Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efesɔ̀s 6:20 - Mundani

20 Mâ tɨ̧ɨ̧ ane èlen Yesò, mbɔ̂ ngu a tèfȩ nkàà ànəa Ntu̧ Ntsɔ̧̀ yaa. Bɨ̀ tsàꞋta Mbɔ̧ɔ̧mà nê tà tsì kèbɔɔ ane yaã mbɨ̀Ꞌɨ̀ maa tsɔ̀te Ntu̧ Ntsɔ̧̀ yaa ane ndɨ mâ bɔ ndɨ màa tsɔ̀tè la.

အခန်းကိုကြည့်ပါ။ ကော်ပီ




Efesɔ̀s 6:20
31 ပူးပေါင်းရင်းမြစ်များ  

Tǎt banyà̧ wu gha a mbɨ̧̀ Pɔ̂l, ndzì èbu ane tò, mbɔ̂ ngɨ̀ bɔ kuule atò ane fȩ tebe. Tà bɔ̂ mbììte nê, “Mbê waa wu wàà à? Tà ghɨ̀ ghà à?”


Pɔ̂l bɨ̀ɨ̀lè nê, “Kò àfɨꞋa ngaa aà sàà kò aà nyɨꞋa leꞋ, ko maà ntsàꞋta a Mbɔ̧ɔ̧mà nê, tà ghɨa bɨ bòt ba bàgème njùtâ èngǎ̧ am la è tsiꞋi mbɨꞋɨ̀ màa la. Wu nê, bɔ̀ ka nkùùle awɨ̧ ane fȩtsə mbɨ̀Ꞌɨ̀ bɔ kuule am anè la a.”


Eyaa wu àghɨa a ghɨ̀ ka e me kɨ eye awɨ̧ la. Bɔ me kuule am ane fȩtsə mbɨ̀Ꞌɨ̀ wɔ̀tèfȩ anè, ngua nkàà wuê ànəa wòt wu bòt Izəèlȩê e bɔ ntɨ̀ ane tò la.”


Tà li ngua ndàꞋà ànəa kèfɔ̧̀ Mbɔ̧ɔ̧mà nè mènəè Yesò Klistò Lefɨ̀Ꞌ kà bɔ̀â, wòt kà mê nkèle atò.


Pità bɔ̂ bɔntu̧ ko bu e bɨ̀ɨ̀lè nê, “Ba bɔ̂ ndɨ bàa ghɨ ànəa Mbɔ̧ɔ̧mà shu la. BetsiꞋa bà ka sa àyea tò, ngɨ̀ wuê àyea wɔ̀bȩ̂.


Ndɨ̀ wu ba ko ayaa la, ba tsiꞋa ndàꞋà èngǎ̧ Mbɔ̧ɔ̧mà kà bɔ̀a.


Ale, ba wu bòt Yesò Klistò tsàà àwa nê bà me làꞋà àdziꞋa zi la. A wu mbɨ̀Ꞌɨ̀ Mbɔ̧ɔ̧mà nɨ mètsəê ma ka me laꞋa abua bòt. Ba shu̧u̧te awɨ̧ ane èlen Yesò Klistò nê, bɨ̀ kɨꞋɨ ngɨ̀ àlàŋkè nè Mbɔ̧ɔ̧mà!


Àyaa a ghɨ̂, mmɔ̌ Pɔ̂l wu è ngu a tèfȩ nkàà èngǎ̧ Yesò Klistò wu màa ndàꞋà abua yɨ̧ bɨ̀a bòt kà wu Bèjuê la, e me tsàꞋte a Mbɔ̧ɔ̧mà.


Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.


Bɨ̀ me tsàꞋta Mbɔ̧ɔ̧mà ane yaã mɨ̧̂, nê àfɨ̀Ꞌ àgème màa ndàꞋà la Mbɔ̧ɔ̧mà me shu am àghɨa màa me làꞋà la, mbɨ̀Ꞌɨ̀ maa làꞋà kà ye kèbɔɔ e ghɨ̌ bòt aa ko ànəê ndò̧ yu ane Ntu̧ Ntsɔ̧̀ Yesò Klistò la.


Maa nchɨ̀ɨ̀mâ nkɨ̀a, mè mbɔ ntɨ̀ nê, è nka bê lɔ̀Ꞌɔ ebɔ àtsəa kɔꞋɔ ane ànəa Yesò a. Ka maa lɔ̀kè èlen Yesò Klistò etsaa ègwet àfɨ̀Ꞌ yaa mbɨ̀Ꞌɨ̀ màa ndzìà ngɨ̀à la, kà bɔ̀a. E màà ngu bele wuê a sitsǎꞋ ŋàa, kò mpfə leꞋ, ko maa me lɔ̀kè wuê èlen tò.


