko ndɨ màa ndèbà ènyit yaã mbɨ̀Ꞌɨ̀ è ngu etɨŋe awɨ̧ nè bòt Làoêdisìà, nè bòt ko bu bàgème kà li tè mè ye am la.

1 Tɔ̀màtià 1:3

Maà nkɨà nê, à tseke a Efesɔ̀s wuê mbɨ̀Ꞌɨ̀ e ndi shu awê àfɨ̀Ꞌ yu e ndi ngu alu̧ ngà a Màsèdonìà la. Tseke abàꞋ və mbɨ̀Ꞌɨ̀ e kele bòt bu bɔ̀ɔ nyɨ̀Ꞌta bòt mènəè fɨ̀te la.

Ètsə 1:17

Mâ ye atò ale, mbê nchu mbɔ̀tè a mbì tò mbɨ̀Ꞌɨ̀ wòt tà pfə la. Ka tà nɔ̀ŋè àbualu̧ azi a ègwet laã nê, “Ka mbɔ̀â, E ngu MèmbùꞋu nè Mèndìa,

Ètsə 1:19

“Ale, shɨ èghɨ bàagème à ye la. Shɨ èghɨ bu àa ghɨ àfɨ̀Ꞌ yaa la, mè shɨ e bu è bele kaa ghɨ̀ la.

Ètsə 1:2

Jɔ̌n li shu bòt èngǎ̧ Mbɔ̧ɔ̧mà nè nkûŋ yu Yesò Klistò e nyɨꞋte atò la.

Ètsə 1:20

È me wu ànəa ndò̧ yu ane těnto̧ tu tesà̧à̧mbe mâ bèa àbualu̧ am la, nè èghɨ bu besà̧à̧mbe bɔ̀ɔ ntsìta mèkàꞋà adù̧, bɔ ghɨ ane goêl la, ko tsiꞋ è shu awê lə èghɨ mbɔŋ. Těnto̧ tu tesà̧à̧mbe la wu bɔntu̧ bu basà̧à̧mbe bɔ̀ɔ ndȩ̀à bèchɔsì bu basà̧à̧mbe la. Èghɨ bu bɔ̀ɔ ntsìta mèkàꞋa adù̧ besà̧à̧mbe la, è wu bèchɔsì ngaa basà̧à̧mbe la.

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.

Ètsə 1:8

Mbɔ̧ɔ̧mà Lefɨ̀Ꞌ shu nê, “E ngu MèmbùꞋu nè Mèndìa. Wu mmɔ̌ wu màa və, e ndi ndzaŋe wu, mè ngu li ekɨꞋɨ la. Wu mmɔ̌ Àtsèàngɔ̀ŋ à.”

Ètsə 10:4

Èfâŋ yu yesà̧à̧mbe e gwet ale, e mbê nê e nkɨ shɨ ànəa e làꞋà la, me zə àtɔŋ ko a dzəè a ègwet nê, “Ka ntùꞋu mènəè mu èfâŋ yu yesà̧à̧mbe e shu la, à ka shɨa a si.”

Ètsə 14:13

E me zə àtɔŋ a dzəè a ègwet me shu nê, “Shɨ àghɨ yaa a si: Ntsɔ̧̀ wu bòt bu bɔ̀ɔ pfə mbɨ̀Ꞌɨ̀ bòt Yesò e bùꞋu àfɨ̀Ꞌ yaa me ghà ne mbì la.” Fo Mbɔ̧ɔ̧mà nê, “Oo, wu nkûŋ. Bɔɔ yète ane àfàꞋ àyɔb, nkàà nê àfàꞋa ntsɔ̧̀ àyɔb aa li kùŋè àwɔb.”

Ètsə 19:9

Wantu̧ Mbɔ̧ɔ̧mà wu shu abua am nê “Shɨ ayaa a si: Ntsɔ̧̀ wu bòt bu bɔ tɔ awɔb nê bɔ̀ kɨꞋɨ njɨ èpǎ̧ ndzɔꞋɔ Wanjɨ̀ wu la.” Tà mè shu abua am nê, “Eyaa wu mèngǎ̧ nkûŋ è dzəè abua Mbɔ̧ɔ̧mà la.”

Ètsə 2:1

“Shɨa àkatè abua wantu̧ Mbɔ̧ɔ̧mà wu tàa ndȩ̀a chɔsì wu a Efesɔ̀s la nê, ‘Mèngà̧ maa è dzəa abua wòt wu tà bèa těnto̧ tu tesà̧à̧mbe àbualu̧ azi, mè me ghȩ̀ȩ̀nè a kètsìà èghɨ bu besà̧à̧mbe bɔ̀ɔ ntsìta mèkàꞋà adù̧, bɔ ghɨ ane goêl la.

