Efesɔ̀s 6:21 - Mundani

²¹ Tȩ̀kɨkùs, wanyɨ wa wu ba taꞋa wua nkɔ̀ŋkà tò, tà mè ngu ngule wɔ̀fàꞋ Tè Yesò Klistò la naa shu awɨ̧ ànəê am àgème, mbɨ̀Ꞌɨ̀ bɨa ko ndɨ màa la e mě ko àghɨ màa ngɨ̀à la.

Efesɔ̀s 6:21 ပူးပေါင်းရင်းမြစ်များ

ÀfaꞋa 20:4

Sopatà, waã Pȩlùs wu è wu wòt Belìà la, li ngà bɔ̂ tò. Bɔ li ngà mɨ̧̂ nè Àlistakùs bɔ̂ Sèkundùs bɔ dzə a Tèsàlonikà la, nè Gayɔ̀s wu tà dzə a Debì la, nè Tȩ̀kɨkùs bɔ̂ Tɨ̀lòfimùs wu bɔ dzəâ àbâ àlaꞋ a Esìà la, nè Tɔ̀màtià.

1 Kɔlìn 4:17

Eyaa wu lə e ntsàa Tɔ̀màtià la. Tà wu waã èkɔŋ am ndɨ̀ wu bà wu bòt Tè Yesò Klistò la. Tàà ngɨ̀à àfàꞋ àzi nè èntɨ̧ɨ̧ vi ègème. E ntsaa tò nê ta kɨꞋɨ nkù̧ù̧te awɨ̧ mènəè mɔ̧ ane Yesò Klistò. Wu mènəè maa nkùŋà mùà mè nyɨ̀Ꞌta a bèchɔsì a èdzìꞋ ègème la.

Filìpȩ 1:12

Bɔnyɨ bɔ̧, maa nkɨ̀a bɨa ko nê, mènəè maa ndze am la è paà ntsiꞋi ghaꞋa èlu̧ bòt e me zə Ntu̧ Ntsɔ̧̀ Yesò Klistò nɨa ngà nè mbì.

Kɔ̀losìà 1:7

Bɨ li mbɨ ndzə ànəa ntsɔ̧̀ Mbɔ̧ɔ̧mà mbɔŋ abua Èpaflàs, shu̧ ya wafàꞋ Yesò Klistò wu tà ŋà avi abua Yesò me tɨŋa awa la.

1 Tɔ̀màtià 4:6

À nyɨ̀Ꞌta mènəè maa abua bɔnyɨ ba, ko aa wu ngule wɔ̀fàꞋ Yesò Klistò. À me ghɨ̀ anè, ko à wua nyɨ̀Ꞌta nê, à wu wòt tàa ndzəa wuê èngǎ̧ Mbɔ̧ɔ̧mà wu ba zǐ èntɨ̧ɨ̧ wa adù̧ la, mè me nèèta mbà̧aã mènəè mu à li mbɨ̧̀ɨ̧̀ne mbɨ̀Ꞌɨ̀ bɔ nyɨꞋte awê la.

2 Tɔ̀màtià 4:12

È wu a Tȩ̀kɨkùs, ko e ndi ntu̧ atò a Efesɔ̀s.

Tȩtɔ̀s 3:12

Maa tsàa wòt kǒ ane Àtemàs bɔ̂ Tȩ̀kɨkùs abua yê. Ŋut naa kɨꞋɨ tà kwene ane yê, à nyɔ̀Ꞌtè nkɨ̀Ꞌɨ̂ nkwène ane yaã a Nìkopolìs, nkàà nê mâ taŋke etseke abàꞋ və ane àfɨꞋa àbɨ̂ŋ yaa.

Fȩlemùn 1:16

Taa àfɨ̀Ꞌ yaa anè tà kà ntsi ngu wuê àbùꞋ, tà bɔ̀ tê ntsè àbùꞋ. Tà tsiꞋi ngule wanyɨ wa ane Yesò. Tà wu ngule wòt abua am, mè ngu ewu ngule wòt abua yê, te etsě fɔɔle ndɨ tàa abua am la, ndɨ̀ wu bɨ tò e wu bòt Yesò tà mè ngu wòt lob yê la.

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.

2 Pità 3:15

Bɨ̀ ko nê Lefɨ̀Ꞌ wa kuule èntɨ̧ɨ̧ vi me chɨꞋɨ àfɨꞋa yèa kɨꞋɨ la, ale ngua ŋa awɨ̧ èlu̧ bɨa bɔ mèmpème, wuê mbɨ̀Ꞌɨ̀ ngule wanyɨ waa Pɔ̂l li nɨ èyì wu Mbɔ̧ɔ̧mà ŋa abua tò la, shɨ̀ àkatè abua yɨ̧ ane ànəa mbɔŋ la.