Mâ bɔ̂ ndɨ màa me tseka mɨ̀ɨ̀tà àwɨ̧ wuê anè la, nkàà nê bɨ wu èntɨ̧ɨ̧ am. Aa ale, nkàà nê ba nɨ̧̀ ba e ye a ntsɔ̧̀ wu Mbɔ̧ɔ̧mà è ghɨ abua ya la. Ba ye a ntsɔ̧̀ mbɔŋ àfɨ̀Ꞌ yaa è ngu a tèfȩ la, fɔ̀ɔ̀le ne àfɨ̀Ꞌ yu e ndi ngua ngèèba ntsɔ̀tà Ntu̧ Ntsɔ̧̀ Yesò Klistò nyɨ̀Ꞌta ndɨ è wû nkûŋ la.


Bɨ̀ me tsàꞋte a Mbɔ̧ɔ̧mà ane ya mɨ̧̂, mbɨ̀Ꞌɨ̀ tà wu ghaꞋa wa èlu̧ baa me làꞋa èngǎ̧ tò wu è wû ànəa ndò̧ ane ànəa Yesò Klistò la abua bòt. Wu ànəa èngǎ̧ mbɔŋ ka a ghɨ̂ e ngu a tèfȩ anè la.


È wu ale, bɨ tsàꞋta Mbɔ̧ɔ̧mà nê, è nko ntsɔ̀tè ntu̧ yaa ane ndɨ mâ bɔ ndɨ màa làꞋa bòt àa nèète ezə la.


Bɨ ko ndɨ bɔ li mbɨ̀ ngɨ̧̀ɨ̧̀nè àwa mè ntsɔ̧̀ɔ̧̀tè àwa a Filìpȩ ka ba kɨꞋɨ̀ abua yɨ̧ a Tèsàlonikà la. Bòt è li mbàte ndɔ̀Ꞌte a si àpfəa yɨ̧ mɨ̧̂ me pààbè àwa, ka Mbɔ̧ɔ̧mà bɔ̂ ŋà àwa mèntɨ̧ɨ̧ kèkweelè ba tsɔ̀tè Ntu̧ Ntsɔ̧̀ yu è dzəè abua tò la abua yɨ̧.


È wua Ònesìfolùs, ko maà ntsàꞋtà nê Mbɔ̧ɔ̧mà ku tèsȩte bòt tò. Tà taꞋa wua nkɨ̀Ꞌâ ndàꞋà nè nà̧. Mâ batè ngu a tèfȩ ale, ka tà kà wua mbɔ̌ àtsəa kɔꞋɔ nkàà am.


Wu ànəa yùà ka a ghɨ̂ e me ye ngoꞋ tè bɔ kuule am mbɨ̀Ꞌɨ̀ wòt tà ghɨ ànəa kàbɔ̀ŋ la. Bɔ batè nkùùlè am ale, ka bɔ̀ ka kuulè Ntu̧ Ntsɔ̧̀ yu.


E ngua shù̧ù̧te awê ane ànəa waã am Ònesìmùs wu mâ tsiꞋi tǎt tò ane Yesò mbɨ̀Ꞌɨ̀ e ngu a tèfȩ anè la.


ka e ngu anè ntsìꞋa shù̧ù̧te awê shù̧ù̧te nè èkɔŋ. Mmɔ̌ Pɔ̂l, maà ngɨ̀à àyaa anè mbɨ̀Ꞌɨ̀ wòt tà tɨ̧ɨ̧ ane èlen Yesò mbɔ̂ ngu àfɨ̀Ꞌ yaa fȩ ane ànəa tò la.


Baa me ko àghɨa èkɔŋ è wu yùà la ale, ngu ndɨ̀ wu Yesò Klistò li ŋà àtsəa zi ane ànəa ya la. È wu ale, bàambɔŋ e bɔ ndɨ bàa ŋa ètsə ba ane ànəa bɔnyɨ ba mɨ̧̂ la.


Ngule bèshu̧ bɔ̧, è ndi ngua nkɨ e shɨ letà waa abua yɨ̧ ane ànəa mèmpème mu ba nɨ̧̀ ba e fɔtè mbɔŋ la. È ngɨ̀ ale èntɨ̧ɨ̧ am e tsiꞋi me ŋwèèlè am nê è shɨŋ ngɨ̀ bɨ̀ neeta mbà̧aã ànəa Ntu̧ Ntsɔ̧̀ yu Mbɔ̧ɔ̧mà ŋa abua bòt bi nènkèm tè ndɔ̀Ꞌ la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