Ètsə 2:12

“Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Pegamùm la nê: ‘Eyaa mèngǎ̧ wòt wu tà bɔ nyi yu nàa ntɔa èbâ bebe la.

Ètsə 2:18

“Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Tȩ̀tilà la nê: ‘Eyaa mèngǎ̧ Waã Mbɔ̧ɔ̧mà wu àghɨ atò àa mbèꞋa mbɨ̀Ꞌɨ̀ èwet nkòòla la, èka tò e mè me beꞋe mbɨ̀Ꞌɨ̀ àtɨ̧ɨ̧na bɔ to̧a èwet la.

Ètsə 2:24

È me wu àbəèꞋ àyɨ̧ yu a Tȩ̀tilà bɨ baka bɨ̧ɨ̧ne èghɨ bu Jezebèl nàa nyɨ̀Ꞌta la, bɨ̀ ka meè nko èghɨ bu bòt àa ntɔ nê wu ngule ènəê ndò̧ Satàn la, ko mâ shu abua yɨ̧ nê è nka tsi nɔ̀ŋe àbòꞋà ko tsa a ègwet lɨ̧ a.

Ètsə 2:8

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Sìmȩnà la nê: ‘Eyaa mèngǎ̧ wòt wu tà wù MèmbùꞋu nè Mèndìa la. Wu tòà wu tà li mpfə mè njù̧ù̧me la.

Ètsə 21:5

Wòt wu tà tseke a gwet àtɨ̧a kèfɔ̧̀ yu la nê, “Bɨ̀ ye, maa ghɨ̌ èghɨ ègème aa tsiꞋi be fi.” Tà mè shu abua am nê, “Shɨ àghɨ yaa, nkàà nê mèngà̧ maa wu mèngǎ̧ nkûŋ, è kùꞋu me wòt nàa bɨ̧ɨ̧ne la.”

Ètsə 22:10

Tà mè shu abua am nê, “À ka ndò̧ mèngà̧ mu bɔ li shu bɔ shɨ a èbem àkatè yaa la, nkàà nê àfɨꞋa èghɨ mbɔŋ àa ghɨ̀ la a tsiꞋa nkùꞋà.

Ètsə 22:16

“Mmɔ̌ Yesò mâ tsàà wantu̧ am abua yɨ̧ nê tà kɨꞋɨ shu awɨ̧ mènəè maa, bɨ̀ shu abua bèchɔsì. E ngu èntaãaã e tu a àndǎ̧ Fɔ̧̀ Dàbid la, kěnto̧ ntɔtetsɔ̌Ꞌ kèa nkàꞋtà la.”

Ètsə 3:1

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Sadìs la nê: ‘Eyaa mèngǎ̧ wòt wu tà bɔ fote Mbɔ̧ɔ̧mà tu tesà̧à̧mbe nè těnto̧ tu tesà̧à̧mbe la. Mâ ko èghɨ bɨ̀a ngɨ̀à la, bòt aà ndzèa wɨ̧ nê bɨ wu bòt yu̧, ka bɨ bɔ ngu bèmpfəà.

Ètsə 3:14

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Làoêdisìà la nê: ‘Eyaa wu mèngǎ̧ wòt wu bɔ̀ɔ ntɔ atò nê Àmèn, mè ngu wòt nkûŋ, mèngǎ̧ tò è kùꞋu me bòt àa bɨ̧ɨ̧ne la. Mbɔ̧ɔ̧mà li ngɨ̀ àghɨ àgème a bùꞋ ane tò.

Ètsə 3:4

“ ‘Ka bɔlɨ bòt ko e bele ayɔɔ yɨ̧ a Sadìs və kà dɔte ndǐ tɔb. Bòt ngaa aa li kwaã ndìte kèfə e wu ba tò ba, nkàà nê bɔ kuꞋ.

Ètsə 3:7

“ ‘Shɨa àkatè abua wantu̧ Mbɔ̧ɔ̧mà wu tàa ndȩa a chɔsì wu a Fìlàdefìà la nê: ‘Eyaa wu mèngǎ̧ Ngule Waã Mbɔ̧ɔ̧mà, tà mèe ngu wòt nkûŋ la. Nkȩte fɔ̧̀ Dàbid te wu abua tò. Tàa ngɨ̀ tà kȩ ètsələèꞋ, wòt kà ko ntsɔꞋ; tà ntsɔꞋ ètsələèꞋ, wòt kà ko nkȩ̀.